【魔偶師】《小松奇妙物語！》（３）

「喂。」假小松回應。

小松聽到屬於自己的聲音，馬上更冒三把火：「我個身體、我把聲‧‧‧‧‧‧！」

「卡文，你冇事啊嘛？」假小松卻回應。

「仲裝神騙鬼，個玩偶交返出嚟呀。」

「都唔知你講咩。」

「收皮啦！」小松很用力拍打床單，算是洩憤的一種？

「哈哈哈，你唔好太嬲喇，係你自己願意將身體交換俾我。」假小松忍不住笑聲了。

「你唔好亂做任何事啊！！！」

「原本我今日會同學長喺長洲過夜，可惜個死蠢‧‧‧講咩媽咪唔俾過夜、我哋仲細，之類嘅說話我聽，我唯有今晚送上門啦。」假小松說。

「咩話！！人哋都拒絕你，你仲要‧‧‧‧‧‧」

「原來呢，愛情嘅感覺係咁正！」假小松語氣有些偏執：「可以同鐘意嘅人拖手、行街、食嘢，係好開心嘅事‧‧‧‧‧‧換轉係我以前嘅身體，一定做唔到！一定！」

「你減咗你個三層肥肚腩咪做到囉！！」小松激動非常。

「咩話？仲要串我？得啦，今晚我一定上去學長屋企，等我幫你身體開苞，哈哈哈哈哈。」說畢，假小松便收線。

「‧‧‧‧‧‧」餘下小松，呆若木雞的拿著手機，聆聽掛線的聲音。

「小松‧‧‧」我想安慰她，但什麼都說不出。

小松再看看手機，繼續觀看那名學長的動態，看到一張他們在船上，準備搭返市區的自拍照，文字內容如下：

「可惜，今日要四點半要返學校排舞，如果唔係下次玩耐啲！今日好開心！」

「原來要排舞，難怪會返嚟。」我邊說邊觀察小松。

「小葵‧‧‧」小松輕揉眼睛，目光紅潤：「我哋去學校先，睇吓遇唔遇到佢哋。」

接著，小松便走進洗手間。

我希望自己看錯，小松不是在哭。

良久，她換好那套大碼版校服，就腳步沉沉地往學校出發。她的笑容，沒再能牽動路人，腳步亦無法像從此輕盈，只低落的心情。

返校後，已是三點半。

小松依舊讓我在校外等候，如果在外面遇到假小松或學長，就暫時將他們跟住。

於是乎，我便開始坐在門外靜候，留意經過學校的每一個人。至於小松，她則進了校內，在裡面等待那名學長回來排舞。

我好想殺咗假小松

咁樣對小松 一定要賜死個肥婆卡文

出現在校外的每個相貌，我都十分留意。

包括，即將經過校閘的假道學仙人。

「喂！」我馬上飛撲到他身上，卻只找得住手臂。

「唔？」他舉起那隻手，觀看我。

我就像隻樹熊一樣，倒掛在他的手上。

「你要幫我哋！小松俾人用「玩偶轉移法」，交換咗身體。」我說。

他一如既往，被厚捲的髮蔭掩蓋住眼部，擺出一張淡淡的表情。

「每次我哋要幫手個陣，你都會出現‧‧‧‧‧‧證明我哋幾有緣。」我補充一句，希望他真的會覺得我們有緣而幫忙。

高人不是都這樣子嗎？

「呢啲小事，小松自己一個就搞得掂。」假道學仙人卻說。

可唔可以幫葵變做人

加速

呢個魔偶師係咪同十少年2個魔偶師同一個？

btw冇睇十少年2嘅快啲去睇

應該係 墨巴d故好多伏線 但十少年2無提過佢係惡魔
我只係想知魔偶師帶咗彤彤去邊

啱啱睇多咗次十少年2，最後妻書好想喊

Live

我要殺死卡文而個仆街

live

卡文呢個仆街

請墨兄賜死

仲有冇

支持賜死肥婆卡文就正評
反對就負評啦

本席宣布 38票贊成 0票反對
犯人肥婆卡文即時處死

0負皮

負皮王都負皮唔落

證明肥婆真係黑人憎
btw最後一定扮死狗求小松原諒