【魔偶師】《小松奇妙物語！》（３）

魔偶師係惡魔

原來魔偶師係惡魔
十少年2好似冇講？

六筒

睇嚟狼王會出現

好似冇

公公好似係陰陽師 咁識唔識十二式神

諗起陰陽大戰記

我諗起 九域爭霸

翔串過緊撚
白毛小子

惡魔貓同貓仙人係咪同一隻貓

我估係 即係小松屋企嗰隻波斯貓

推

推

推

如果日日都有得禁正評就好啦

墨巴 會唔會有墨子客串

我聽從變得莫名穩重的爺爺，先自行回家去。

他們一家的住宅，偏近上坡的位置，過去見到結構時尚，牆漆斑斕的屋子，就是那間了。

算是，區內最好認的一間屋。

小松說過，屋內的裝潢及色調，很多都是由母親小時設計。那張充滿東歐異國色彩的沙發、花紋簡麗的窗紗、掛在牆上的畫作、華麗的地毯，總能讓人徜徉在濃厚的異國情調中。

但配上簡潔的地板和內部的牆漆，又不會過份豔麗，形成一種自然的平衡。

使人躺在家裡，就如旅行無異。

加上石澳的地理位置，這裡無疑是間一流的居所。

「小葵！」當我來到家門前，就發現有人正苦苦等候。

我抬頭一望，是卡文‧‧‧‧‧‧

不，她叫我小葵，那她肯定是‧‧‧‧‧‧

「小松！」我跑過去她的腳邊。

「我一訓醒‧‧‧就唔知點解‧‧‧‧‧‧」卡文版小松欲哭無淚：「出現咗喺卡文屋企‧‧‧」

「仲同佢調轉咗身體‧‧‧睇嚟你真係同卡文交換咗。」我說。

「點解換咁嫁！」小松十分激動：「咁樣我點樣返學啊‧‧‧‧‧‧」

「你仲諗住返學‧‧‧‧‧‧」說實話，變了卡文的小松，真的看得不太習慣。

「爺爺呢！！？仲有阿毛、兔兔佢哋點呀？有冇人餵你哋食嘢啊？」小松追問。

「冇。」由假小松不倒食糧給我們開始，我就肯定是假的。

「唉，實餓死佢哋啦‧‧‧我指紋解鎖唔到屋企個閘入去，爬又會觸發保安系統，到時屋企人以為我擅闖民居，你幫我啊小葵。」小松眉目憂心。

「點幫你？」

「鑽入去之後，餵咗佢哋先。」小松交付。

於是我從閘門之間鑽過去，然後跳上水管，再經由廚房進入屋子，把那些狗糧、兔糧、鳥糧，通通都倒出來。

很吃力，單是打開封口的動作，已經費我好大心神。

「搞掂未啊小葵！？」小松在外面，問。

「差唔多‧‧‧‧‧‧！」

我把所有糧袋的封口打開後，就任由牠們把頭伸入去進食，因為倒在碗子上的動作，我應該是做不了。

「搞掂‧‧‧」我回到閘前。

「啊呀‧‧‧‧‧‧」小松無奈地長嘆，捏捏自己圓潤的臉頰：「點解我會同卡文調轉咗架──」

「咒術。」我說。

「咩話？」

「咒術，今日我打探咗返嚟。」

「吓？你點打探嫁？」

之後，我把今天和爺爺的行動，都一一告訴小松。

「惡魔？靈魂？咒術？」小松又突然顯得很感興趣。

「重點係，你身體俾人交換咗！」

「咁點解爺爺唔番嚟幫我解決，得你一個返嚟‧‧‧‧‧‧」小松軟坐在閘前，哀嘆：「唔通連佢都要放棄我‧‧‧‧‧‧？」

「佢好似有啲更重要嘅事情，要先解決。」我說。

「咁即係我要靠自己‧‧‧」

「或者喺到等多陣，爺爺就會返嚟。」

於是，我又陪小松在門口待了會，看著如此肥胖的她，真感傷心，明明是個有大好前途的善良少女。

「嘟嘟嘟嘟‧‧‧‧‧‧」突然，家中電話響起。

「咦，係咪有電話？」小松也聽到。

我點頭，因為耳朵有反應。

「去接啊小葵，撳一個叫「TALK」的制，就聽到啦。」小松教我。

可惜，我跑到過去電話經已掛掉，小松又教我去按留言信箱，並設定擴音，得到以下音訊：

「我係爺爺啊，如果你返咗嚟，就等我一陣，可能兩、三日，你自己一個唔好驚喎，因為好快會無事，好喇，小松實捱到嘅。」

爺爺這番話，像是說給假小松聽，又像說給真小松聽，可能他也猜測到，真小松會回來這裡。

只是爺爺可能沒想到，真小松交換了的身體，可是接近一百六十磅的肥婆，加上矮矮的腿，想要爬牆進去也不能呢。

最尾個到好好笑