【狙魔人】我係一個驅魔師，專幫人驅散妖魔鬼怪（二）

我覺得若兒可能唔係愛

點解淨係可以正皮一次

當俾我放慢腳步

作緊故？

Shit好好睇

屌⋯平時d抽水膠post就勁多正皮

睇故post就膠都無粒⋯睇字真係咁難咩

推！
加油呀樓主

正解

樓主獎食雞脾，兩個有咁多調情戲份

係我唔好

每晚都作緊

我要埋雞翼

Push,好想知001同若兒以前發生咗乜嘢事

推

「哇！好多人呀！」

一入到海洋公園，白寧就成個大鄉里咁周圍指周圍大叫。

「唔好咁失禮，你生日唔係真係大晒。」

「哇！我第一次見到，原來過山車真係會三百六十度咁轉㗎！」白寧好似個小朋友咁指住過山車，「我想玩嗰個過山車，我哋快啲跑過去！」

「跑唔到過去。」

「點解嘅？」

「因為要搭吊車。」

我同白寧去咗排隊搭吊車，不過有好多人喺度排緊，等咗幾個字先上到車。

吊車開出，底下係過百米嘅高空。

「哇！咁高嘅，會唔會跌落去㗎！」

「以前試過。」

「真……真㗎？」白寧頓時面都青晒。

「我都係聽聞，七十年代海洋公園開張時曾經發生過吊車墮下意外，但因為當時香港旅遊業啱啱發展緊，為咗唔影響經濟，政府隱瞞咗呢件事。」

就好似隱瞞妖魔鬼怪嘅存在一樣，政府要隱瞞一件意外唔係難事。

只要加上傳聞二字，動用所謂獨立嘅媒體澄清，隨便作個理由解釋，就好容易瞞天過海。

而海洋公園作嘅理由，就係跌落山嘅係車頂蓋而唔係車卡。

事情真相，不得而知。

「聽講喺呢度望落去，會見到一架跌到爛晒嘅吊車，裡面有一家四口向你揮手……啊！差啲唔記得你有陰陽眼添。」

最後成程車程，白寧好生硬咁坐喺座位上，完全唔敢望落去。

落車之後，白寧就好似瀕死嘅pokemon去到pokemon center咁，瞬間補滿血。

「我要玩過山車！」

「有無睇過死神來了？」

「咩電影嚟？」

「係講過山車脫軌事故。」

結果佢即刻嚇到唔敢玩。

白癡妹生日，咁樣嚇佢又好似唔係幾好。

我同佢講返事實之後，佢就再次變得好雀躍，拖住我跑過去玩。

玩咗兩輪過山車之後，我目光呆滯企喺原地。

「師父，你做咩呀？」

「無嘢。」

「師父你……」白寧跑到我面前揚下手，「唔通你……驚？」

「無。」

「真係無？但師父你眼神好似好游離咁。」

「無。」

「咁我哋繼續啦……都係唔好，我有啲肚餓，我想食嘢。」

咕嚕——

白寧講完之後個肚就瞬間發出打鼓聲。

我滿意點一點頭，然後講：「既然你肚餓，咁我哋就去食嘢。」

不過呢度食嘢都好貴，就算買支水都要廿蚊，食個麥當勞餐更加要五六十蚊。

「師父，我要食呢個！」白寧指住一個成六十蚊嘅新地窩夫。

無錯，淨係指。

根據過往經驗，唔好指望隔籬呢個女仔會有錢畀。

「生日大晒。」我嘗試說服自己握緊嘅拳頭。

買完之後，白寧非常滋味咁食個新地窩夫。

「是壺，尼妖唔妖蝕牙？」白寧將個窩夫遞過嚟，而且係將佢咬過嗰邊遞過嚟。

我記得佢之前飲咖啡時都係肆無忌憚用我飲過嘅位飲。

大概白癡嘅腦部出現缺失，令佢感受唔到應有嘅羞恥。

「你食喇，咁好食嘅嘢當然要留畀壽星公。」

白寧邊行邊食，正當諗住行去下一個機動設施時，又無啦啦停低落嚟。

「嗰度有個細路成身濕晒，好似好可憐。」白寧指住前面。

咩都無。

不安預感隨即浮現。

「可能佢同媽媽失散咗，我哋要幫下佢。」

「喂……」

已經阻止唔切，白寧行到空氣面前踎低，一臉親切嘅表情問：「小朋友，你做咩自己一個呀？你媽媽呢？」

我嘆一口氣，無好氣行到白寧身後，拍落佢膊頭。

「我要同你講明先，你係對住空氣講緊嘢。」

「咩啊？細路咪喺呢度……」

白寧講到一半先明我講咩。

「師父……」白事面都青晒，「你唔係話嗰啲咩過山車山軌，跳樓機扯斷頭係假嘅咩？」

「但我無講過吊車墮崖事件係假。」

「咁……」

我從褸袋拎出隱形眼鏡戴上，一個全身濕透，皮膚泛灰嘅細路頓時映入眼前。

「爸爸，媽媽，你哋去咗邊？我哋唔係要搭吊車上山咩？」

睇嚟吊車墮崖傳聞係真。

凡事有果必有因 真相會喺呢篇揭曉

「師父……」白事寧面都青晒，「你唔係話嗰啲咩過山車山軌，跳樓機扯斷頭係假嘅咩？」


屌打錯

每日一篇

過山車山軌

其實係吊車定纜車 我都亂亂地

屌臨急臨忘打錯