岩先又送左佢番屋企樓下
擾擾攘攘左勁耐都唔捨得走
佢每次走我都話真係走?真係走啦?
佢就會話 你好似一個男朋友咁成日都唔捨得我既
之後我拎左我最中意既一隻公仔出黎借比佢
話 當我唔係到果陣就有佢陪你啦(因為我聽日去旅行,下次見面應該好耐之後)
佢又問左幾次 其實你係咪暗戀我
我勁大反應咁話緊係唔係啦你痴線
到真係走果陣我係咁話 唉我去左旅行一定勁掛住你
之後 攬左一陣
佢話你想攬我早d講丫嘛
勁柒 好似比佢識穿左咁。。。
之後佢比左佢話影得自己最靚既即影即有相比我
唉 我覺得佢一定已經feel到但我係咁話佢痴線
真係唔識答,好驚連朋友都做唔到
如果你要一路都唔講 唔bear 個risk 就要有心理準備一路都係咁
雖然我未試過 因為我一定會衝動講左
你會點講?即係好似我呢d情況下 直接答佢話係,其實中意你?
唔夠膽同埋驚嚇怕佢。。。
痴線!緊係唔講!
(佢等緊你講、唔好中計 )
我都覺
講唔講都冇著數 寧願唔講以不變應萬變
我都覺得佢成日想chok我講
佢想我中計?點解想我講。。我睇唔透
臨走果陣佢仲話 如果我同男朋友講今晚的野 佢一定覺得你有問題
唉 都慣左同佢出街佢成日講佢男朋友 電話係不離手
琴日同佢傾,佢話除非佢男友開口,如果唔係佢一定唔會講分手,因為佢寧願受傷果個係佢
佢男友成日覺得佢(女仔)唔係好愛佢(可能因為佢唔肯比佢扑)
但佢(女仔)話 呢d野係表面既姐,我覺得大家對對方既愛都幾平均下
但聽佢咁講覺得佢係愛對方多一點果個黎。。
離左題添sorry
忍住呀!唔好講呀!要講等佢講!
你講左段關係就會變。
佢講男朋友果d野、有兩個原因
1. 佢想睇你反應
2.暗示自己好中意男朋友等你知難而退
其實佢有咩要講?
佢都已經俾咗幾次機會你講,問咗你幾次係咪暗戀佢,係你敢做唔敢認咋嘛
佢一路都係被動,如果你係純粹一個鍾意同人曖昧嘅人,佢忽然同你講清楚咪表錯情囉!