【狙魔人】我係一個驅魔師,專幫人驅散妖魔鬼怪(二)

968 回覆
238 Like 4 Dislike
2019-02-07 01:39:38
其實我有啲唔認同霍靜講嘅嘢
我覺得龐亮稱唔上無辜嘅靈魂
因為係佢自己有妄念去召喚魔鬼出嚟
唔係嘅天魔都唔會出現 之後嘅事可能好唔同
歸根究底佢確實係有一份私心係到
而唔係俾天魔強迫利用附身
所以我覺得佢係有責任去承擔返個後果🤔

利申 唔知有冇get錯龐亮召喚天魔個原因

不過龐亮未大罪到要永不超生咁嚴重
2019-02-07 02:13:41
小凌殺左人 而有一個警察係佢身邊 咁都唔拉佢
2019-02-07 04:01:06
小凌殺左人 而有一個警察係佢身邊 咁都唔拉佢

原因……因為龐亮已經唔係人
加上我之前講過真實世界警察嘅做法
雖然唔係同一個理由,但都係相同推論
2019-02-07 04:02:07
Btw最近少人流,又農歷新年
聽日加下速 連更兩篇,後日完結若兒篇委託,開始最尾兩個委託(暫定)
2019-02-07 04:02:53
如果推得大力就更三篇啦,聽晚見
2019-02-07 04:22:04
push
2019-02-07 07:51:58
2019-02-07 08:51:18
2019-02-07 09:48:03


2019-02-07 10:21:12
2019-02-07 10:44:30
我最大力
我推
大力推
2019-02-07 12:03:10
其實我有啲唔認同霍靜講嘅嘢
我覺得龐亮稱唔上無辜嘅靈魂
因為係佢自己有妄念去召喚魔鬼出嚟
唔係嘅天魔都唔會出現 之後嘅事可能好唔同
歸根究底佢確實係有一份私心係到
而唔係俾天魔強迫利用附身
所以我覺得佢係有責任去承擔返個後果🤔

利申 唔知有冇get錯龐亮召喚天魔個原因

不過龐亮未大罪到要永不超生咁嚴重

都係嘅 只不過我覺得如果冇得更好咁處理到件事嘅情況下 殺埋龐亮冇霍靜講到咁濫殺無辜
2019-02-07 12:54:17
推推推
2019-02-07 13:31:51
其實我有啲唔認同霍靜講嘅嘢
我覺得龐亮稱唔上無辜嘅靈魂
因為係佢自己有妄念去召喚魔鬼出嚟
唔係嘅天魔都唔會出現 之後嘅事可能好唔同
歸根究底佢確實係有一份私心係到
而唔係俾天魔強迫利用附身
所以我覺得佢係有責任去承擔返個後果🤔

利申 唔知有冇get錯龐亮召喚天魔個原因

不過龐亮未大罪到要永不超生咁嚴重

都係嘅 只不過我覺得如果冇得更好咁處理到件事嘅情況下 殺埋龐亮冇霍靜講到咁濫殺無辜

執法者同普通人道德分別
2019-02-07 19:50:30
「你係……若……兒?」

「小凌,多謝你。」

附身白寧嘅若兒抬起頭望住我。

「多謝你一直保護住我嘅魂魄,幫我報仇殺死天魔,對我付出咁多。」

「點解……你要突然以呢個姿態出現?」

「點解……?」若兒呆咗呆,「唔通……小凌你唔鍾意我咁?」

一時間,我無法回答。

「我……實在太鍾意小凌,太過忍唔住……當我見到小凌為咗我殺死天魔嗰下,我就已經再忍唔住……」

若兒瞪大圓圓雙眼,興奮咁望住我。

「我想……我想可以實實在在咁陪喺小凌隔籬,而唔係只係一道摸唔到嘅魂魄……」

若兒緊緊攬住我,然後膽怯抬起頭。

「小凌,你鍾唔鍾意……如果咁樣令你覺得難做,我就隨時離開呢個身體。」

彷彿回到當年。

彷彿可以再攬住若兒嘅身軀,感受若兒嘅溫度。

我……不自覺咁將雙手放喺若兒身後。

「鍾意,我最鍾意若兒。」我緊緊攬住若兒,聞住佢嘅秀髮。

「我都最鍾意小凌。」

若兒低頭依偎喺我心口。

「無論其他人點睇你都唔緊要,因為我知道小凌係為咗我所以先做出呢一切。對我嚟講,只要小凌喺我身邊,就咩都唔怕。」

呢啲全部都係若兒生前從未同我講過嘅話。

而呢番話語,將獨自墮入深淵嘅我拉返上嚟,抹去我心中嘅空虛。

「若兒……」

「哈!我諗起樣嘢!」若兒放開我,雀躍拉住我去廚房,「好耐無煮過飯畀小凌你食,不如我哋一齊煮飯仔呀?」

「一齊煮飯仔?」

「係呀,唔通你仲要我一個人煮?」若兒鼓起臉腮,叉住腰講,「小凌你都大過仔啦,梗係要嚟幫手!」
2019-02-07 19:51:13
「哦……」我呆咗呆,然後笑住答:「嗯,一齊煮。」

呢一刻我似身處夢,就好似若兒返生一樣。

無論若兒係咪真係返生,都無所謂。

「喂,你識唔識煮意粉㗎?啲意粉淥咁少邊夠㗎!」

「咁平時自己一個人,食幾多都無所謂。」

「咁依家你要好好度過份量喇!因為我非常大食㗎!」

嗰一日,我將若兒嘅屍首煉製成昆迪拉之後,若兒嘅鬼魂隨即顯現眼前。

「小……凌?」

「對唔住……若兒。」

若兒展現非常訝異嘅表情,佢好快明係咩一回事。

「我唔想同你分開,所以我——」

我仲未講完,若兒已經行過嚟攬住我個頭。

雖然一攬手臂就穿透咗我身體。

「唔緊要小凌,唔緊要。」若兒輕輕作出撫摸我個頭嘅動作。

「若兒……」

「呢個係我嘅責任,我唔應該咁樣離你而去,所以如果你期望我以咁嘅形式出現,亦無問題。」

縱使純白嘅煙霧無法被觸碰,溫柔嘅溫暖始終如一。

「我向你發誓,無論發生咩事,我都唔會再次離開係身邊……永遠唔會。」

即使生死相伴,亦永不分離……

其實,只係無法接受孤獨。
2019-02-07 19:51:38
「我記得小凌鍾意食蕃茄汁,有無錯呢?」

其實只係想去尋求救贖。

「小凌要食肥啲先好,整多兩條廚師腸畀你嘆下先!」

我心中,只係想要呢一切。

「小凌,啲意粉好唔好食?」

「好食。」

「咁呢杯咖啡呢?」

我慢慢拎到嘴邊,輕嚐一口,苦澀嘅感覺瞬間湧入味蕾。

「……好飲。」

「真嘅?我第一次沖咋,以前小凌唔鍾意飲咖啡,所以我唔識沖咖啡㗎。」

「真係好飲。」我微微一笑,「只要係若兒沖嘅就好飲。」

「小凌賣口乖。」若兒露出甜蜜嘅笑容。

之後,我同若兒再無出聲,靜靜咁食完呢餐飯。

靜靜咁享受呢八年嚟錯失咗嘅時光。

食完之後,若兒邊抹嘴邊問:「小凌,你想唔想我以後都好似依家咁,煮飯畀你食?」

「……當然想。」

「我有一個方法。」

若兒嘴角展現出無比幸福嘅笑容。

「只要將呢個身體嘅靈魂用昆迪拉消滅,再由我附身,我就可以永遠陪喺小凌身邊。」
2019-02-07 19:55:22
若兒痴撚左線 我要on9白寧呀
2019-02-07 19:59:23
起雙飛
白寧隔日借個殻出去
2019-02-07 19:59:31
若兒被人上埋身
2019-02-07 21:06:46
心魔
2019-02-07 21:24:26
起雙飛
白寧隔日借個殻出去

一三五80 二四六若兒 星期日休息
2019-02-07 21:25:12
「你話……咩話?」

原本身處於幸福嘅氛圍,卻因為若兒一句話令我驚醒。

「我話,將白寧嘅靈魂用昆迪拉消滅,然後我再附上身。」若兒一臉平靜咁講出呢番話。

我即刻抽離情緒,回復冷靜咁問:「你知唔知自己講緊咩?」

「我講緊咩?」若兒手指放喺下巴,一副理所當然嘅表情,「我咪講緊點樣可以永遠陪喺小凌身邊囉?」

「唔係。」我搖頭,「以前嘅若兒係唔會講出咁嘅嘢。」

「點解唔會?」若兒皺起眉頭,「喺我嘅世界只有小凌一個,為咗小凌無論做咩我都在所不惜。」

「你……有無諗過咁樣做,即係要犧牲一條無辜嘅性命!」

「咁又點?」

呢刻若兒表情冷如霜雪。

「我只係想陪喺小凌身邊,唔通咁都有錯?」

若兒濁白嘅雙眼深情望住我,但呢刻我只感到陌生。

「定係……你緊張呢個女仔條命,唔捨得我消滅佢?」
2019-02-07 21:25:36
「你講咩嘢……?」

「果然……係咁。」若兒垂低頭,「我估得無錯,你果然係鍾意咗呢個女仔。」

「我無鍾意過白寧,佢只係我徒弟。」

「徒弟……我先唔相信!」若兒企起身猛然拍檯,「如果只係徒弟,點解佢暈低你就第一時間衝過去救佢?」

佢暈低……?

呢刻,我腦海糾正咗一個錯誤嘅記憶——

白寧曾經兩次遭遇到龐亮。

第一次係同白寧打完邊爐,送走咗白寧之後,化身黑霧嘅神秘人突然躍出襲擊我,俾我格擋咗之後就向白寧走嘅方向跑過去,不過最後不知所蹤,無正面遇上。

第二次係同白寧喺海洋公園準備走,我去完廁所出嚟嗰陣,一道白煙突然冒出穿過白寧嘅身軀,當時白寧仲暈咗下。

「唔通……喺海洋公圍襲擊白寧嘅人,係你?」我十分訝異咁問。

「係。」若兒毫不猶豫承認,「我為咗你捨身抵擋山魅,但你竟然同佢相處得咁開心?」

「嗰日之後,我一直等緊你返嚟,我無忘記過我哋之間嘅承諾。」

「咁點解……嗰陣嘅你表情……係咁幸福?」若兒低頭握緊拳頭,「我唔甘心……」
2019-02-07 21:27:03
我嘅表情……好幸福?

「我唔甘心……明明可以見證小凌幸福咁笑嘅人係我,如果我無死,嗰個人就係我……」

水珠滴落檯面,若兒雙手撳住檯面非常不甘咁講。

我,無法反駁。

做錯嘅人,其實係我。

若兒為咗我付出咁多,甚至犧牲自己性命,然而我忽視若兒嘅願望,拋低若兒自私去咁露出笑容。

我仲記得若兒臨死前同我講嘅說話——

「——你係我呢生入面,最珍惜嘅人。」

佢嘅願望,並唔單止想我幸福。

佢其實想同我一齊幸福。

「對唔住,若兒。」

而我直到最後都無理會過若兒嘅願望。

「原來,又係我嘅錯。」

所有嘢都係我造成,無論過去定現在,罪孽始終無法磨滅。

「因為我嘅自私,令到你咁痛苦。」

「小凌……」若兒抬起頭,通紅嘅雙眼望向我,「你係咪應承我消滅白寧,俾我永遠陪喺你身邊呀?」

「對唔住,唔得。」

望見眼前白寧嘅臉孔,就諗起佢天真嘅笑容。

「點解……點解啊啊啊啊啊啊啊啊!」濁白嘅煙霧頓時從若兒四散,「點解我為咗你付出咁多,但你最後要咁樣對我?」
吹水台自選台熱 門最 新手機台時事台政事台體育台娛樂台動漫台Apps台遊戲台影視台講故台健康台感情台潮流台上班台財經台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞