【加速版】《小松奇妙物語！》（７）

「呃…呃…！」莫妍抓抓頭，哈哈大笑：「我打算，搵人煮嘢俾你食，因為實不相瞞，其實我唔識整嘢食。」

「唔識！！？」小松瞪大眼睛。

「因為自細都唔洗點自己落手去煮飯……」

「你爸爸嘅手下呢？佢哋整嘢食好叻嫁？」小松又問。

「唔係佢哋，係我個妹！」莫妍答。

「哇，咁叻。」小松拍拍手，但馬上就憂慮：「不過咁夜，會麻煩到佢喎，我都係食餅乾得啦。」

莫妍立即動身：「唔會唔會！！佢從來唔會托我手肘。」

「咁…」

「你坐喺到等食啦。」莫妍摸摸小松的頭。

然後，莫妍就出去呼叫自己親妹去為朋友做飯，真是個好姐姐。

「哇～真係估唔到阿妍屋企咁有氣派啊可，小葵。」小松坐在床上，周圍觀望房間的物品。

其中，有個相架很吸引她的眼球：「咁鬼似樣嘅……」

「？？？」我上桌子，把相架弄落地下。

「死衰貓！」小松拍走我。

不知為何，我很喜歡破壞小松的日常。

小松把相框撿起：「呢個…呢個咪係……」

「叫咗喇，三吹四請下，我個妹已經喺廚房幫我煮緊飯。」莫妍剛好回來了。

「阿妍！呢個係你嘅……」小松指住相片裡，一個相熟的人。

「我個妹，佢叫莫友思。」

「！」小松像全身的毛髮都豎起了一樣。

「做…做咩？」

「佢…佢…喺廚房……啊！？」小松激動不已，高興的表情逐漸呈於臉上。

「係。」

小松二話不說，懷抱住那份開心的喜悅，跑了出去。

「喂。」我跟過去。

在小松的亂走亂闖下，她有驚無險地到達一樓的廚房裡頭。

「你真係幫我煮緊飯！」一入廚房，小松便對那背影喊。

「你係我家姐朋友？嚟得正啱，你係想食義式、定日式嘅料理？」妹妹莫友思問到最後，都不禁稍稍轉身：「宜把聲……」


「友思！！！！！」小松上前，激動地跟莫友思摟抱住。

這個戴眼鏡，總是一張端正模樣的女生，不就是學校「七大女童軍」之一的莫友思！記起了，原來就是她，小松的朋友。

難怪一聽到名字，小松就興奮到快要升天般。

「你就係我家姐朋友！！？」被抱緊住的莫友思，反應不來：「小松！」

「太好啦！喺陌生嘅環境下，遇見熟識到好似後天親人嘅朋友，你知唔知係件幾難得幾咁開心嘅事！！！」小松瘋狂搖動她的肩膊。

「我明……」莫友思保持一副鎮靜，托一托圓托的眼鏡：「但都要再問多次，你想食義式啊，定係日式？」

「我要莫友思式！！！！」小松繼續將她抱緊，把頭伏在她的胸口。

「哈，果然係小松。」莫友思見她九不答八，反而覺得恩惠：「咁就整份「莫友思精明的營養套餐」。」

「走肉全素喎！」小松提醒。

「可以啊，你隻貓呢？」莫友思留意到矮她半戳，在地上可憐非常的我。

「佢都要一份！有冇肉就隨便。」

「必須要！必須要！！」我答。

「佢都好似幾開心。」莫友思叫我說話，便笑泛出笑容。

於是，兩位早已相識多時的朋友，就在溫暖的家中，快快樂樂地烹飪。

「小松，洗洗啲娃娃菜，仲有片酸瓜。」切著蕃茄的莫友思吩咐。

「係係！」不知何時穿上圍裙的小松，從雪櫃內搬出食材：「你屋企個雪櫃真係大！成對門咁高。」

「搵唔搵到啊？」

「搵到啊，幾時俾我切嘢？」

「你一陣會切親手。」

「你有預知能力咩！」

「你咁大頭蝦，我屈你會切親手。」莫友思淺淺一笑。

「啊，宜家啲領袖生真係呢！」小松鼓起腮子，扭開水籠頭。

廚房外的莫妍，沒想過親妹原來認識小松，一時間十分愣然。

兩人做飯期間，談論起結識其姐姐的過程。

燈色溫暖、格局開明、地方整潔的廚房，令整件事情在愉快的氛圍下進行。

許久沒見過，小松能像今天真摰地大笑出聲，或許平凡女生的生活，確實會讓她更愉快。

「搞掂，香菇五穀炊飯、柚子醋漬蕃茄、芝麻菠菜、南瓜薯餅仲有薑蔥汁煮茄子，份量啱啱好夠小松你個細食鬼。」莫友思端上一份料理。

「哇，超精美！」小松雙眼在發光，真正的發光。

「捧去飯堂食。」

「知道！」小松雙手捧好，小心翼翼地離開。

「到你。」莫友思指住我。

接著，拿出解凍了一會的雞肉、鮮魚，拌勻在一起，加了一些不明的調味，才放在一個小碗上給我。

「慢慢食。」

正呀

唔知點解總係諗到莫友思著住條勁短既熱褲係到煮野食

好大反差感，作為黑社會大佬嘅女，竟然係風紀隊長

黑社會最講紀律

對對！
你睇下啲黑驚

莫友思

由長洲鬼屋變左住豪宅 不過莫研不羈嘅個性冇咩點變

唔知點解一見到有錢人就覺得同V14有勾結

ZeroWind偷食

墨b對於zerowind同m偷食有咩想發表？

咩偷食

咩事呀