244 Like
4 Dislike
夏舞
2019-01-20 22:18:05
夜少少繼續
唔L記得咗
2019-01-20 23:41:20
係啲鬼仔救返佢?
留名G持
2019-01-21 00:16:41
條友搵緊啲骨?
轉圈轉圈哈姆共你
2019-01-21 00:32:29
琴秀畢儒
2019-01-21 00:35:59
今日一口氣追哂成套西鐵故咸死我啦
btw出文未阿樓豬
夏舞
2019-01-21 02:15:40
驟然,黑斗篷男人忽然停低手。
佢身後多咗兩個人。
一個身穿黑色乾濕褸嘅中年男人,同一個打扮如同純白嘅少女。
電光火石之間,雙眼並無跟得上眼前發生嘅事。
當我再次意識到嘅時侯,黑斗篷男人已經消失。
鮮血掩蓋過純白嘅地板同牆壁,充斥住血腥嘅鐵鏽味,彷彿身處地獄。
而純白嘅少女踎低喺我眼前,向我伸出希望之手。
呢個少女,就係若兒。
只不過,得救嘅人只有我。
無錯,只有我。
爸爸喺屋企門口被捅穿心臟,媽媽喺睡房門口被割喉致死,妹妹喺走廊被斬得不成人形。
一日之間,我變成孤兒。
若兒雙手緊握我嘅手,掂住額頭自責咁話:「對唔住……如果我快一步嘅話,就唔會發生啲咁嘅事……」
當時我唔明白佢嘅意思。
事後,我先知道殺我全家嘅黑斗篷男人,唔係一個「人」。
夏舞
2019-01-21 02:16:55
「佢係一個過度沉迷巫術,結果走火入魔,俾魔附身嘅男人。」若兒向我解釋。
有啲妖魔鬼怪會以吞食他人靈魂,維生或者為樂,就好似鎖羅盆村見到嘅山魅。
而嗰個半人半魔嘅男人嘅目標,係骨骸裡面蘊含嘅鬼魂。
而且佢殺我全家嘅原因,係因為我。
因為我打碎咗其中一個玻璃樽,令存於裡面嘅亡魂能量外洩,而被佢察覺到。
於是,佢為咗過嚟覓食鬼魂,而順手牽羊殺死我全家。
無錯,僅僅係順手。
就好似有隻蚊喺你面前爬,你會順手打死佢而唔係撥走佢。
螻蟻從來無映入人類嘅眼角,所以根本唔會去在意。
因為我多手,因為我好奇心太旺盛,而造成呢一切悲劇。
害死爸爸,害死媽媽,害死妹妹……
一切嘅罪魁禍首,就係我。
呢個係我人生第一次痛——
亦係我所犯下嘅第一個罪孽。
轉圈轉圈哈姆共你
2019-01-21 08:41:04
我要做個好人
2019-01-21 11:03:17
轟炸肌
2019-01-21 11:07:29
推
世界級仙豆
2019-01-21 16:11:06
push
河馬西
2019-01-21 17:44:32
Push
蜻蜓點水點唔停
2019-01-21 18:18:54
推
聽日中icon
2019-01-21 18:26:56
輕輕一推
大頭
2019-01-21 19:24:33
推啊~
夏舞
2019-01-21 20:33:26
呢件事,以連環殺人犯闖入民居屠殺一家三口,生還者只有年僅十歲嘅細路告終。
當時事情轟動一時,但漸漸就被世人遺亡。
無人知道當中內情,以及連環殺人犯嘅真正身份。
一切都係我嘅錯……
係我拉開悲劇嘅序幕。
失去家人,幸福生活破碎嘅我本應淪為孤兒。
「我哋不如收留呢個細路。」當時若兒竟講出呢句話。
唔知係出於可憐定愧疚,若兒收留咗我呢個無家可歸嘅細路。
嗰陣嘅我仲細,唔明白所謂嘅妖魔鬼怪同驅魔師係咩一回事,仍停留喺鬼片嘅程度。
而若兒就係教會我呢一切嘅人。
「驅魔師就係專門幫人驅散妖魔鬼怪嘅職業。」
對世事慒然不知嘅我,從若兒口中漸漸得知呢個世界嘅真相。
「妖魔鬼怪係實際存在,比你想像中更複雜。」
我慢慢開始明瞭妖魔鬼怪嘅事。
夏舞
2019-01-21 20:33:56
若兒同穆樞機平日會出去幫人解決妖魔鬼怪嘅委託,而我就自己一個人喺屋企靜養。
因為遇上咁嘅事,佢哋唔想我再受外界刺激。
穆樞機係教會出身,隸屬教廷嘅樞機卿,唔係成日留喺香港,通常陪住我嘅都係若兒。
若兒同穆樞機唔同,係個溫柔和藹嘅人。
就同佢外表一樣,純白如雪嘅少女。
一開始,因為過去嘅事,我無意識地自我封閉內心。
每一晚,我彷彿見到全身浴血嘅爸爸、媽媽同妹妹企喺我面前,以怨恨嘅目光緊緊盯住我。
「點解……你要咁唔聽話?」
「如果你乖乖咁同我講,就唔會發生啲咁嘅事……」
「哥哥,好痛啊……」
沾滿鮮血嘅場景呈現眼前,夢魘纏繞我腦海之中,每晚無法安然入睡。
「你睇下。」若兒右手舉起一隻手指,「呢度有一隻手指。」
然後,佢左手又舉起一隻手指,跟住兩隻手chok一chok。
「你睇!左手隻手指變咗去右手,變咗兩隻手指!」若兒笑瞇瞇咁舉起右手兩隻手指。
「……無聊。」
若兒厭煩嘅舉動,令我不知所措。
點解佢可以毫無羞恥咁喺我面前做白癡?細路唔等於弱智啊?
但若兒始終堅持不懈咁接觸我,哪怕我不斷抗拒住佢。
夏舞
2019-01-21 20:34:37
封閉嘅心,不知不覺打開一條隙縫。
溫暖漸漸滲入,化為針線修補傷痕。
純白嘅光芒,將鮮血通通抹去,將向我索命嘅爸媽同妹妹驅散。
慢慢,全身浴血嘅爸媽同妹妹再無出現我面前。
慢慢,我同若兒開始變得親近。
「小凌,實不相瞞,其實我除咗驅魔師呢個身份,仲有另一個更加秘密嘅身份。」
「係咩?」
「超能力者。」若兒神情嚴肅,以十分認真嘅語氣講。
「……嗯。」
「喂呀!有無搞錯,咁嘅反應,係咪即係唔信我?我就表演畀你睇。」
若兒拎咗個雪糕筒玩具,上面有粒膠波。
「睇住啦,我準備用念力控制粒波。」若兒專注望住粒波,右手喺粒波上面凌空遊動。
咚——
粒波自己飛到若兒手上。
「係咪好犀利呢?快啲稱讚我!」若兒仲一臉自信咁講。
「你真係無嘢好玩,連全美一叮啲爛魔術都拎出嚟玩。」
「你點會知㗎!唔得,唔算數!」
喺呢大半年,若兒取代咗家長嘅角色,給予我小朋友應有嘅童年,教會我小朋友應有嘅知識。
佢嘗試治癒我嘅心理創傷,將我導返去正常人應行嘅路上。
雖然佢係白癡。
夏舞
2019-01-21 20:35:13
「小凌,慢慢……慢慢行出嚟。」
若兒拖住我隻手,一步一步帶我出屋企。
「唔好驚,我會拖實你隻手陪住你。」
被手汗沾濕嘅手顫抖地握住若兒隻手,雙腳卻遲遲踏唔出第一步。
「小凌,如果唔得嘅話唔緊要,我唔想強迫你……」
若兒眼神溫柔望住我,並無一絲壓力,只有傳嚟溫暖。
「但係,我希望你可以從過去重新出發,忘記以前嘅事,重新開始新生活。」
本來,我無勇氣踏出呢一步。
但望住若兒嘅雙眼,我嘗試踏出呢一步。
我想同若兒一齊踏出去。
「成功喇小凌!」若兒緊緊抱住我,「你終於走得出呢間屋,唔使再匿喺間屋裡面!」
之後,若兒將我帶到陽光底下,帶咗我去好多地方。
同若兒嘅生活太過開心,於是——
我竟然罪大惡極地忘記以前嘅悲劇,忘記以前犯過嘅罪孽。
夏舞
2019-01-21 20:35:39
因為曾經失去,所以我唔想幸福再次從我手中流走。
因為曾經傷心,所以我只想沉淪喺眼前嘅幸運之中。
喺我踏出屋企嘅半年後,若兒突然提議。
「依家嘅你已經可以正常人咁生活,所以……已經唔使再依賴我。」
若兒依然掛住嗰副和藹嘅笑容。
「我會幫你報中學,到時你就可以同其他人一樣喺學校讀書,喺裡面識好多朋友……」
「若兒。」
「嗯?」
「我想做驅魔師。」
呢個決定,卻導致第二個悲劇。
我始終無從過去汲取教訓,再一次犯下無可挽救嘅罪。
呢個罪——就係殺死若兒嘅罪。
琴秀畢儒
2019-01-21 21:10:08
唔夠喉
落樓下買爽身粉
2019-01-21 21:26:35
小凌係天煞孤星
轉圈轉圈哈姆共你
2019-01-21 22:03:56
慘