「咁‧‧‧咁點解要隱瞞我咁耐啊?」
「除咗保護你,仲有一個原因。」爺爺沉默良久,才道出:「但係我唔可以講,因為一講出真相,就會好自發咁觸發某個詛咒。」
「詛咒‧‧‧?」
「我只可以同你講到呢到。」爺爺續說:「因為你與生俱來嘅天賦,而吸引咗好多惡魔、妖怪去將你捕捉。」
「就好似嗰個整嘅玩偶伯伯?」
「佢只係棋子,無惡魔會夠膽親自接近你。」爺爺說下去:「詳細就唔講太多,你鐘意可以自己探求,因為我發覺‧‧‧‧‧‧已經開始保護唔到你。」
直至下午左右,爺爺把小松真正的身體,抱回入房間床單上。而卡文那副身體,則抱放到客廳的冷冷的地板上,待遇不一。