431 Like
4 Dislike
人做個好市民
2018-11-14 10:41:02
肥婆嚟講 卡文真係極品
墨說
2018-11-14 10:47:13
「唔可以講‧‧‧‧‧‧」
「聽住。」爺爺蹲下來,對狼瘡的她,說:「二、三十年前我就封印過上一任地獄之王,喺我手上有本筆記,係專門記載點樣折磨惡魔,有百幾種方法,你唔會想試,我都唔會想試,因為我已經收心養性幾十年,只係一個想睇住孫女長大嘅老嘢,但只要癲起上嚟,我就唔會再忍手。」
「噫‧‧‧噫‧‧‧唔清楚‧‧‧我哋都叫佢做惡魔貓‧‧‧‧‧‧佢為咗唔留痕跡‧‧‧好少會喺人間用法術,一直以嚟‧‧‧都好低調咁收集人類靈魂‧‧‧‧‧‧」
爺爺拔出匕首,讓對方的手暫時得以解脫:「講吓你幫嗰個女仔,交換身體嘅事,要詳細。」
「因為我感受到,佢長久而嚟內心深層嘅渴望‧‧‧‧‧‧於是主動搵上佢‧‧‧同佢傾魔鬼合約,佢同意之後‧‧‧‧‧‧我幫佢訂咗兩個玩偶,然後再教佢準備交換身體要用到嘅祭品同咒語,淨係咁多‧‧‧‧‧‧」
「訂玩偶嘅地置。」
「石澳村路12號住宅,放過我!」
爺爺一言不發,就將對方割喉殺死。
感性老母(有鳩)
2018-11-14 10:47:14
突然覺得爺爺好似Tom Cruise上身咁
墨說
2018-11-14 11:00:47
濺出的血,不是紅色,而是像墨般黑。
萬萬沒想到,小松爺爺居然是貨真價實的驅魔者,原本我還以為他只是在家太無聊,隨便給自己玩起角色扮演。
「好啦,小葵。」爺爺將我抱起,一同離開這裡:「比起小松,我宜家有啲更重要嘅事要處理。」
雖然跟失假小松去向,但爺爺的目標,明顯更改了。
他立馬上叫了一輛的士,火速前往石澳村,估計是去找那惡魔剛才說的人。
「喂,杞仁。」乘坐的士期間,爺爺又致電自己兒子:「觀塘商場最上嗰層,最入嘅鋪頭,快啲派你班黑衣人去收屍同刪除閉路電視證據。」
「你又搞乜。」電話另一廂的杞仁,問。
「一個唔覺意,入咗班惡魔嘅地方。我諗佢哋係做收集靈魂人類嘅生意?幫人實現願望,但要奪走靈魂‧‧‧‧‧‧」
「又要我幫你執手尾。」杞仁說。
「呵呵,你係政府部門嘅阿頭,我享用小小福利都得掛。唔講咁多喇!準備做嘢。」
「小‧‧‧心。」自己兒子說到一半,爺爺就掛線了。
撚OfMyPenis
2018-11-14 11:01:18
封印咗地獄之王 地獄同死神有冇關係
墨說
2018-11-14 11:05:52
黑衣人?收屍和刪除閉路電視證據‧‧‧‧‧‧
「!!」驀地,我想起了什麼。
之前,地下偶像那表演會場那晚‧‧‧‧‧‧
我跟小松逃出生天,而現場理應遺下當時被羅蘭襲擊的保安屍體,還有那晚一整天的閉路電視畫面。
可是後來,新聞沒有報導,閉路電視的存檔也遭到刪除。就像整件事,都不曾發生過一樣。
難道‧‧‧
兩者跟爺爺和杞仁所說的,有什麼的關連?
貓西
2018-11-14 11:08:57
好緊張
墨說
2018-11-14 11:20:27
一離開觀塘市區,空氣中那陣塵煙之味,都漸漸消失,隨而代之是石澳附近山林的新鮮空氣。
植物樹木都綠油油,比起高樓林立的大廈養眼得多。
到達石澳村路後,爺爺依照惡魔所說,來到石澳村路12號的住宅單位。在外面看來,只是間普通到不行的小屋。
有趣的是,屋外擺放住一些熊形玩偶,從其殘破的外款來看,是以金屬和填充物製造,已有一段日子沒有清潔。
「喀喀‧‧‧」爺爺先敲敲門。
「邊位?」一位老伯,開門步出。
大家都是老人,但他跟爺爺不同之處,是眼神的分別。
爺爺那對眼睛總是炯炯有神,十分精靈。而這位老伯的,卻黯淡無光,有點提不起勁的樣子。
忌廉燴飯
2018-11-14 11:23:27
正
墨說
2018-11-14 11:30:56
「係咪有得訂製人偶?」爺爺友善地問。
「嗯‧‧‧」
爺爺跟著老伯,走入屋內。
「點稱呼?」爺爺雙手放後,問。
「人哋都叫我歐伯。」
屋內擺放諸多人偶,比例都各有不同,但最常見的仍然是小孩可拿起來玩的那種。
牆上釘蓋不少木板,都是用來放人偶玩具上去,看得出他是位人偶製造者外,更是個人偶收藏家。
「好多公仔喎。」爺爺說。
「‧‧‧你買嚟送俾孫?你可能要提供一張相俾我,等我可以跟住相入面嘅樣做出嚟。」歐伯坐下。
「你啲手工,都做得幾真。」爺爺靠近那些人偶玩具,每個都十分擬真。
二寶糖
2018-11-14 11:32:09
個阿伯係魔偶師或者魔偶師嘅傀儡之一
我係黎睇故
2018-11-14 11:47:21
墨說
2018-11-14 11:52:00
「我由細做到大‧‧‧‧‧‧」歐伯輕描淡寫地笑:「做到呢個年紀,都有成五、六十年經驗。你點搵到宜到?平時都只係得,一個著西裝嘅女士嚟搵我訂造。」
「佢係我朋友啊,哈哈。」爺爺隨便編個關係。
無所事事的我,在屋裡周圍凝望、進入,發現都有做大小如人的玩偶,並隱隱約約地傳來惡臭,顯然又是久久沒有清潔過。
「原來係咁,你想個人偶點整。」歐伯問。
「我就直接講啦。」爺爺笑容滿面,說:「點解,你可以毫無靈魂。」
「‧‧‧」歐伯愣住。
「但你又係人類。」爺爺的視線,固定在他身上:「唔殺人類,係我嘅原則。」
「點解你可睇得出,我出賣咗靈魂‧‧‧‧‧‧」歐伯沉默良久,問。
「任何人一旦出賣咗,我都睇得出。」難怪,剛才假小松一出店子,爺爺就拿出刀刃動殺戒。
是因為他知道,假小松的靈魂在剛才已經失去,意味著裡面進行了一些不為人知的「交易」。
能進行這種魔鬼交易的,只有惡魔,於是爺爺他就直接殺進去。
墨說
2018-11-14 12:06:12
「我出賣靈魂,只係為咗做出更逼真嘅玩偶。」歐伯答。
「呵,咁簡單?」
「嗯。」
「你知唔知,有一種儀式,只要用上逼真嘅玩偶作媒介,再加啲受施者身上嘅髮膚血之類,同惡魔嘅咒語,就可以輕易咁,將施咒者同受咒者兩個人嘅身體交換。」
「‧‧‧我唔知。」歐伯說。
「唉,明明我已經退休‧‧‧‧‧‧」爺爺似乎有些苦惱:「係邊隻惡魔同你交易。」
「‧‧‧」歐伯沒有回答。
「你可能已經間接害咗唔少人,你都唔肯講?」爺爺反問。
「魔偶師‧‧‧‧‧‧」
「我都係第一次聽。」
歐伯淡淡道出往事:「我年輕個陣‧‧‧佢就出現過喺我面前,只要出賣靈魂俾佢,就可以做出逼真嘅人偶。」
「你為咗呢啲白痴公仔,出賣自己珍貴嘅靈魂?!」爺爺一副不敢置信的神情。
墨說
2018-11-14 12:16:42
「對我嚟講,係我嘅生命,係我嘅全部。」
「麻煩,即係話‧‧‧‧‧‧至少有兩隻惡魔喺背後合作緊。」爺爺雙手插腰,細唸:「「惡魔貓」同「魔偶師」,呢啲新世代惡魔嚟‧‧‧‧‧‧?明明我以前對付別西卜、阿斯莫德、雷比亞當、比希摩斯、默菲斯托菲里斯呢啲名正路咁多。」
「你啊,咁嘅年紀都差唔多老死,因為你出賣咗靈魂,死後千幾百年都要留喺地獄,有冇咩感想?」這‧‧‧爺爺在幸災樂禍嗎?
「‧‧‧‧‧‧」歐伯什麼也答不上。
「唉~同你講都哂氣。」爺爺直接轉身走人。
「你今次唔殺咗佢?」我問,可惜沒得到他的答覆。
「喵咩啊你?識唔識自己返屋企。」爺爺問。
「識。」我答。
「我當你答識嫁喇,咁你自己返去先!爺爺有啲嘢做。」說畢,爺爺撥撥手,示意我不要跟著他。
徐丹青
2018-11-14 12:23:36
好緊張
誰叫愛太鋒利
2018-11-14 12:29:09
發現惡魔
黑熊問號
2018-11-14 12:32:20
小松
感性老母(有鳩)
2018-11-14 12:37:31
小松吹氣公仔
NorrisGreen
2018-11-14 12:39:19
見到魔鬼題材就好撚興奮
味覺大爆炸
2018-11-14 12:50:14
仲有冇
尊重啦屌你老母
2018-11-14 12:59:27
好睇過重制之前
非洲啤粒
2018-11-14 13:15:31
見到魔偶師個名 就諗起鹿彤同狼王
不存在的情人
2018-11-14 13:18:42
張靈風
2018-11-14 13:32:43
肥婆死咗要落地獄