311 Like
6 Dislike
墨說
2019-04-21 19:56:06
「你夢到嘅係咪同我一樣!?」小松馬上將我抱起。
「原來你差我一個飯糰……」我完全不敢相信。
「阿星,記錄低,我應該好快唔記得啲內容。」一樣差不多時間醒來的吳爹,讓阿星負責抄寫夢境詳情。
小松不用多提,自己都開始在手機輸入夢裡的內容,以免忘記。
「呢個女人,我喺佢夢境見到,佢一直鐘意住嗰個美少年。」吳爹盯住姜富娜,說:「仲殺咗美少年原本嘅女朋友,喺情人節,我大概夢到咁多。」
姜富娜急著搖頭否認:「無啊…無啊……」
「佢殺咗人哋女朋友?咁可能宜個係佢銳變成怪物嘅原因。」滅潔達猜測。
「情人節殺人女朋友?你都算陰毒。」阿星不屑地說。
「咁係咪可以報警喇?」小松問。
「唔好報警,因為我哋某種度上都犯緊罪,對付佢呢啲人有第二種方法。」吳爹說。
嗶波仔
2019-04-21 19:58:52
so FRESH
卡里
2019-04-21 19:59:11
小葵淨係記住小松爭自己一嚿飯團
黑椒牛丸河
2019-04-21 20:12:50
墨說
2019-04-21 20:28:31
「你哋講嘅怪物。」正當眾人打量著姜富娜時,她卻爆出一句:「到底係咪佢……」
吳爹思考了一會,才向滅潔達打眼色,會意的他便拿點東西,準備給姜富娜觀看。
那是,一段影片,記錄著上次天台遇見美少年和食人魔之王的片段。
「我驅魔嗰陣,會習慣戴住部微型攝錄機喺身。」滅潔達將片段,呈給姜富娜觀看。
「係…係佢!可唔可以俾我見下佢!?」她大感高興。
「你講下自己做過啲乜,我再考慮下。」吳爹微笑。
接下來,姜富娜只想了一想,馬上就將所有事情告出。
從中學時代,她就跟其他女同學一樣,默默暗戀著美少年,可惜對方早就有愛侶,更接受不到他們一起共渡情人節,於是在當日那天,將美少年的女朋友推落樓梯致死。
即使沒有恐怖的描述,這簡單的幾句都足以讓人心顫。
墨說
2019-04-21 20:45:05
「然後呢?」
「喺佢女朋友死咗之後…我忍唔住……繼續寄告白信俾佢,話俾佢聽我內心想法,連佢女朋友係我殺都講埋……」說著說著,姜富娜咧嘴一笑。
「咩話──」阿星詫異。
「既然得唔到……」她望向我們,說出歪理:「就直接摧毀佢啊哈哈哈!」
「……」大家都互望對方,感覺這女腦子已病了。
「直至三月十四日嘅白色人節,佢好似好好心咁,叫所有匿名同佢告過白嘅女同學,夜晚到學校天台等,當時我係其中一個。」姜富娜猶如歷歷在目,說:「但我因為一啲事情,而遲到。結果,我去到學校嗰陣,見到一個個身影,喺天台上面跌落嚟……原來佢,將所有前嚟嘅告者一一迷暈,再逐一擲佢哋落樓。」
「呢件事,造就最後殺校嘅原因。」滅潔達點頭。
「我幸運咁避過一劫……但最後,見到嘅畫面就係佢由天台跳落到地面。我無忘記到佢…有人話第一個暗戀對象總係難忘……可能係真……」
墨說
2019-04-21 21:06:12
「你要講嘅,都完?」吳爹淡淡一問。
「係…咁我……可以…見得未?有個女人…曾經拎住一塊玻璃碎片,話我只要每日誠心禱告,就可以召喚番佢出人世……」
「真實之鏡嘅碎片!」小松立即指出:「之前我哋喺一個叫「開心農場」嘅地方,有個人都係咁講。」
「真實之鏡,係聖物嚟。」滅潔達疑惑。
「根據上次經驗,只要搵出塊玻璃碎片就可以!」小松說。
「鏡片喺邊!」吳爹對姜富娜吼問。
「你…你哋想消滅佢……唔會講你哋知。」
阿呆(爆肝)
2019-04-21 21:24:34
我要做個好人
2019-04-21 23:03:24
推!
乜都做唔好嘅廢人
2019-04-21 23:16:57
加速
陌笙人
2019-04-21 23:27:50
唔好停
虎與兔
2019-04-22 00:24:48
加速
黑椒牛丸河
2019-04-22 00:28:07
個女人會唔會係迷濛狀態嘅媽媽
阿呆(爆肝)
2019-04-22 00:54:10
咩女人
小松
2019-04-22 02:39:41
似係啦
IT狗等投胎
2019-04-22 02:48:26
點解小松媽媽會咁做呢
小松
2019-04-22 02:52:56
證明俾唔信佢嘅人睇紫魅世界係真有其事(?)
墨說
2019-04-22 04:30:25
「會唔會喺學校?」小松抬鄂、猜想:「佢好似成日去學校。」
姜富娜一聽見小松的話,表情立即轉變,僵硬了些少。
留意到的吳爹,馬上收拾物品,動身出發。
「唔係真係估啱咗啊?」阿星問。
「邊有咁易……」姜富娜答。
「係?但你啱啱嘅表情已經出賣咗你。」阿星彈一彈她額頭。
「小松,我想請埋你爺爺幫手。」準備期間,吳爹說:「你幫我問問可以?」
「爺爺啊?唔知佢肯唔肯嫁……」小松馬上撥打電話。
「喂?」
「爺爺,我哋要對付嘅怪物有啲頭緒喇,你可唔可以過嚟幫幫我哋手?」
「乖孫你主動叫爺爺幫手?」
「係吖。」
「因為呢隻怪物真係太強大。」吳爹刻意大聲道。
「Where?when?」爺爺問。
「荃灣,時間一陣再講。」
墨說
2019-04-22 04:39:05
如是者,在六號倉庫的三人組準備好後,一起到荃灣與爺爺碰頭。一見面,滅潔達就不斷講解怪物的特點,又為爺爺安上收音麥克風、微型攝錄機等道具。
「咩事!?你搞咩!!?」上車後的爺爺,不明滅潔達在他身上放儀器的意義。
「杞木大師,雖然久仰你大名好耐,但宜個年代,都要用科技驅下鬼,咁樣對方嘅戰鬥數據先可以記錄落嚟。」滅潔達嬉笑。
「哦…真係怪。」杞木爺爺又將注意力,轉移到小松身上:「小松啊,你話搵啲夢符,搵成點啊?」
「搵到喇,仲同小葵發咗個美夢,好似真嘅一樣!」
「係?講嚟俾爺爺聽聽。」
「好,就係咁嘅……」小松將夢的內容,一一交代出。
期間,杞木爺爺聽得逐漸入神,表情更帶些少詫異。
「呢個…係你同葵發嘅夢?」杞木爺爺凝視住我。
「嗯,但發到一半就無咗喇。」
大佬震波
2019-04-22 04:44:19
推呀
Descartes
2019-04-22 05:58:00
仲有冇文
乜都做唔好嘅廢人
2019-04-22 08:48:08
推呀
阿呆(爆肝)
2019-04-22 10:38:32
推