[人性魔幻]《撞鬼請入七號房- 駐急症室解咒師與女助手》

希望呢個故可以出系列, 前傳同人物傳啦~~~
好好睇呀~

尚欠方舟爭奪戰呀～

唔好意思幾日無入黎
我直頭無上連登
工作太忙
有時間依家開始追返故先

人生 沒有遺憾就好
@嘉琪@威sir

物件自己移動, 電器自動操作, 玩具出現在不合理地點的事

以上三樣係作者自己親身經歷

@作者

I KNOW THAT FEEL

好多數未找

呢個世界觀我係幾鐘意, 但係反應不似預期, 出唔出其他真係要諗諗, 但我自己係鐘意既

未識溫可柔都似似D

@VantaBlack

我都好似。。。

期待呀

你鍾意就去吧
唔洗理其他人點睇呀
至少呢度都有人一齊鍾意

我都好鍾意呢種 入戰鬥場面都刺激同有畫面

姜會長 小正太

100正皮感言---

超多謝大家一直支持啦, 作為寫故佬, 有人回響其實先係我最大既樂趣, 我覺得呢個就係睇書同睇故既分別, 所以有寫出完一篇文見到有2~3個正皮, 我就會覺得: OHHH 有人睇緊, 正呀!!!點知再LOOK落少少, 最後回應係自己, 嗚嗚嗚嗚嗚....我真係會一個個回覆J架。

呢個故嘛...當然寫出黎, 我一定要鐘意既, 如果寫自己都唔鐘意既故其實都好難受下, 當然寫故後有唔同副作用, 例如晚晚三點訓然後七點幾起身想死咁, 但係我可以肯定話俾大家知寫故係我最大興趣-- 同呢個故中, 傅嘉琪被封神一樣, 有人相信土地神, 佢就會存在於世, 作者其實一樣, 只要有人睇佢既故, 佢就會存在於講故台。

對上一個故當然寫得好啦, 反應我都覺得好好既, 講真, 我真係好擔心自己寫唔寫得出超越佢既故, 結果證明我既擔心係全中, 我真係寫唔出 點講好呢, 我係一個嚴重劇情中毒既人, 就黎食燒味飯都要加劇情, 我寫故一定係最重視劇情, 呢個故有一個問題, 就係世界觀中存在魔法, 而唔係末日倒數咁好理解, 相對黎講我要用較多既蝙蝠去交待設定, 某程度上的確係影響左劇情節奏, 我諗所有有獨特設定既故事都有呢個限制, 所以我都落左唔少心機去處理。

相比起以前一篇接一篇既結構, 呢篇故我會用一篇到尾既方式, 所有事件都會有關聯, 組織會好似一套獨立既電影一樣, 之前有人講過世界觀好好呀, 可以寫佢456個故呀咁, 事實上我覺得一個故如果野心太大, 反而會唔湯唔水, 即係由其寫成個世界觀咁壯大, 我會選擇寫解咒師同助手細膩地咁出發。

講下未來既劇情啦。

故既話, 就一定有主題, 上個故幾篇就有幾個主題, 所以呢個故就係一個主題貫穿全故。如果你睇到我FB PAGE既COVER, 下面有行字就係「萬咒俱破, 心魔難解」 , 心魔就係成篇故既主題, 反瑪那, 休止符, 自我結界, 所有魔法係我地既主角面前都係一瞬間就可以瓦解既野, 但係如果係個個人既心魔呢? 心魔呢個主題將會繼續落去。

希望大家享受我今日中住眼訓諗出黎既劇情, 每一段落我都用心雕琢過, 我寫故最重要係劇情, 其次係人物, 最後係畫面, 白千雪同沈醫生之間既關係都會繼續寫, 所有角色都會隨著主線劇情推移而成長變化。

人性X魔幻, 人性為主, 魔幻為副。

有咩問題, 意見, 鳩UP, 叫春, 隨便留言, 每個回覆我都J佢357次, FB Page都係, 至於續作, 當然有空間可以寫, 始終世界觀已經成形, 但唔想為寫而寫, 先專注寫好呢個故先!

我係VantaBlack,FB PAGE 係https://www.facebook.com/vantablackstory/, 多謝支持

咁就無問題啦, 不過有排, 好多故排緊隊

畫面對魔法故黎講真係好難寫, 又唔可以太痴線, 又唔想好似哈利波特咁互噴激光就算

預 告

市中心的土地被黑暗濃罩, 普羅大眾的日常正在漸漸沉淪, 連住在這都市中的人也不想去拯救的城市, 希望所在何方......?

「佢係你仇人, 你都想去救?」

「係!」

「即使會死?」

「...係!」少女緊握著拳頭。

「咁出發。」醫生踏出了七號房。

結界下, 處處只有黑暗, 沒有人知道這是黎明前的極夜, 還是沉淪下的一個普通日常。

「點解, 你地要...」

「今日, 我只救一人。」地下的死鬥, 沒有意義的勝利, 在心魔的凝視下, 人性只會展露真面目--

以善之名--

以惡之名--

以父之名--

「我係為左大家好, 公家福利, 大多數! 係大正義! 你地有咩資格黎阻止我! 你地點可以--!!」

---以正義之名。

「砰--轟!」鐵拳結實的打在身上。

---憤怒的戰吼響徹千里岩壁。

「要犧牲少數既, 算得上係咩正義啊--!?」

《駐急症室解咒師與女助手》

作者: VantaBlack

連載繼續

我好鐘意你個世界觀呀
唔明點解冇多啲讀者
只要你出我就會繼續支持

見到咁多文，推下先