如果襯衫係帶黎視覺上嘅享受；噴香水就係帶黎嗅覺上嘅盛宴。
一個真男人應該要視覺、嗅覺、聽覺三方面都帶比人十分好嘅印象。當然你仍然可以堅決唔噴香水，阻唔到你
以下係我擁有中、擁有過、聞過嘅香水，有啲好值得推薦，有啲好伏，大家可以參詳下（我只係一個香水痴，並非專業人士）：
第一，chanel - bleu de chanel系列
講男香就一定講起bleu。被籲為男香裡面其中之一最香嘅香水。四季佳宜，任何場合噴都適合，每次當我諗唔到噴邊枝嘅時候就噴佢。
圖中有三枝，edt、edp同perfum版。好多人以為edp只係edt嘅持久濃郁版，其實唔止，edp甚至係建基於edt去改良佢嘅頭、中、基調。
我個人最推薦edp版，比edt版香、持久。比perfum版平。
清新得黎又成熟內斂
第二，Dior - dior sauvage 系列
有bleu就有sauvage ，既生瑜 何生亮嘅概念。同bleu一樣都係四季不限場合嘅香水。
然而我有最右邊嘅very cool spray，擴散度太強，唔適合香港嘅夏天。但係中間嘅edp冇呢個問題
比人一種好性感、孤高、冷淡、成熟嘅感覺。龍涎香嘅香味令呢枝香水非常特別
第三，Chanel - Allure Homme Sport
我心目中春夏、健身、著背心時嘅首選。比人一種好自然、清新嘅感覺。16、7歲嘅𡃁仔都能駕馭嘅香水。
但係冬天顯得好淡好弱
第四，Hugo Boss - Boss bottled intense edp
我個人幾中意boss bottled系列嘅香水，當中最中意就係intense edp（比較罕有）。intense edt版比較常見，亦比較平，味道差別唔大。
唔適合夏天，春秋冬都可以。好香，好性感，我最中意嘅香水之一。
如果有預算限制，可以買佢嘅阿爺-boss bottled，香水界嘅經典之作。卓悅賣好平
第五，Giorgio Armani - Acqua di Gio Profumo Giorgio Armani
春夏嘅香水，海洋嘅感覺。Incense味同佛手柑嘅味好突出。但係我冇買，因為論incense 的話，bleu de Chanel 係更好嘅選擇
第六，Tous - Man sport
春夏嘅香水，而且賣好平。
頭調係好明顯嘅檸檬味，好fresh。基調就變做木質味，我個人黎講唔中意呢個咁大嘅變化。
同埋被Chanel allure homme sport 比下去
第七，法拉利
Pierce of shit
第八，Montblanc - Legend系列
乜香水能夠形容成熟、有膊頭嘅男人？Montblanc Legend就係佢嘅代名詞。成熟內斂、超級man。冇咁上下年紀真係carry唔起。
但係呢枝香水有兩個缺點：頭十幾二十分鐘會有啲刺鼻、持久力勁差。
隔離嘅intense持久力會好少少，但就冇咁man
第九，Montblanc - individuel
適合春秋冬。我目前有過最持久嘅香水，閒閒地都last到8個小時以上。
甜、花香、果香。聞落去舒服，適合係辦公室、學校噴。
第十，Paco Rabanne - 1 Million
落club最佳香水。唔落club嘅時候千奇唔好噴！！！
上面都係我比較有深印象嘅香水，歡迎係下面交流
繼續討論
