【加速版】《小松奇妙物語！》（７）

城鄉皆為破屋，不少危樓豎立。

這裡有些冷清，就像是個早已被人棄置的地方，但仍是有人居住。在這荒無人煙的小城裡，我們第一眼見到仍擁有生命力的地方，便是一間破酒吧。

「入去問下人，可以喺邊到搵「夢僧」？」我建議。

「正想咁做……但我冇戴身份證入嚟。」小松在門口前卻步。

「你傻的嗎。」我直接推門入去。


「叮嚀～」門鈴輕響。


酒吧裡的客人，也不能完全稱之為「人」，他們長相奇異、服裝奇怪，便是構造不一。好比我們眼下的，就有個類似寺廟裡怨、悔、疚三人的侏儒。

「係人類…」坐在櫃檯前喝酒的那名侏儒，似乎有特別留意我們。

「係啊，我哋係人類啊。」小松傻傻的回應。

「做咩咁輕易應佢。」我低聲，說：「應該坐低飲枝酒，再扮唔覺意同佢傾下計……」

「出外靠朋友，嚟到陌生地方仲想懶型啊！」小松說。

換了主角

我倆一左一右的，坐在侏儒兩側。

相信他看上去沒朋友，亦沒有威脅性，我們才如此放膽。

「我都見過同你類似嘅……」小松先開腔。

「侏儒？」對方直接答。

「係…」小松點頭。

「……都係被詛咒嘅人啊。」他發出怪異的笑聲。

「詛咒…」

「你哋第一次嚟？」對方了當地問。

「係，可以咁講！」小松身子靠前，望一望我：「但以前我同佢都好似俾人間接帶過入嚟……！」

「難怪…心情會咁平靜。」他說。

「好事定壞事？」

「你接受到宜個世界，咁就係好事。」侏儒說下去：「曾經……我都作為過人。」

「人！？你都係人！？」

「之不過……長期居留喺紫魅世界之內。」侏儒以獨特的聲腔，續說：「最終受影響，逐漸變到宜家咁。」

「即係你以前都好高？」小松不知有心還是無意，用手比一比對方的高度。

「高過你吧。」侏儒貌似不願再說，轉換了話題：「你哋係迷失喺到，定自己走入嚟。」

「自己走入嚟。」

「咁要小心，對你哋心懷不軌嘅怪物。如果話地球係俾人類居住，咁宜個異度空間……就係俾怪物所居住，所有怪物嘅誕生地。」侏儒由始之終，都盯住桌子說話。

「呃…我想知你叫咩名？」小松果然是執著名字的人。

「名？我一早已經忘記。」侏儒再說：「我只係依稀記得，自己初初入嚟嘅詳情。１９８３年，喺西貢行山嘅時候好似踏入咗異空間，地方越行越怪，嗰天越嚟越紫，到最後我意識到自己入咗另一個空間時，已經太遲。」

「原來你係唔小心入咗嚟……」小松會意。

「我早就…對出去無望…我俾宜個地方……腐蝕咗希望、腐蝕咗思想、任何值得存在嘅意念。」侏儒應該孤寂了多時，現在才找到個傾訴的對象：「環境……真係會影響一個人，唔好逗留…喺到太耐。」

留名

「我哋搵到一個人就可以，佢叫「夢僧」。」

「夢僧……唔認識。」

「咁「尋夢鄉」？」

侏儒喉嚨深處，發出詭異的笑聲：「嗰個地方……你去月台，買買車票，或者會去到。」

「月台啊？原來有車搭嫁。」

「唔好留喺宜個破舊小鎮了……」侏儒伏在桌上：「只有我宜種…對呢個世界厭惡嘅人，先會喺到逃避。去市區吧，嗰到或者更加幫到你。」

「知道…」

我們兩人問完事情後，就離開這間破舊酒吧。

「呢到充滿住令人絕望嘅氛圍……」小松說。

「沉沉嘅壓力啊……」芳的話，他也是失蹤在這裡頭嗎。

主線

正皮加速

等緊小松，又翻睇啲故。虔誠者都等緊架

講錯，係驅魔者

西頁結界
好想睇

芳唔係俾個有錢佬捉走咗咩

幾時

唔係俾個虐貓撚捉左咩？
但個虐貓撚好似死左 家下芳下落不明
同日四聖獸有出現過


利申 未重睇

竟然仲記得

睇親嘅故冇乜貓 所以記得

我除咗睇歐子爭的薑汁燉奶,但係我都唔記得有呢個情節。

咁要追多啲故 train下啲記性

真係畀大dodo燈中

留名

Lm

留名