是咁的，照顧過我嘅護士死咗 完

嗰晚，十八子陪我留到好夜，九點放工嘅佢聽日要返七點，但都陪我，仲送埋我返屋企。

媽媽見到我，摟住我話好擔心，同埋唔該十八子送我返屋企。

「你今晚喺度過夜啦，費事你又返去少咗時間休息呀。依度近醫院多啲，你可以瞓晏啲。」

「麻煩你喇伯母。」

「唔麻煩，我都當你半個女咁架啦。去沖涼先啦。」

我拖住疲憊嘅身體瞓上床，十八子去咗沖涼，花灑嘅水聲沙喇沙喇咁響起。

媽媽坐喺床邊。

「十八子講咗我聽喇。」

溫暖嘅手放喺我額頭：「你媽媽我未試過面對一個我好愛好愛嘅人離開，你爺爺係佢離開咗我先愛，你老豆喺離開之前我已經唔愛佢。」

一下一下撫摸我額前嘅頭髮。

「我未經歷過，但我可以想像。而且親眼睇住自己愛嘅人受苦，我諗嗰陣痛都差唔多⋯⋯好似⋯⋯好似全身每一塊骨頭，每秒鐘都會斷一次咁。」

有溫度嘅水點滴喺我面上，媽媽幫我抹走。

「好好瞓一覺啦，仔。早唞。」

罕見咁，媽媽錫咗我一啖。我嘅意識亦漸漸遠去。

可以開始落注到底下個死既會係金媽定係十八子先

咁不如金仔死啦

我以為十八子喺我屋企過夜會令大雄唔高興，點知佢地兩個無為依件事嘈過交。而且之後十八子幾乎每日都上嚟，少咗同大雄見面，佢都無一句怨言。

真係難得一見嘅好仔。

我嘅情況又變返當年被女神拒絕咁樣，情緒低落，無食慾，半夜會紮醒喊。

要媽媽同十八子輪流照顧我，我心入面覺得自己更加廢。我好想振作，但振作唔到。

但我再頹廢都唔可以唔返工，因為我無人工媽媽又會好辛苦，我唔想佢幾廿歲仲要照顧我依個大細路。

返工嗰陣，一忍唔住我就入廁所喊，而阿連就會守住廁所門口唔畀人入嚟。

阿連亦係另一個擔心我嘅人，日日朝早就拍門叫我一齊返工，放工又會送到我入屋，有時仲會同十八子一齊陪我食飯。

每晚食飯時間，我地都會睇電視。近排嘅新聞報導係話白色運動參與人數愈嚟愈多，有機會成為雨傘運動後最大型嘅一次和平示威。

電視中人人身穿白袍戴口罩，一到夜晚就打開手機燈，黑夜嘅大街幾乎化成純白，場面好壯觀。

或者因為阿連知道我嘅心上人係過勞死，係有問題嘅醫療體系下嘅犧牲品，所以佢開始理解街上嘅醫生護士同平民爭取緊乜野，無再口水多多鬧人。

十八子、阿連、媽媽三個都真係好擔心，亦好努力照顧我，我諗唔係佢地陪住我，我一早就自殺死咗。

不過未嚴重到自盡，亦唔代表情況樂觀。

直到有一日，我收到個電話，大家姐打嚟嘅電話。

可唔可以唔洗死

我反而覺得每次都要用某啲人既死去控訴某啲野，果種傷感先唔真實。一樣會傷感，分別在於我地因為控訴既事而傷感，定係因為個故事本身而傷感，好睇金仔係想要邊一個結果

我依照大家姐畀我嘅地址去到佢位於太子一棟舊樓嘅樓上店。

木質嘅大門，一入到去就瀰漫水果嘅香味。原來大家姐正職係賣水煙壼。

「以前唔係架，後尾林林勸我搞啲小生意，反正老豆老母有錢，我咪打發下時間。」

大家姐嘅小店左右排咗一列櫃，櫃上有大大細細、各有特色嘅水煙壺，聽講有啲仲係大家姐自己設計。

大家姐曾經同林林反過面，當時林林決定讀返書，唔再跟大家姐。但後來林林都係返咗去佢身邊，夾硬逼佢戒毒。

戒完毒之後，佢地又少咗聯絡，林林話大家姐爛蒲嘅個性唔啱佢。

不過當佢唔開心又會搵大家姐訴苦，所以大家姐對林林，可以話又愛又恨。

之所以會恨，係因為實際上，大家姐真心想同林林做最親嘅閨蜜，可惜對方話大家唔夾。

「唔好意思呀，咁耐先搵你。之前忙住應付啲差佬，講幾多次都死唔信林林無滑雪，搞咗好耐。之後又要準備林林嘅喪禮，所以依家先得閒叫你嚟。」

亦因為大家姐心底其實好重視依個朋友，先會將佢嘅喪禮摟哂上身負責。

究竟金仔應該多謝大家姐定嬲大家姐

大家姐有咩想講

大家姐走去櫃臺，喺英式木櫃筒中拎出要交畀我嘅野。

「佢嘅喪禮係幾時⋯⋯」

「下星期，時間地點我再wtsapp你。」

我接過大家姐手中嘅信封，未拆封過。

上面寫住：「給偽毒金！」

「嗰日我去拎林林幫我訂嘅雕刻用品已經發現封信。我費事班差佬睇，所以收埋咗。我諗得你先有資格開依封信。」

我望住林林嘅字跡，眼眶已經紅咗。但大家姐眉毛都無跳一下。

「你⋯⋯真係堅強⋯⋯」

大家姐冷笑一聲：「我喊夠喊飽架，咪以為我真係咁硬淨先得架。喊完，咪起返身繼續行。」

「⋯⋯所以我話你堅強⋯⋯我⋯⋯仲未起到身⋯⋯」

「你係要多啲時間架喇，鬼叫你係最愛佢嗰個咩。」

我唔好意思咁耷低頭，拆開林林畀我嘅第一封，亦係最後一封信。

「唔阻你睇信，我去點貨先。」大家姐行入內室，我將摺成長方形嘅信紙打開，同時聽到內室傳嚟嘅低泣聲。

屌 夜媽媽又喊到個枕頭濕晒

魏牘金！有人說過你的各字好有趣嗎？不要生我氣呀，跟你開個小玩笑罷了。用玩笑開首是因為我自己也很緊張，我還是第一次寫情信給男生，好怕被你拒絕！希望你不會嫌棄我唐突地寫情信給你吧。

我睇到意識突然白咗一片。

依封係⋯⋯情信⋯⋯我一直唔夠膽寫嚟表白嘅媒介。

而林林選擇咗寫情信畀我。

⋯⋯情⋯⋯信？

既然是情信，一開始就應該說了，我喜歡你。

本來紅咗嘅眼眶，淚水唔受控制咁湧咗出嚟，滴落信紙上。

我都係⋯⋯我鍾意你⋯⋯好鍾意⋯⋯好鍾意⋯⋯

我一直在掙扎要不要告訴你，怎樣告訴你。最後還是用了最老套的方法。沒辦法了，我懂的不太多。雖然中學時是不良少女，但因為太凶了沒有男生敢接近我。到出來工作，我可是護士，自己最清楚工作時間多糟糕，我又是工作狂，根本不適合跟人交往。也因此，對男女情愛真的不是專家，便朋這個方法表白了。我的時間都花在醫院和病人身上，所以對追求我的人都會狠狠拒絕。我不想花時間在愛情之上，只想花在病人上，我一直都是這麼想。

回想起來，那大概只是因為我還沒遇上你。

其實本來也對你沒什麼好感，還以為你也想追求我，常常買小食我吃。但奇怪的是，你一直沒有進一步行動，就只止於買東西我吃，讓我都搞不清楚你是不是喜歡我了。

我們不多不少，就相隔一碗小食嘅距離。

這是我覺得很舒服的距離，也是令我對你產生好感的距離。心想：這個男生不錯呢。

你應該也看得出，我其實也明白這個世界上，救得了一個病人就救不了第二個的真理，所以我才會常常感到無力。但我仍然想再多救一個，再多一個，所以我只會把愈來愈多時間花在病人上。

偏偏你的出現，令我開始希望抽出一點時間，花在你身上。這點其實很自私，我卻無法再理性地控制自己，誰叫我已經無可救藥地喜歡上你了呢？

我還記得很清楚，真正察覺到自己喜歡你那天的情景。你記得嗎？在我暈倒那天，是你守在病床旁邊的，張開眼就看到你了。知道嗎？嫲嫲離開後，我已經⋯⋯過了太多在張開眼睛時，身邊一個人都沒有的日子，太多生病時也得自己去買外賣的日子了。所以張開眼看到你時，我早就感動得快哭出來了。然後你還說擔心我，那刻我確確實實地感到自己的心跳加速了。

我記起林林醒嘅時候，呆呆滯滯咁望咗我輪 。

我將買嚟嘅白粥打開：「本來琴晚買咗肥姐你食架，你暈咗就無法啦，轉咗買粥你食。」

林林坐喺床上，擦一擦眼角。

「做咩？」

「無野呀。」

「點解你會喺度嘅？」

「我擔心你丫嘛，咪等你醒囉，假都請咗喇。」

「啊⋯⋯我走架喇。你醒返我就安心哂，我依家走架喇。」

微細嘅拉力，令我停止離開嘅動作。

「唔好走。」

希望你記得那天吧！我有好幾次都想直接抱著你表白啊。不過後來你說錯話，我也冷靜過來，就先再觀察多一段時間吧。

一來是想更確定自己是不是真心真意，二來也是怕你嫌棄不是香港出生的我，所以一直忍住了，沒表白。

但我對你的好感卻隨著時間增加，看到你和李姑娘在一起還牽著手，我第一次嚐到吃醋的味道。偷偷告訴你，破你左手的處，我是故意的:p誰叫你在我面前牽其他女生的手！但我也因此更確定對你的感覺，結果就鼓起勇氣寫這封情信給你。

好想快點到生日那天，把信給你。

我很期待你會送給我的畫，抱歉德仔離開那天沒有收下。

希望收到你的畫作為我的生日禮物。

但我更希望收到你答應我的吻作為生日禮物，希望你不會嫌棄我這個大陸女生的情信。

最後再說一次，我喜歡你啊，偽毒金！

Live左 我屌你夜媽媽睇到個心un住un住 點瞓得著呀

個post水浸

睇到起哂雞皮

好好睇

屌我仲以為兩點無人

可唔可以返生或者金仔落去陪佢啦
暴走都ok架

仆街仔寫到咁入肉
寧願係美好幻想結局

好sweet

寫死金仔 之後落去同林林一齊有無得諗

hihi臨考dse比單比嘅野我