【魔偶師】《小松奇妙物語！》（３）

一號

二號

推

快

pish

踏入六月份的終結，正處於求學階段的年青人，總算能歇息。

在同學互相渲染下，學校成為了怪談的新地點。源於「校園秘密」的網站裡，不時出現恐怖之說的故事。

例如，美術室的雕像會動、被封鎖的八樓禁地、深夜走廊出現的少年、廁所吊頸的傳聞等。

看得入迷的小松，曾經雀躍萬分，說是時候看看研讀驅魔筆記後的成果，要半夜返校驅魔。

當然，她肯定是說笑，自己說完也哈哈大笑。

但沒想到‧‧‧‧‧‧

七月頭的某天，她真的被叫去學校了。

本來打算瞓點知live左

小松的心情與平日上學相比，有很大的差異。今天的她格外輕快，坐在小巴更會對窗哼歌。

「小松，你好開心。」我說。

「係呀！我哋準備返學校露營。」她答。

「露營？」

「就係訓喺學校咁解！係女童軍特有專利嚟！」

「點解你哋有特權？」

「明義上呢個係訓練我哋童軍紮營、過夜、獨立嘅技巧，實際上緊係大玩特玩喇。」小松對此行，感到十分興奮。

「即係我又會見到你班朋友？」

「嗯！如果佢哋無放飛機嘅話。」

到校時，才中午。

除了需要補課、受罰、校隊訓練的學生外，基本上沒人需要回來。平平靜靜的校園，帶來一種舒適的寧靜。

魚塘流水聲、籃球彈地聲、風吹過的聲，都很分明，不像之前會混雜在一起。

無所事事的小松，坐在小食部附近，吃著一串串的燒賣，舒坐在電風扇之下。

「年年佢哋都會參加學校露營，呢個係我哋女童軍之間嘅約定，每年七月我總係好期待～」小松無意說起。

又live

「你約定咗邊一個會嚟？」最近天氣太熱，要叫小松買幾包冰袋放進書包裡。

「無啊，但我提咗佢哋記住嚟。」小松抿嘴。

「咁邊個叫你返嚟？」

「女童軍負責嘅Miss Wong～每年七月，佢同學校申請完，批准我哋喺到過夜，佢就會喺群組通知我哋。」

「Hi‧‧‧！小松？你同緊邊個講嘢‧‧‧？」忽然，有個男生從後出現。

是阿楊，跳舞那個、卡文喜歡那個、手機被我偷走那個。

「係‧‧‧係你啊？哈哈哈‧‧‧‧‧‧」小松顯然有些尷尬，基於身體之前被卡文使用：「阿楊啊嘛？跳舞嗰位啊嘛？」

「你似變咗唔識我咁嘅。」阿楊語氣帶笑無奈，坐到小松對面。

所以個肥婆係咪已經落咗地獄

「其～～～！其實一向都唔識你嫁喇，係唔知點解，之前會識咗你啫。」小松說得十分混亂：「總‧‧‧總之，你唔好誤會太多啦！」

「喔‧‧‧我冇諗多咗，唔洗擔心。」阿楊說。

「咁就好。」小松主動跟他握手，面帶微笑：「不過！可以同你做個朋友嘅。」

「係呢，你今日返嚟做咩？」阿楊也不再糾結，前些星期的事了。

「校內露營啊。」

「哇‧‧‧‧‧‧聽落都刺激。」阿楊喝口蜜瓜奶。

「係呀，出面恐恐怖怖，你就同朋友匿喺一個小帳篷入面，嗰種感覺超正！大家好似連埋一齊咁。」

「不過呢，我最近睇Facebook page講，學校有好多都市傳說。」阿楊說中了，她喜歡的主題。

「你都有追啊？幾多怪談囉，一間學校仔邊塞到咁多妖魔鬼怪啊，哈哈哈哈‧‧‧‧‧‧」小松爽朗地暢笑。

「一般女仔都會好驚，你好似唔會。」阿楊帶著賞識的眼神。

「無咩好驚啊，細細個就聽慣～」小松邊走去買個冰菠蘿，邊說：「我最鐘意聽，睇就考慮吓，不過睇到我都唔驚。」

「你鬼都見過？」阿楊笑問。

「唔知算唔算呢？我諗係呱。」小松的冰菠蘿只咬到一半，思考期間在她嘴中的半塊極速揮發冰力，讓小松嘴巴顫抖抖的，十分好笑。

「哈哈哈哈哈。」阿楊沒好氣地笑：「我覺得你好笑過以前，你之前淨係會講食乜食咩買咩之類。」

「有興趣嘅女仔，係咪特別吸引呢？」小松忽然自傲地，舉槍形手勢在下鄂。

「唔‧‧‧」阿楊點頭：「原來你都幾傾得。」

隻羊唔似狗公

見小松和阿楊你一言我一語，兩個聊得不易樂乎，使我完全沒有睡覺的機會。

於是乎，我就自己偷溜到公園外面，去這片被小孩遺棄的清靜之地，好好休息。

貓的一天，有四分之三的都是假睡，即是我現在這樣子。看似收起手腳，坐在地上，並合上了眼皮，實際上只是在打盹。

那個鞦韆吧，是我的最愛。

雖然一搖一搖的，但這感覺好舒坦，就像有誰在哄我入睡一樣。而且鞦韆下的沙地，很方便我如廁。

「嗒」驀地，旁邊鞦韆坐了個人。

我張眼望去，又是假道學。

「又跟蹤我？」我對他的出現，經已不再見怪。

小葵幾時變人

「跟蹤你有咩用。」他反問。

今天的他，如以往一樣，被髮蔭掩蓋以至看不見的眼，還有那瘦削的嘴面。

「你叫，葵？」他不確地問。

「‧‧‧‧‧‧」我沒理會他。

「上次叫你搵屋企，有冇搵過。」

「冇～咁大，都唔知搵咩。」我眼神有點不屑：「喝喂～你唔好故弄玄虛咁，好討厭。」

「‧‧‧」

「惡魔貓，魔偶師，呢兩個名你有冇聽過。」我為小松打探情報。

「就一隻鐘意附身喺黑貓嘅惡魔，同一個終於收集人類肉體做玩偶嘅惡魔。」假道學仙人，說。

惡魔貓 小葵

個外貌形容咁似小松相入面個個

阿楊