244 Like
4 Dislike
唔L記得咗
2019-01-14 17:43:47
講笑咋
我都想喺外國
花開堪折
2019-01-14 18:34:11
文呢
白寧果種膠係要配小凌果種嘴賤先咁好笑
白寧如果突然唔膠,小凌會唔會對佢心動
夏舞
2019-01-14 18:49:32
我即刻從褸袋拎出一模一樣嘅匕首,擋下呢一刀!
「師父!」
「穆樞機請停手,此乃道家場所,非爾等打鬥之地!」
突然,腰間一片劇痛!
我只留意眼前嘅銀刀,無注意到佢隻腳向住我條腰踢過嚟!
哐啷—!
一把白色匕首跌落地下。
「此物是……」白寧嘅師父驚訝咁望住把匕首。
「昆迪拉。」中年男人回答。
「竟然是如此邪物!為何身為驅魔師會煉製如此邪物?」
白寧望向佢師父,不解咁問:「師父,昆迪拉係咩嚟?」
「一種將死人骨頭煉製,並且鬼魂封存嘅匕首,源於太平洋原始巫術。原理同泰國煉製鬼仔差唔多,煉製物裡面會存有詛咒,但威力卻遠比煉製鬼仔強大得多。」
穆樞機代替白寧師父回答。
「但昆迪拉並非直接詛咒對方,而係施展名為叫『指骨術』嘅法術——將周圍詛咒收集,並將能量方向轉向為骨刀所指向嘅生物……甚至靈體。」
「……收集詛咒?」矮師兄不解咁問。
「傲慢、妒忌、憤怒、貪婪……人類無時無刻都會詛咒他人,但因為能量過於微弱而唔起效,不過如果將千百萬道詛咒集合一體,就會變得非常強大。」
夏舞
2019-01-14 18:50:07
「咁如果指向靈體……會點樣?」肥師兄驚訝咁問。
「指向靈體嘅話……可以將靈體從呢個世界上完全消滅。」
「完全消滅……」肥師兄不停往我後退,非常震驚指住我,「即係凌大哥為咗煉製昆迪拉,殺死咗穆樞機口中講嗰個人?」
若兒。
「係咪……有咩誤會呀?」白寧不可置信地問,「師父係個好人,佢唔係啲咁嘅人,佢——」
「係真。」
我彎低身報返起骨刀,放入褸袋。
穆樞機同我四目對視,我感受到佢嘅憤怒。
「師父,點解……」
「你害死我最心愛嘅徒弟,呢樣唔係我最嬲嘅嘢……你竟然將若兒煉成昆迪拉,連佢條屍都唔放過!」
「對唔住,我——」
「你對若兒做過嘅事,我一世都唔會原諒你!」
穆樞機大聲咆哮,響亮嘅聲音喺廳內不斷徘徊。
一片寂靜。
大家都只用驚恐嘅眼神望住我,但無人願意接近我。
包括白寧。
夏舞
2019-01-14 18:50:23
真相被揭發,我唔認為佢哋仲可以安然無恙對我。
我望咗白寧一眼。
「師父,我……」白寧眼中流露住懼怕。
我合上雙眼,轉身離開呢度。
「對唔住,我嚟錯地方。」
從一開始就唔應該嚟呢個地方。
從一開如就唔應該同任何人有交集。
罪孽深重嘅人,無論點樣洗脫自己嘅罪孽,一旦被挖出嚟,就唔會寬恕。
背負罪孽嘅道路,無法回頭嘅道路,只能獨自堅持走落去。
縱使前方係深淵。
我企喺後巷,將骨刀握喺手心。
「若兒……」我垂低頭,額頭掂住骨刀。
並無回應。
我點燃起火光,將煙頭緩緩點著,然後雙手合埋放喺嘴巴,呼出暖暖嘅白煙。
——唔好再食喇,食煙對身體唔好啊!
其實,點會唔知。
只不過好似我咁樣嘅人,只能夠咁樣去慰藉自己,給予自己溫暖,令自己唔好咁寂寞。
即使虛渺。
夏舞
2019-01-14 18:50:33
「小凌,做咩唔開心呀?」
「若兒……」
「乖,無論發生咩難過嘅事,我都會喺你身邊陪住你。」
白煙迂迴住我周圍,彷似若兒緊緊抱住我,安慰我。
但只係我嘅幻想,無論我點用力吸支煙,直到火光燃盡,我依然感覺唔到溫暖。
若兒……
若兒……
若兒……
只有孤寂。
我——
「師父!」
一把響亮嘅聲音傳入耳中。
夏舞
2019-01-14 18:51:11
今日兩更,加更九點半見
夏舞
2019-01-14 18:51:38
以為巴打咁早瞓
夏舞
2019-01-14 18:52:06
來了
如果有日白寧唔膠,應該世界末日
泡泡泡泡
2019-01-14 18:57:05
做錯左就返唔到轉頭
全世界都責怪你
但自己又唔想解釋既感覺
絲打描寫得好好
花開堪折
2019-01-14 18:57:22
白寧追出黎
若兒同小凌段關係應該好浪漫
轉圈轉圈哈姆共你
2019-01-14 19:25:07
老伯鄧肯
2019-01-14 21:01:56
哩段好有feel
燁自歡笑埤
2019-01-14 21:32:14
九點半喇
你都好現身
再嘈就毒啞你
2019-01-14 22:00:09
又live左
夏舞
2019-01-14 22:23:18
笨拙嘅身影向我跑過嚟,仲俾地下嘅污水跣咗下,差啲成個人趴街。
白寧跑到我面前,手撳住牆喘晒氣咁講:「師父原來喺度,我周圍搵咗你好耐!」
「你點解要搵我?」我皺起眉,不解地問。
「因為我擔心師父你有事,電話又唔覆,所以就周圍搵你。」
白寧喘完氣後,挺起胸膛一臉自信拍心口。
「好彩我熟悉師父習性,知師父一定會匿埋食煙。」
原來應有嘅時侯,你都會有少許智商。
「你無聽到嗰個男人講咩?我殺死若兒,仲將佢嘅屍體煉成昆迪拉。」
「我……聽到之後的確好驚訝,同我認識嘅師父係兩個人。」
我凝視住白寧雙眼,等待佢嘅答案。
「但我認識嘅師父……」
白寧臉上掛起微笑。
「係呢個世界上最溫柔嘅其中一個人。」
我……係呢個世界上最溫柔嘅人……
「佢雖然份人冷淡,把嘴又毒,又對女仔粗魯,但係……都係口不對心,其實內心好溫柔,無論係咩人只要需要人幫就會去幫。」
夏舞
2019-01-14 22:23:47
明明我係個十惡不赦嘅人,但白寧就描述到我咁美好。
真係好狡猾……
雙眼視線變得有啲模糊。
「乞乞乞乞乞乞乞嚏!」白寧突然對住我塊臉打乞嚏,口水噴晒過嚟。
「喂!白癡!衛生啲得唔得!打到塊臉都係你啲口水!」
我即刻擰轉頭,抹一抹塊臉。
「你天熱天凍都牛仔短褲,唔病就有鬼,拎住!」
我除低我條頸巾,然後掛落白寧條頸。
白寧呆咗呆,愣望住條頸巾,然後緩緩垂低頭,將頸巾緊緊包住條頸。
「你啱啱話最溫柔嘅其中一個人。」我諗起白寧講嘅嘢,「即係仲有其他人同我一樣?」
「嗯,另一個人就係師父。」
不如你直接話佢同佢同佢同佢。
「對唔住師父,我無諗過啱啱會搞到咁。」白寧忽然低頭道歉。
「又唔關你事。」
「其實我叫你上嚟,唔係真係因為師父想見你……」
唔知點解,白寧臉色有啲尷尬,耳根仲有啲發紅。
「其實……其實……算喇都係唔講。」
「你老母講一半唔講一半,你一開始就唔好講啦。」
「啊……其實今日係我生日。」白寧彷彿鼓起全部勇氣講出嚟。
「哦,我仲以為咩。」
「吓?咩叫以為咩啊!師父你有無搞錯啊,係生日,係生日啊!」
「咪即係老一歲,有咩特別?」
夏舞
2019-01-14 22:24:14
「……師父正衰人!」白寧不停咁拍打我。
我捉住佢隻手,雙眼同佢對視。
「對唔住,搞到你生日咁。」
白寧呆咗呆,馬上縮返手,垂低頭用頸巾遮住下巴同嘴巴。
「都係我唔好,我諗住請兩個對我最重要嘅人食飯,無諗過搞到師父咁。」
真係傻妹。
結果變咗我係千古罪人,令到傻妹開心嘅生日變成咁。
就算我想,都陪唔到傻妹慶祝,矮肥瘦師兄而家咁驚我,而且佢師父非常敵視煉製昆迪拉嘅我。
「難得生日,你同你師父好好慶祝啦。」
「但係……」
「我已經無嘢。」
「唔係,其實……我想去海洋公園。」
「咁咪叫你師父師兄同你去。」
「佢哋思想太守舊,話道士唔應該接觸呢啲凡物。」
反了反了,竟然話自己師父守舊。
「所以……不如師父今日就陪我去啊,聽講生日嗰個免費㗎!」
「最弊我唔免費。」
「但係……」白寧又一臉無辜,「我咁大個女都無去過……」
「咁又真係幾慘。」
夏舞
2019-01-14 22:26:30
白寧扯住我衣角,繼續無辜攻勢,好似家貓求主人楚楚可憐咁款。
「所以師父陪我去啊!」
如果小黑識得扮到白寧貓咁款,應該會比而家cute十倍。
唉……
「既然你生日,應承你一次。」
「真嘅?」白寧興奮到跳起,「咁我哋依家快啲出發啦!」
白寧拉住我隻手跑出後巷,今次到佢拖我走。
真係唔識講大話嘅傻妹。
你會覺得我係世上最溫柔嘅人,只係因為你唔知道事實真相。
但即使如此,你卻拉住我呢個罪人嘅手。
十惡不赦嘅猶大,有可能從地獄爬返上天堂嗎?
夏舞
2019-01-14 22:26:47
掛住打機
夏舞
2019-01-14 22:27:12
100正皮加更完
200正皮再有加更
黃阿森
2019-01-14 22:35:25
我好想再正皮 lived睇得好辛苦
唔L記得咗
2019-01-14 22:39:12
咁快就不停講傻妹傻妹,啊凌對若兒都唔係真心一片嘅
轉圈轉圈哈姆共你
2019-01-14 23:28:20
推推推