431 Like
4 Dislike
墨說
2018-11-22 11:40:35
「小松,走‧‧‧!」我尾巴豎得很直。
正當小松轉身打算逃離時,門卻被打開,四隻有小孩大小的人形玩偶,以僵硬的動作行進來,禁止小松離開。
「呯呯」剛才樓上移動的東西,亦都出現在眼前‧‧‧‧‧‧
是個一比一人偶,外形相貌擬真得與真人無異,但它們神貌全無精神,猶如一具行屍走肉,因此詭異非常。加上沒清潔得宜,使得臉蛋、身體位置都染有灰黑的塵色。
「呢‧‧‧啲咩嚟。」小松呆若木雞。
「用上等軟陶製作‧‧‧‧‧‧」歐伯輕撫身邊那具人偶的臉頰,微現喜歡的表情:「眼珠係我親自手繪‧‧‧頭髮,到最仔細嘅指甲,都係我親自「收集」番嚟。」
墨說
2018-11-22 11:49:40
「識‧‧‧識郁嘅‧‧‧?」小松有些口顫。
「我做嘅每一個玩偶,都充滿住生命!」歐伯欣喜若狂地,指住小松清瘦的身軀:「呢個外殼,我要幫師父奪取,而你,一陣自然會有人嚟拎,所以你就乖乖坐喺到等一陣。」
「吓!!我呢家個肥婆身體都要拎!!?」
小松妳說錯重點了吧!!
「係你嘅靈魂。」歐伯揚起嘴角,並指揮人偶:「唔好俾佢亂走。」
「喔!!!原來你係邪嘅!!!仲以為你咁好人,請埋我哋飲茶!!」小松這才恍然大悟。
「杯茶落咗藥‧‧‧‧‧‧」我看,這正是卡文暈倒的原因。
感性老母(有鳩)
2018-11-22 11:50:52
阿爺去左邊?
墨說
2018-11-22 11:55:09
「嗒‧‧‧嗒‧‧‧嗒‧‧‧‧‧‧」人偶開始移動。
歐伯旁邊,那具面容毫無神色和軀體僵硬非常的人偶,向前舉起雙手,雙腳沒有彎曲地前行,要去把廳中央的小松拿下。
而背後,亦有兒童版人偶往小松方式前進。
「小‧‧‧小葵‧‧‧‧‧‧」小松左右看望,十分慌張:「點算呀!!?」
「發動你上次嗰種能力‧‧‧‧‧‧!」我喊道。
「能力‧‧‧?!」
「紅線髮帶。」
墨說
2018-11-22 12:01:29
「好‧‧‧好!我仲有少少記憶嘅,只係唔知點解上次,可以好型咁自由控制!呢家好似一啲靈力都無咁!!」小松向人偶舉掌。
「俾啲信念!!!」即使攻擊目標不是我,我亦不禁戰慄起來。
「呀呀呀呀呀呀呀呀呀呀!!!!!!!!」小松氣勢澎湃地大叫,連歐伯也皺皺眉。
原來,只是純粹地大叫。
「完全唔掂呀!!!!」小松驚惶失措。
看來‧‧‧
要像上次一樣了,可惡。
我從桌子上助跑,跳到小松身上並把嘴巴貼在她嘴唇一秒,便立即回到地面,咳嗽數聲。
「咳‧‧‧咳咳‧‧‧」好想吐。
不再信童話的應許
2018-11-22 12:03:56
文呀
我係黎睇故
2018-11-22 12:04:54
墨說
2018-11-22 12:07:36
驀地,不知哪來的氣,使小松頭髮飄逸而起、雙目充滿靈光,看來她又再覺醒了。
似乎只要吻她一下,就能把她潛力激發出來?
小松再次舉掌,並作捏碎手勢,原本紮作假小松髮尾的髮帶,隨即飛到人偶面前,將它綁住!
「噫‧‧‧咩‧‧‧‧‧‧咩嚟‧‧‧」歐伯感到愕然。
至於,身後的四隻小孩版人偶,小松則以最原始的擊倒方式,使出踢腿一一將它們拿下。
「呯」、「呯!」、「呯呯!!」
有賴卡文粗壯的腿肌,把那裡人偶踢走時,只像踢皮球一樣容易。
「你‧‧‧你居然‧‧‧將我心血‧‧‧‧‧‧」歐伯面色通紅。
「只係禮尚往來。」小松轉身,淡然地說。
黑熊問號
2018-11-22 12:08:41
卍解
墨說
2018-11-22 12:17:11
「原來佢啲人偶冇想像中咁勁‧‧‧‧‧‧」我望住,那幾具不能動彈的人偶。
「邊個指示你?」小松酷酷地問。
「噫‧‧‧」歐伯直愣愣的。
「唔講?」小松一腳踏住人偶的頭。
「唔好踩呀!」歐伯雙膝立即自動跪下。
「仲唔講?」小松又用力,踩踏一下。
「啊!!!」歐伯像哭喪著臉,說:「我都係被迫‧‧‧‧‧‧!」
「你唔係答緊我問題。」小松冷酷得,強行扯斷人偶的一條手臂。
「係魔偶師‧‧‧!魔偶師!!!」
墨說
2018-11-22 12:22:06
「魔偶師?邊個嚟。」
「係‧‧‧係我師傅‧‧‧‧‧‧」歐伯逐點逐點吐出:「嚴格上嚟講‧‧‧係賜予我製造擬真人偶能力嘅‧‧‧‧‧‧惡魔。」
說到這裡,門口忽被一人踢破,那人手握一隻黑貓屍體,徒步而來。
「爺爺?」我望向門口。
「小松,要你久等。」爺爺對著歐伯,說:「你哋嘅陰謀已經粉碎,放棄吧。」
小松沒理會到爺爺,繼續把目光放到歐伯身上。
「咦‧‧‧‧‧‧莫非‧‧‧」爺爺似懂非懂地思索。
我要做個好人
2018-11-22 12:27:02
推 繼續
墨說
2018-11-22 12:29:22
「你去咗邊?」小松問爺爺。
「去搵另一隻惡魔,佢匿得好隱密。」爺爺嘆一口氣,說:「今次,有兩隻惡魔搵上門,想謀你副身體同靈魂,好彩都阻止到。」
說著,爺爺就掉下貓屍,利用衣袋藏住的刀刃,逐一收割人偶的生命。歐伯見人偶一一死去,亦幾乎激動得快要中風吐血。
「小松,或者要開始同你解釋‧‧‧‧‧‧所有事情。」爺爺處決所有人偶後,便道:「宜家,你返一返屋企先。」
「咁我身體?」
「你返到去訓一覺,醒返就會變返自己。」爺爺輕輕地微笑:「你一陣應該會覺得特別攰。」
感性老母(有鳩)
2018-11-22 12:36:11
墨b今日day off?
墨說
2018-11-22 12:38:07
到現在,觀視全程的我對事情也是一知半解,不明不白。小松聽從爺爺所言,回去屋裡就睡上一覺,聽教得像另一個人般。
而我,則依然待在小松身邊,看顧著她。
直至下午左右,爺爺把小松真正的身體,抱回入房間床單上。而卡文那副身體,則抱放到客廳的冷冷的地板上,待遇不一。
這樣說,身體是經已交換了?
傍晚,外面的街燈亮起,天色逐漸變為暗幕,小松才緩緩醒來‧‧‧‧‧‧
「呵欠‧‧‧」睡眼惺忪的她,一落床便感到詫異:「咁輕嘅?」
然後,她急急腳走到鏡子前,觀看現在的外貌。
「耶!!!!」小松興高采烈得跳起來,想要飛起般:「點解變返我自己嘅!!?」
感性老母(有鳩)
2018-11-22 12:39:33
有day off真好
NorrisGreen
2018-11-22 12:41:25
打柒個卡文啦 變好人都係咁話
墨說
2018-11-22 12:45:00
「你應該落去搵爺爺問問。」我對整件事,一無所知。
「小葵‧‧‧!」小松一聽見我的聲音,就過來將我抱住:「好掛住你啊。」
「!」
抱得太力了!
「爺爺‧‧‧!爺爺!!!我變番自己啊!!」小松把我放到頭頂上,一跳一跳的落到客廳。
「~睇得出啊乖孫。」坐在沙發的爺爺,點點頭。
奇怪了,卡文剛才不是被爺爺他抱來客廳嗎?轉眼間又不見了。
小松很快就把興奮截下來,變得認真:「但係,到底係咩事‧‧‧‧‧‧?」
「有好多嘢要同你講。」爺爺招招手,邀小松來到花園的搖椅上,共同坐下:「過嚟。」
我係黎睇故
2018-11-22 12:45:50
艾利安努
2018-11-22 12:46:26
終於有文啦
墨說
2018-11-22 12:53:47
月光下,兩人共坐在小花園的搖椅下。
空氣清涼外,更有一種舒適的寫意。因為這小小的花園,一眼可以看盡,因此那些植物與草地,就成為了最天然的保護,形成一種自然的安全感。
「你應該好奇怪發生咩事?一直以嚟,包括你第一次遇到食人魔,同今次嘅交換身體事件。」爺爺先說開場白。
「嗯!之前我遇到食人魔嗰陣,你哋仲話我胡思亂想!」小松很記仇。
「其實,咁係為咗保護你,唔俾你再參入呢啲超自然事情。」爺爺望望月光,說:「但睇嚟,命運注定咗,就改變唔到。係你嘅天賦,亦都係天賦帶俾你嘅責任。」
「唔‧‧‧」小松似懂非懂地點頭。
「其實,我哋家族自古以嚟,都同「超自然事件」離不開關係。」爺爺開始道出真正身世,給予小松知道:「其實我並唔係咩喺糖水店、食市退咗休落嚟嘅老闆,我真正職業係──驅魔人。」爺爺神情凝重。
「‧‧‧」
「而你外公亦唔係咩書法家,而係陰陽師,所以我哋家族同呢啲事係離不開關係。」
亨利寶寶豬
2018-11-22 12:54:23
吹你唔漲
2018-11-22 13:01:38
好多文
Eastwind
2018-11-22 13:04:29
食肆?