【甜甜地既愛情故事】《港女FF妄誌》(二)

飛揚

1001 回覆

27 Like 4 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

飛揚 2017-02-13 19:07:33

不過人男係咁架啦～明明鹹濕又要扮聖人～

同個女仔行街，分分秒秒都係諗緊有乜方法可以拉佢上時鐘酒店出出野～

個女仔俾你砌，你又話人地係雞～

其實你地D男人咪又係狗公一隻～

聖人喎？射左就真係變聖人喇～

唉～男人～

飛揚 2017-02-13 19:08:19

喺地鐵車廂望下D偷拍緊自己既男人...又望下D俾人偷拍左都好似唔知...實質係唔多想理既OL...

望下望下…諗下諗下...又黎到九龍灣...

我一步一步咁行出地鐵站...

當我行到出地鐵站...企一企喺個地鐵站出口...仲係早上既九龍灣都咁鬼死熱...

香港既夏天...真係越黎越熱...

我都係除一除件中袖外套...慢慢行返公司...免得行到出晒汗丫嘛～

飛揚 2017-02-13 19:09:06

熱住咁行過幾條街...過左幾個燈位...

好彩今日真係無著到黑絲咋～

唔係既話就真係焗到成對腳都係臭汗味～

黑絲唔係冬暖夏涼架咩？唔係你之前講架咩？

都話講就咁講姐～女人要貪靚起上黎話太陽喺西方升起東方落下都仲得架啦～

實質焗到臭晒唔通又話你知咩？

飛揚 2017-02-13 19:09:39

靚女D汗係香既？

痴線啦～呢D都係D痴線佬痴線到一個點先FF到脫離晒現實～

呢D痴線佬FF到上晒腦架喇～聞到靚女放既屁都話係香架喇～

真係痴線架～

喺熱到就黎出汗之時，好彩俾我返到黎公司大廈先～

飛揚 2017-02-13 19:10:14

喺大廈入面涼住冷氣等𨋢～又係同一大班男人一齊等...

又係星期一至五都會遇到既同一大班男人...

唔好話你覺得悶...我自己都覺得好鬼死悶...

好悶...真係好悶...

但又有乜計呢？

飛揚 2017-02-13 19:11:08

喺香港生存就係咁苦悶架啦...

呢D先係堅貼地架嘛…

唔通你真係覺得會有一日返返下工個肥豬老闆同你講有個大老細既乖孫喺外國讀完書返黎入黎公司Under你仲要又型又靚仔又190仲勁有風度無架子超級親民體貼和謁風趣幽默浪漫暖男仲要愛上左你嘛？！

呢D咁堅離地既劇情又點會發生喺你呢D咁普通無特別平凡到透明咁制既港女身上丫？

唔好FF咁多啦～

飛揚 2017-02-13 19:11:28

今晚出完