【魔偶師】《小松奇妙物語！》（３）

興致勃勃的假小松，腳步輕盈地走到鞋櫃前。一打開鞋櫃，她露出嘖嘖稱奇的神色，裡面的鞋子讓她目不暇給。

我和爺爺，都向她投以疑惑的目光。

「今日小松咁奇怪。」心生疑竇的爺爺，越想越越不託。

「哇，有幾款Dr.Martens嘅鞋‧‧‧‧‧‧」假小松應該沒意識到，她的一言一語都十分吸引我們注目。

她正挑選鞋子同時，爺爺已以迅雷不及掩耳的速度，更換外套和鴨子帽，一副正準備跟蹤的模樣。

假小松穿上一對酒紅色的高筒馬汀鞋後，便攜同荷包等物出門去。而爺爺，亦拉一拉低帽子，暗暗跟隨在後。

「哇，咁樣睇原來間屋充滿住摩登風味‧‧‧‧‧‧」假小松步出門口，全觀整橦屋子時，又不禁感嘆真小松擁有的東西：「佢真係投啱胎。」

爺爺靠在牆邊，偷偷觀察、跟隨假小松，行為模式如像變態。

「咦！你都跟過嚟做咩？」爺爺發現了我，也跟蹤著。

「你睇唔出佢好唔同？」我說。

「淨係識喵喵喵，唔好亂叫出聲啊，爺爺做緊重要嘢‧‧‧‧‧‧」爺爺對我細噓。

看來跟他溝通無望，又一個不懂貓語的人。

痴線墨巴你又無訓覺?

路上，假小松不懂得如何出市區，要向路人問東問西，才得出前往觀塘的方法。

「空氣真係好～」假小松深深呼吸，望向離小巴站不遠的海灘。

「唔通小松又出現記憶錯亂‧‧‧‧‧‧」爺爺目不轉睛，盯住自己孫女。

「記憶錯亂？」我問。

爺爺立即示意：「噓！唔好出聲。」

待假小松上小巴後，爺爺就截輛的士，對司機說：「跟住前面嫁小巴。」

「吓，拍戲啊阿伯？啱啱我泊隔離已經見到你一直望住排緊隊搭小巴嘅一個女仔，想點啊你。」司機冷笑道：「我唔會開車嫁，都唔知你係咪想跟蹤人哋‧‧‧‧‧‧」

「唔好咁多廢話！」爺爺掏出五百元紙幣，掉到前座。

「收到！」司機立即收起笑臉，認真駕駛。

「哇‧‧‧！點解後面有隻貓上咗嚟架！！？」無意在倒後鏡目睹我的司機，急問。

「收嗲，專心揸車啊！」爺爺又掉出一百元紙幣，到司機臉上：「跟實啊！」

「收到！！！」司機又挺直腰骨，望回前面。

車上，爺爺致電過去小松那邊：「喂，小松啊？」

「係‧‧‧？」假小松陌生地回應：「你係爺爺？」

「係呀，認唔到我把聲咩？今晚你返唔返嚟食飯啊？」爺爺續問。

「應該唔啦，我‧‧‧趕時間呀，一陣再傾。」然後，假小松就掛上電話。

「果然有古怪！」爺爺更加深信。

在趟車程中，頭一次讓我感受到金錢的萬惡。

「佢落咗車‧‧‧‧‧‧」全副焦點放在孫女身上的爺爺，都跟著下車：「嚟觀塘呢到唔返學做乜鬼‧‧‧‧‧‧」

假小松在觀塘下車，這裡比肩繼踵、肩摩轂擊，稍一不留神就可能跟失目標。

為了偽裝，爺爺在一攤報紙檔買了份報章，並打開馬經那一頁，整個廢老形象立即提升不少。

觀塘人煙車密，大廈與商樓之間距離很近，感覺每一個街口都遍佈人流，走步路都要處處小心。

「唔該借借呀！」忽然，一名推車工人在轉角行出。

爺爺為了躲避，整個人閃靠到牆邊，但同時亦都跟掉假小松‧‧‧‧‧‧

「小孫女去咗邊啊？」爺爺目瞪口呆。

「喂！阿伯，唔好阻住喇，行唔行架你。」一位阿姨，被停在路邊的爺爺阻擋到。

如是者，爺爺只能繼續向前，並到附近一間漢堡店暫時歇腳。爺爺他坐在漢堡店外的露天座位上，致電另一個人。

「喂！杞仁！」爺爺聲線很大：「立即俾小松位置我！」

「點解？」我隱約聽見，小松父親在電話另一邊問。

「重要事，快。」爺爺回復正常音量。

小松父親沉默一會，才答：「你等等。」

爺爺有點不耐煩，用手指輕敲著桌子，發出煩人的聲音。

良久，杞仁回答，不過爺爺手指敲桌的關係，我聽得不太清楚。

「喂，唔好講數字座標呢啲啦！你直接講附近有啲咩！」爺爺很喜歡對自己的兒子呼呼喝喝。

「觀塘廣場，二樓。」杞仁直接說。

爺爺不道謝一句，就直接掛掉他電話，趕過去只有兩個街口之隔的觀塘商場。

沒想到爺爺還是健步如飛，跑起來一點不輸蝕給年輕人。外型上，有點像因為吸煙，而被食環署追捕的老人。

去到見到肥婆(真小松）？

費了一段左穿右插的功夫，爺爺終於趕到觀塘商場。

比起假小松現在正做什麼，我更好奇為何小松父親，可以即時知道小松的位置。

這是後話，最重要是先找回小松，假的那個。

觀塘商場格局特別，不少商標招牌都貼在玻璃窗上。即便未到放飯時間，都不乏人流，且五臟俱全。

最終，我們還是找到假小松了，在一間車仔麵檔前。

她正獨自吃著一大碗麵。湯麵上堆放的配料，多得像座小山凸起來。有魚皮、菜餃、豬腸、牛腩、雞翼、魚蛋、魯蛋、魚腐、餐肉、紅腸、炸菜、蝦卷。

「除非小松痴咗線‧‧‧‧‧‧否則佢唔會食到咁。」爺爺嚇呆了。

「嚟，靚女，油菜！叔叔見你叫咁多嘢食，私下送俾你嘅。」充滿笑容的老闆，奉上一碟油菜。

「多謝老闆。」鼓住腮子嘴嚼著的假小松，甜甜一笑。

「慢慢食！唔夠可以加料，免費！」老闆舉起姆指。

「咁老闆，可唔可以加多幾舊蘿蔔‧‧‧同一個麵底啊？」假小松笑問。

「可以！」

「淨係食肉呢一點，已經違反佢嘅設定。」我說。

「觀察多陣，話唔定有隻鬼魂、惡魔上咗佢身？但我無理由感受唔到‧‧‧‧‧‧」爺爺不解地搖頭。

為方便觀察，爺爺隨便在二樓的小食店，買串魚蛋、燒賣作罷。可能他見我都餓，於是另外叫了份不加調味料的魚蛋給我。

「都係用魚肉整，食咗應該冇問題掛。」爺爺拿不定注意，要否給我

「俾我！」我抬頭，說。

「既然你都喵，應該都餓啦，食啦。」爺爺把那碗魚蛋放下。

日日chur住咁出文真係唔死先奇

小松有排減

小松一定係天生瘦底食極都唔肥

肥婆

死肥婆

肥婆就係肥婆，本性難移

屌

死肥婆果然死性不改

仆街肥婆不得好死

肥婆用埋哩d害人既妖術肯定要付出某d重要代價
同有某d限制。

佢時晨未到....

小葵快d救小松！