【魔偶師】《小松奇妙物語！》（３）

「話說，點解我一諗起你‧‧‧‧‧‧你就出現咗。」我知道小松比較重要，但我還是想問。

「我咁啱喺附近經過。」他簡單帶過。

「咁啱‧‧‧‧‧‧」我再細想，現在是凌晨五時。

哪有人會在附近經過，除了剛才的瘋女子。

假道學蹲下來，摸一摸地面，四周隨即出現一些虛幻的影像，彷彿與這個空間重疊起來。那些畫像既虛非實，由靛藍色的光所組成，猶如置身３D世界入面。

影像中，映播著小松從二樓逃落一樓的畫面。

然後，一樓某間班房的門忽然被打開‧‧‧‧‧‧

裡面，走出一名英俊挺拔、五觀深邃的少年，他轉身望向樓梯口那邊，驚愕得有些腿軟的小松。繼而，以迅雷不及掩耳的步速！衝向了她，被少年捉走返回到班房中。

這，就是小松驚叫的由來。

而進入那間班房後，他們兩人就消失不見。

「我已經搵過佢俾人捉入嘅呢間班房。」我說。

「佢，係俾人捉咗去另一個空間。」假道學說。

「另‧‧‧另一個空間？紫魅世界？」我疑問。

「你都知道？」

「曾經聽講過‧‧‧‧‧‧但實際上，我都唔知係咩地方嚟。」我跳到假道學的膊上：「唯有出發吧，要搵佢返嚟。」

假道學轉面，望膊上的我：「呢到，入唔到去。」

「咁點解佢嗰個男人‧‧‧‧‧‧」

「佢有自己方法，但你唔同。」假道學步出班房：「你都要有自己嘅方法。」

好緊張

葵仔又要變人啦

「我嘅方法？」

「入去紫魅世界可以有好多方法，誤闖結界、俾雷劈中、祭神明、惡魔旅行、啟動空間能力。」他比我更清楚。

「睇嚟你都嗰一類人。」

「‧‧‧」

「小松阿爺同外公，仲有母親，就係呢行嘅人，知道宜啲奇怪秘術嘅嘢。」

「世界，有更多深藏住嘅真相，所謂嘅「奇怪」其實都只係不被人認知嘅「真相」，世界本來就無「奇怪」呢一回事。」

「咁你？你又係咩人，點解咁鐘意間接去幫我。」我問。

「‧‧‧」他沉默半晌，才答：「做好人好事，積下福德，有助我修仙。」

回到學校地下後，他倏地要求：「合埋對眼。」

「？？？」我不明所以。

「照做。」

我把眼睛合上，旋即聽到一下響指。

「噠」

再次張眼，我已經身處小松經常出入的車站──筲箕灣。

「呢到‧‧‧」我四處張望。

「有次你同佢喺到搭咗程，唔應該上嘅凌晨小巴。」假道學說下去：「佢就係通向紫魅世界。」

「你玩時間停止嗰次‧‧‧‧‧‧？」我回想起。

「唔好再提我玩時間停止。」他淡然地說。

雖然，我不知道假道學仙人出於什麼原因，不時幫助我。

但感覺，他應該可靠。

「嫁車幾時嚟？」我問。

「一日得一班，你休息先。」他坐在小巴站的欄杆上。

「咁點得‧‧‧‧‧‧」小松她性命可大可小！

「作為一隻貓，你已經好攰。」他輕按我頭部頂，一陣安眠的感覺湧入腦中，使我舒適地深睡過去。

我在他膊上，真的睡了一段很長的時間。

最恐怖的是，假道學居然能夠一動不動的，一整天都坐在欄杆上，維持同一個姿勢沉思，完全不發半點悶聲。

有文

好好睇

葵既能力同正身究竟係咩
好期待開估既時候

好多文好正呀😻😻😻

究竟假道學真正身份係咩？好神秘

貓仙人？

人形態嘅小芳?

但小葵自己都好似唔記得要去揾芳

佢直頭唔記得咗芳添啦 淨係記得罐頭

冇提好耐
個芥草都消失咗

墨包啲故咁多伏筆 你驚死小葵會唔記得咩