【加速版】《小松奇妙物語！》（７）

「真係有啲神奇喎，小松你返屋企再講多啲。」杞木釋下和藹的笑容，拉車門離開。

「老木，等埋我哋！」吳爹正為獵靈槍入彈。

「你哋唔洗跟嚟。」杞木淡淡然，說。

「老木，唔好睇得自己咁高啊，小心行得萬年船……」吳爹靜止。

「咁點啊？爹。」驅魔新手，阿星詢問：「我哋跟定唔定？」

「唔好跟，佢自然有自己一套，我啱啱都只係串下佢。」吳爹拍拍阿星肩膀：「喂，將電腦顯示嘅畫面，轉到老木身上掛住嘅錄影鏡頭上。」

「喔…」阿星按一下鍵盤，將畫面切換到杞木身上。

「爺爺真係掂咩！？其實我冇點見過佢出咩驅魔技能……」小松從車窗遠眺那，漸漸沒入校園的背影。

「小松，每個驅魔者，與生俱來就擁有唔同嘅特點同優勢，呢啲可能係家族遺傳、可能係路上奇遇、可能係魔鬼交易、可能係深研過魔法，有特別能力嘅驅魔者一般都比較吃香，佢哋總有自己嘅一套。」吳爹再一次提到「套路」這點。

「一套…？」

「就似夢僧咁，佢擁有自己一套技能同專長，唔係世人都識用，佢哋相對嚟講係比較有特色。」吳爹續說下去：「但好似我哋三個咁，只係一般人，又冇咩深究過奇幻異術，就只可以拎槍拎刀，用最原始嘅方法殺戮。」

「喔…」小松盯緊螢幕：「咁爺爺會有咩能力？」

「勁囉，佢兩隻手，可以分別召喚出兩把傳說之刃。左手惡魔刃，右手天使刃，到目前為止入手方法仲係冇人知，佢都從來唔會講。」吳爹指尖抓抓臉頰，說：「有時我都幾妒忌佢。」

根本就係裝個cam影爺爺

話語剛落，杞木即在鏡頭前，施出兩把寶刃。

他兩腕的脈絡位置，分別冒現又深又紅筋色，

兩手像猛經陣陣激烈的掙扎與抖顫，一把純白、一把純黑的匕首，從腕脈慢慢地穿出，直至使用者能完全握到手裡，過程都看得極之辛苦。召刃結束後，杞木舉起那純白銀刃，是把能在黑暗的環境散發無比光芒的匕首，為自己照亮前路。

「哇，爺爺身體入面居然內置免費電筒同小刀，去啲童軍露營一定好洗好用！」小松合不上嘴。

「杞木大師，你一直行到落學校最地下嗰層，搵下有冇可疑嘅破碎鏡片，嗰個女仔應該收埋喺宜層。」滅潔達發出指示。

杞木回應：「我感受一下就可以。」同時，他舉起另一把純黑匕首，那把刀刃頻頻吐出細長的黑霧鬼影，指向一個地方：「喺最盡頭。」

「老木……我都係今日先知…原來你把惡魔刃咁嘅能力……」吳爹雙眼發光，被見到稀世寶藏還高興。

「嗯，可以用嚟追蹤所有魔族嘅事物。」杞木答。

「如果你喺驅魔界戰多過十幾年，應該改變到好多事情。」

「世上有太多嘅無奈。」杞木到達所在地了。

杞木將天使刃插於地上，光芒一下子擴散到周圍，方便杞木尋找玻璃碎片的下落。如同上次所見，這是間畫滿「美少年」生前模樣的畫室，上至天花，下至地板都貼滿住關於他的畫作。

杞木將每幅畫都撕走，發現就算撕完一張，底下還是會有別的畫作，就像個洋蔥般，擁有多塊皮層需撕完又撕，但這些畫作卻比洋蔥更驚人，杞木連續撕了近百幅畫，都仍未結束，只像將原本的畫室騰出更多空間。

「個女人畫咗咁多幅畫……」吳爹盯緊螢幕。

「太多，直接燒哂佢。」杞木將惡魔刃插於地上，周遭瞬間遍佈火焰，火花炎舌四處侵食，毫不饒人。

受火焰影響，被消毀的畫作以幾何級數上升，漸漸燒出一大片空間。那些畫作，幾乎堆積了原本房間大小的三份之二！。


在層層紙張剝落後，一條秘密通道才得以見世。

推

有冇得加速

爺爺唔可以有事

爺爺開哂外掛 嗰兩把劍勁得太誇張

小松都有月老嘅紅線，不過啲技能未升啫

加速啊愈嚟愈精彩

加速

兩把+10神器

我反面覺得咁樣先配得上爺爺傳說級既身份
反之會顯到佢只不過係一個急流勇退既老人家

Push

終於睇番病港，睇埋小松就睇哂墨巴啲故

好興奮

推啊

Push

推!!!

夜點點出

陪你作戰到聽朝
要温書

kisskiss