高達 U.C. 長期討論區 (3)

1001 回覆
4 Like 2 Dislike
2019-02-17 02:48:23
今日睇完nt 老老實實真係唔覺得睇緊gundam

問題一:將原本已經神化嘅newtype同psycho frame再度神化 咩一揮手有超越時間嘅能力 可以用精神力加速至光速 可以將質量極大嘅物體掉尼掉去 兩邊好似超能力大戰 最火滾係經常性將啊寶推axis嘅片段放出尼想合理化超能力 講過好多次 axis奇蹟係由人類嘅思想集中同啊寶強烈嘅意志共嗚想引發 每一次都想合理化只要有nt同psycho prame就可以引發奇蹟 馬沙都講過啦 newtype唔係超能力者。。。

問題二:設定吃書,neo zeon 2理應有neo zeon同能力 但係劇中發動光環係完全無左武器會爆嘅設定 唔知大家記唔記得嗰陣neo zeon發動光環unicon係要掉曬所有武器 呢集大家都若無其事繼續用武器 係開心嘅

問題三:配角描寫極度薄弱,主要反派似有悲慘背景。不過劇就表現唔到 令主要印象係得記得發狂,9叫 作為弗朗托嘅失敗品 毫無相似氣質 如果可以描寫多啲關於作為失敗品嘅差別對待 對弗朗托嘅妒忌同憎恨 呢個角色會更有價值 就唔會淪落為只為作反派而做反派

問題四:主角回想次數太多 大家可以數下劇中女主角對白: 如果可以的話 我想成為一隻雀 基本上記憶中係最少四次 極度繁複 回想次數太多同內容太重疊哪後果係個flow唔順暢 影響觀感

作為gundam fans唔知係我對超能力系太反感定套野真係太垃圾 但係似乎迎合到大眾口味 梗係覺得gundam唔係咁拍 奇蹟係可以嘅 但係過度嘅奇蹟只係變得太廉價 變成超能力大戰 好出戲 更加覺得宇宙世紀打咁多年戰爭係無意思 如果超能力可以解決一切嘅話。。。
2019-02-17 03:18:21
Z有生物電腦一早已經做到
2019-02-17 10:33:30
新自護號光環既能力唔係爆武器, 只係完成駕駛者嘅願望。 費朗託當時嘅願望就係爆武器所以光環做個出嚟。 個癲佬願望就係引爆氫3 將全人類收皮。 你可以去巴哈睇一睇先 嗰邊已經討論咗好耐
2019-02-17 12:44:10
咁其實uc1有無解體到
2019-02-17 13:41:31
咁好明顯覺得UC時吹大所以起NT咗比人修正咗,如果唔係明明已經知道有咁嘅能力點解唔用,咁強嘅反制技
但如果又爆哂武器到時真係大家變機動武鬥傳,巴辣雞用銀彈表演多次南斗水鳥拳同可以用銀彈鐡甲飛拳
2019-02-17 13:59:04
U.C. 撚不願面對
2019-02-17 14:00:03
睇完NT,我以為自己睇左EVA
2019-02-17 15:21:27
話明配角點會深入描寫,劇中身邊人對佢既評價已經清楚反映佢既待遇,唔係下下畫公仔要畫出腸

主角回想rita對白咁多次都係一種表達手法黎,jona對rita既遺憾,令佢耿耿於懷既事.主角能力不足有人幫佢手,各方面我覺得表達得幾好
2019-02-17 19:22:59
只可以講 咁嘅設定好 wee rung rung 睇到我好唔舒服
2019-02-17 19:50:38
作為一套電影有限時間唔需要花咁多時間寫個反派, 重點落番主角三人冇錯
而家寫佢作為一個失敗品同比人當棄子都已經足夠成為佢要向呢個世界報復既原因
可以話係另一個癲左既古魯謝
2019-02-17 20:16:47
唔覺得個反派咁樣表達有咩問題,我覺得成套戲個重點係 主角男女對rita既愧疚,三號機行動動機,所謂既新人類係點樣

老實講我入場都唔會想睇個MK痴線佬,人設已經夠失敗
2019-02-17 21:33:19
加美尤用bio-senior 都玩到招魂、定身、巨棒
阿寶一舊t骨仔已經推走阿古捷斯
娜娜0079已經做埋宇宙女鬼

睇開d喇
2019-02-17 22:02:15
其實一直以來都覺得舊UC為咗表現手法上易明令到好多人誤會,馬反上推石首先係呢個係宇宙無重空間,寶少觸發嘅奇蹟係用T骨引起増幅令佢嘅意識想法傳比戰場上嘅人,令不分兩軍嘅人開始想防止阿古捷斯撞地球一齊推石,甚至推到部機爆,但成個畫面無交代推石嘅機有幾多但一定唔少,呢點起宇宙空間推得起唔係無可能,0079咁大架木馬都起大氣層內飛得起啦,加上nt所知對機體機件有一定影響係確定嘅,特別係有用nt技術嘅機,個時寶少有影響埋阿古捷斯嘅內部都有可能啦。所以我覺得寶少引發嘅奇蹟係一瞬間感動大範圍嘅人嘅想法同心態為主,感動到個刻啲人去幫手推石,見到有人比沖走不分敵我會主動伸手捉住佢,呢刻表現就係以前所渴求嘅共識,共存,所以真係奇蹟,但見巴打提過嘅光速移動同自己起UC見識過嘅新自護號自己「枯萎」,獨角獸兩機加T骨件擋太陽砲呢啲「奇蹟」比真係真心係覺得係有問題,係到咗反物理,扭曲物理同超能化了

Z中嘅表現手法係NT一直係指人類起陌生環境中為咗適者生存嘅進化,呢種進化就係可以理解為感覺敏銳,精神波比人強,所以會反應比人快,又可以比人早一步應對,讀取到別人嘅想法,所以先出現類似靈魂交流嘅描寫,致於集合死人嘅可以係指奶油個時因為想法上同精神高漲,加上佢故事上嘅經歷令佢精神上受佢地嘅影響同成長自然部分精神似佢地,咁同樣係NT之下嘅斯洛哥腦內想出佢地出黎又或者將呢啲意念形象化就自然係佢地嘅模樣,the O同Zeta兩者又有bio sensor 所以the o覺得某程度因為奶油精神從the o嘅bio sensor影響到停機或某程度嚇到郁唔到

一切都係心中有鬼,腦就會自然腦補出嚟,斯洛哥個下意識驚咗自然輸,哈曼一樣因為捷度個下精神意識強到腦補出似奶油嘅形象出來嚇到個心黎一黎

呢一點記得好似Z有幕,寶少未識奶油之前feel到奶油嘅NT力以為馬沙起附近(雖然馬沙真係起附近),到見到咗見到古惑菠蘿就先致feel到佢係馬沙
2019-02-17 22:20:05
福井可以唔洗睇啦
2019-02-17 22:36:48
娜娜呢點根本因為我地上帝視角,起宇宙撞到娜娜只有馬沙同寶少,馬反個幕可以理解返寶少精神出嚟嘅形象物同寶少精神帶出嚟,Z時代寶少唔想上宇宙可以算係創傷後遺症,自從一年戰爭後寶少nt力以經強咗唔少,起宇宙感應到其他NT可能觸發到以為係佢係娜娜都唔定,因為娜娜係宇宙死,加上人類起宇宙適者生存能力nt力再進化就更加令寶少反感啦,

致於地球重力束縛住人類靈魂只係一個比喻,感覺好多人比佢誤導,只係人類唔離開地球去陌生環境就唔會因為求適應而進化成新人類,而馬沙因為對起地球嘅舊人類不可能明白彼此而絕望,因此打算用阿古捷斯毀滅地球呢個「母親」迫人類離開地球適應宇宙進化成nt就能了解彼此同化,但呢點就寶少推石仔時令彼此做到佢想做到嘅野,順帶一提,F90嘅boss係第二次新自護戰爭時見到寶少呢個推石仔奇蹟而迷上咗高達,以為「高達」有呢個力量做奇蹟先去搶F90二號機,所以某程度上寶少個一刻影響咗唔少人意識
2019-02-17 23:22:31
Ching你講得好中 我一路主張都係奇蹟係無問題 但
係奇蹟出現得合唔合理 出現頻率 係重點 當奇蹟去到
uc同nt已經變左濫用 變左超能力 有咩唔合理嘅情節
就拋曬俾T骨同newtype同可能性 呢種做法真係好反


呢個discussion forum就一味攞卡美尤同寶少嘅
劇中表現合理化超能力 有冇諗過卡美尤嘅超能力係
幾十個同伴嘅死作為精神力量作為前提 寶少就係人
類嘅意識嘅體現 兩者都係有共通點就係人類嘅思想集中喺nt身上而擴大意識嘅表現 uc擋殖民衛星炮起碼建機於瑪莉妲嘅死 普露嘅其中一個亡魂 雖然同樣唔合理 不過比起nt 嘅無燃料 無整備 無機油嘅三號機可以 憑空喺宇宙單體活動兩年 可以光速飛行。可以以unicorn mode發波嘅時間能力同最後嘅黑洞能力將臨介點嘅爆炸物憑空消失合理(為免大家唔記得幾誇張提一提大家 爆炸嘅災害會俾殖民地落下地球更慘重)

我已經覺得nt神化新人類同psycho frame已經唔再可以用以往嘅奇蹟解釋 當奇蹟可以隨時隨地 唔使特別情況觸發已經係單純嘅超能力

無錯 uc係不嬲都超自然 富野一路都想探討newtype嘅意義 但係唔係可以將所有唔合理嘅地方推曬俾newtype就完事 劇情真係會容易變得不嚴謹 所謂嘅奇蹟就係因為只係僅有一次 喺絕望之下誕生嘅希望 所以axis嘅奇蹟係咁感動人生 連身處係人類意識共嗚嘅馬沙都覺得温暖嘅奇蹟 喺鋪排上絕對俾uc同nt合理好多
2019-02-18 00:18:01
本人本身無睇NT同興趣想去睇,但聼ching你咁講咁次唔怪得有人話似EVA,三無(任何補給)嘅MS好似上身咁行動真係誇張咗喎
如果咁樣真係同初號機暴走有咩分別,女主角好似碇唯咁寄居咗落三號機咁?
NT幾時好似同EVA咁整到有同步之外加埋顯靈暴走變永動機
咁嘅陣容,吹到咁敗家仔真係點接,不如再似起UC2男主角揸三號機,唔夠打時女主顯靈暴走NT-D mode秒殺對方(BGM用 The beast ll)
2019-02-18 00:22:20
真,我睇果陣第一時間都係諗起
3妹=補完後初號機
永動,飛到turna果陣應該仲飛緊
2019-02-18 00:31:02
提卡美尤阿寶唔係想合理化D超能力
而係想講NT D超能力由一開始已經唔合理
由我既角度睇D奇蹟都可以係NT本身既能力加一個媒介(bio-sinsor,psycho frame...)去引發出黎既結果
咁去理解會冇咁辛苦
上面都有人講到係有人型兵器既故事講真實都晒氣
唔係第時UC2仲要嘔多幾兩血
2019-02-18 01:06:29
話nt 係咩適者生存而進化,咪姐係變左長谷川既nt 論
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞