「喂。」假小松回應。
小松聽到屬於自己的聲音,馬上更冒三把火:「我個身體、我把聲‧‧‧‧‧‧!」
「卡文,你冇事啊嘛?」假小松卻回應。
「仲裝神騙鬼,個玩偶交返出嚟呀。」
「都唔知你講咩。」
「收皮啦!」小松很用力拍打床單,算是洩憤的一種?
「哈哈哈,你唔好太嬲喇,係你自己願意將身體交換俾我。」假小松忍不住笑聲了。
「你唔好亂做任何事啊!!!」
「原本我今日會同學長喺長洲過夜,可惜個死蠢‧‧‧講咩媽咪唔俾過夜、我哋仲細,之類嘅說話我聽,我唯有今晚送上門啦。」假小松說。
「咩話!!人哋都拒絕你,你仲要‧‧‧‧‧‧」
「原來呢,愛情嘅感覺係咁正!」假小松語氣有些偏執:「可以同鐘意嘅人拖手、行街、食嘢,係好開心嘅事‧‧‧‧‧‧換轉係我以前嘅身體,一定做唔到!一定!」