【魔偶師】《小松奇妙物語！》（３）

「咩話！你俾佢哋做乜啊？」

「佢哋話‧‧‧儀式進行完之後，慕必要將個玩偶，交還返俾佢哋‧‧‧‧‧‧」假小松一面水汪汪。

「點解你咁聽話呀？叫你去跑步減肥又唔聽，走埋啲小捷徑就咁醒。」小松越來越不屑：「你擺明俾隻惡魔呃咗喇，用咗玩偶交換身體之後，就一定要不斷餵血，供奉俾隻玩偶，如果唔係佢會困住我哋靈魂。」

「咁點算啊‧‧‧」

「隻玩偶邊到整？！」小松又問。

「唔知‧‧‧‧‧‧」

「咩都唔知！蠢過隻豬。」小松轉問我：「小葵，你今日講嗰到係邊話？」

「跟我嚟，你想點？」我開始領路。

「可能叫個阿伯整多次，交換番。」

老漢一推

說畢，小松忽然按住頭部，一陣暈眩‧‧‧‧‧‧

「啊‧‧‧」她酷似頭痛。

「小松‧‧‧？」

「呯」小松兩膝齊軟，跪在地上承受痛楚。

一言不發，牙齒打顫的她，無法做出任何回應，連假小松也嚇到了，變得愕然。

最終，這過程持續了十多秒，期間小松身邊更若隱若現出無形的幻影，既飄忽又模糊，像是要從身體離開。

回過神時，小松經已滿面是汗，無力地伏在地上，氣也只能輕喘著，無法言語。

「你‧‧‧做咩‧‧‧」假小松問。

「小松？」感覺她神色不太對的我，行到她面前。

「全身‧‧‧好似‧‧‧‧‧‧俾人撕扯咁‧‧‧」小松全身依然抖顫：「肯定係‧‧‧玩偶嘅副作用開始發作‧‧‧‧‧‧要抽取我嘅靈魂。」

「咁點解我‧‧‧‧‧‧」假小松正好奇為何自己沒事。

「你嘅靈魂喺惡魔手上，你認為以後可以平安咁渡過‧‧‧‧‧‧？」小松反問。

意識到時間無多的我們，沒再多想什麼，就快快去到那位歐伯的家，玩偶之家。

假小松也有跟過來，她說，不想自己的靈魂都落在惡魔手上，忽然覺得做運動減重是件很簡單的事。

總比，之後要給惡魔勞役好。

「小葵‧‧‧你確認呢間屋？」沿路上，小松精神變得憔悴。

「係‧‧‧」我答。

跟我確認後，小松方按門鈴。

「叮噹叮噹～」

「邊位？」那位歐伯，緩慢地開門：「你兩位係？」

「唔該你！請幫我哋打造一個，似我哋樣嘅玩偶。」小松合十懇求。

「咁你哋係‧‧‧」歐伯疑惑。

「我哋係交換咗身體嘅人，需要一個逼真嘅玩偶交換番，雖然聽起上嚟有啲天馬行空，但請你即時整個喇！時間無多。」小松再一次誠求：「事後俾幾多錢你都得！！」

有文

文呀

外人睇就係肥婆暴力壓住靚女

quote文

個肥婆又會咁順攤肯同小松交換番身體

啲肥閪都係怕死啲

細力推

文啊…

會唔會又2點幾先post

唔準催墨b

失眠等文

Push

Push