Hello各位 我係新人,好開心突然比我碌到呢個post
我三四年前係一個tb
對上果次比ex飛左之後hurt得好深
深到自己決定唔想再做「男仔」角色而比人飛
所以開始轉番女性打扮,嘗試中意男仔
到而家雖然一直都未有拍拖,期間都有中意過男仔但無主動追求,自己都有男仔追但我都係睇唔上眼
呢排係公司到識左個新part time女同事細我幾年
完全係我以前會中意既果個type黎
唔知點解開始同佢行得好埋,我又教識佢好多野
佢一個星期可能只係番一日唔知點解我會好掛住佢
佢以前係讀女校,可能習慣同女仔玩得好埋
我點摸佢抽佢水佢都唔介意
我地交換電話之後基本上日日都whatsapp
有時又會好親切咁叫對方
我仲會講d flirt佢既野佢又會應番我咁
雖然我知道佢一定當我係到玩,當我係講笑
但我唔知點解開始會好care佢d野
Eg我會聽佢同佢男朋友之間d野然後開解佢既同時我自己又會好唔開心
之前單獨約左佢出黎,因為好凍我仲有幾次拖左佢隻手入我個衫袋入面 係好sweet而佢又唔抗拒咁
但我知自己只會係佢既好好朋友或同事
唉,點解會咁架...
我而家係一個好女仔既女仔
而佢都已經係一個有男朋友既女神
我以為自己已經唔再中意女仔
點知道原來已經比佢吸引左都唔知
我唔想沉船呀各位可以教我點做嗎....
多年累積既野唔係一時三刻可以變到,順其自然 加油
唔知點解有時會好想同佢講我以前既「真實身份」
如果比佢知道左,佢會唔會疏遠我...
講丫講丫 可能佢都好想知! 況且女校有咩tb未見過
我都好想知某個人係咪但驚估錯
講啦 佢都女校,應該接受到
我都覺得要講
表白真係要講時機 有時過左就真係冇
曾經同一個人好close大家都有feel 又做曬情侶會做既野咁濟
但係大家都冇講過 最後因為誤會搞到朋友都冇得做
但佢有男朋友啦喎
同埋我問過佢 就算讀女校但佢都未同過女仔拍拖
拍過兩次拖都係同男仔
我地仲諗住遲d一齊去旅行
佢下年大學畢業話話想去歐洲,我話不如一齊,佢又話好
我仲話如果下年我地真係去得成,我講個關於我自己既最大最大既秘密比你知
但我驚我忍唔住未等到已經講左...