尼馬故外傳之香港殺入世界盃

有無留意邊個香港球員？

希望唔好姐

港超我淨係睇元朗
但我覺得大埔個班後生仔都幾勁
對瑞士國有d期望，希望佢可以繼續打上去

禾果~~呢個名真係好正

卓耀國 永遠都存在

日本

有冇人踢恆大

推

梁sir今晚有冇文呀

運動需要有資源，先有機會出到一個半個冠軍
但係香港所有運動都係一盤生意
要香港政府投資香港足球，你要有成績，但係無資源，又點會有成績？冇成績就唔會有資源，一直無限loop落去，最根本既問題就係香港政府甚至香港社會都唔想香港既運動有出頭既一日。

我想睇埋英格蘭先

唔好意思，聽日一定有

嚟緊兩日冇波睇好空虛
等睇文

大部份球會管理層同足總管理層都仲係業餘心態

失禮d講
香港同大陸其實有共通點
就係咩都向錢看
好似尋日日本場波咁
唔記得discuss定yahoo有個on9仔話
「日本贏到比利時又點，都冇可能贏到冠軍架啦」
以為佢夠on9 la
點知有另一個人覆佢
「入左八強獎金多d」
係呢d人眼中，搞運動從來都只係因為錢

運動需要有資源，先有機會出到一個半個冠軍
但係香港所有運動都係一盤生意
要香港政府投資香港足球，你要有成績，但係無資源，又點會有成績？冇成績就唔會有資源，一直無限loop落去，最根本既問題就係香港政府甚至香港社會都唔想香港既運動有出頭既一日。

失禮d講
香港同大陸其實有共通點
就係咩都向錢看
好似尋日日本場波咁
唔記得discuss定yahoo有個on9仔話
「日本贏到比利時又點，都冇可能贏到冠軍架啦」
以為佢夠on9 la
點知有另一個人覆佢
「入左八強獎金多d」
係呢d人眼中，搞運動從來都只係因為錢

但呢d人從來都無諗過搞運動都真係可以賺到好多錢

岩
但香港足球實在落後太多
得到回報之前一定要有大量投入
香港政府肯投資先算

推

智智
下年先再入黎追故

第十一章

橫濱水手的主球場位於橫濱公園旁的日本國際體育場。這裡充滿著歷史氣味，上演過2002年日韓世界盃決賽，朗拿度﹑朗拿甸度等殿堂級巨星曾在這裡高舉大力神盃。而每逢日職比賽日，場內場外均看到熱情的球迷，氣氛不下於英超西甲。

我和數名友人帶著德仔媽媽來到球場中區五星級價格的座位，這裡有著最清晰觀賞球賽的角度。

接近開賽時間，場內氣氛開始高漲。



「陣間德仔會先坐係球場邊，個度係主隊後備席﹑呢邊係客隊……」我指劃著球場各處設施，跟德仔媽媽解釋。
「一般而言，後備球員既入替時間，大概會係下半場中段。」
「佢下半場先落場？」
「領隊會按照球賽形勢擬定換人策略，我都唔知佢會幾時出場架。」我笑道。



德仔媽媽滿心期待，遙望依然空著的後備席，急不及待見證兒子穿上藍色戰衣，踏出新階段的一刻。以往曾數次到球場看兒子踢球，但斧山道運動場的氣勢，怎能及得上日本國際體育場的萬一？縱使不懂足球，她亦明白兒子在這裡出場比賽，是一件多麼令人自豪的事。

終於，兩隊球員在打氣聲中步出球場。



「妳睇下……德仔係個度呀！」
「係呀，我見到！」



德仔一貫的木無表情，與其他後備球員一樣穿著衛衣及龜背，冉冉走到後備席坐下。看似鎮定，但我知道他內心十分緊張。

然而他再緊張，亦不及首次來日本替他打氣的母親。德仔媽媽不斷揮動著橫濱水手的旗幟，與其餘萬名球迷一同吶喊。球迷們叫的是Yokohama和其他日語打氣詞，德仔媽媽叫的只有兒子的名字：


「仔，仔呀！梁令德！呢度呀！ 」



賽前，我已告訴德仔座位的位置，他清楚的見到我們，微微點頭回應。現場聲量震天，當然聽不到媽媽說些什麼，但見她親自來為自己打氣，精神亦為之一抖。

「3つ、2つ、1つ！試合を始めましょう！」


嗶！


客軍新潟天鵝甫一開球，便大腳吊前，開始進攻。


「橫濱隊係藍衫左攻右﹑新潟隊係白衫右攻左……」我怕德仔媽媽看不懂，又跟她解釋。
「呢個我識睇。」德仔媽媽笑說。
「為左德仔，我會學識睇足球比賽。」
「佢真係一個幸福既年輕人，有妳咁支持佢夢想。」我由衷地道。
「我俾唔到一個完整家庭佢……佢鍾意做咩都好，我都唯有支持佢。」


德仔跟母親情深至此，我不禁想起年少時曾因為足球與家人鬧翻……幸好我當時懸崖勒馬，說服家人支持我繼續在澳洲踢球，才有今天的結果。

說回球賽，賽前被看高一線的主隊橫濱水手，今仗面對新潟天鵝的突襲有點反應不來……十三分鐘，被客軍中鋒頂入一球，0－1落後。



「哎呀！」德仔媽媽見兒子的球隊落後，掩面叫喊。



我還未開口，身後的友人已出聲安慰：
「唔驚呀媽媽，橫濱落後一球，更加要換入前鋒……係德仔既機會呀！」
「真係？」德仔媽媽問。

我道：
「正常情況係咁，但依家仲係比賽好早階段。」



接下來上半場的形勢頗為簡單，大夢初醒的橫濱水手開始策劃反擊，但戰術得手的新潟天鵝顯然早有下一步的部署，實行「鐵鎖橫江」的防守戰術，狠狠釘死主隊的進攻鑰匙。



「Gary，呢招咪當年曼聯領隊『史屁蘇溫』既泊大巴戰術？」
「上半場廿幾分鐘喳，咁快泊大巴？」另一友人道。
「實力稍遜……就要盡一切方法消耗對方，咁做冇錯，差在天鵝隊有否足夠既團隊紀律去維持呢招『鐵鎖橫江』。」我道。
「師承『史屁蘇溫』，天鵝領隊洛迪高果然有料到。」我心道。



與客軍相比，橫濱水手人腳明顯佔上風，正選陣容包括六名日本國腳﹑巴西外援戴利素﹑史提芬斯等，通通是日本職業聯賽的高質球星。此刻面對天鵝隊的大巴陣，卻顯得一籌莫展。眨眼間，上半場便完結。



嗶～嗶～嗶～～～



橫濱水手0－1新潟天鵝 HT

「前半は、スコアライン横浜は、新潟ワン！」



「掂呀！德仔媽媽，咁落去德仔一定有得落場。」友人道。
「佢幾時會落場？」
「六十分鐘到啦，平時d英超領隊都係咁上下換前鋒入黎！」



友人是球迷，卻是「吹水精」一名，平時他看球賽已習慣雞啄不斷的發表偉論，我急忙白了他一眼。



「德仔今日出唔出場，要睇領隊既指示。」我解釋。
「你覺得佢今日有機會嗎？」德仔媽媽問。
「我唔肯定，不過我相信只要佢有機會，一定會全力以赴。」



忽然「帶頭盔」，是由於我在想……會否連我自己亦對德仔出戰一事抱太大希望？事實上，一個加盟不到兩星期的新人，第一仗通常只會感受一下比賽氣氛，未必會被委派上陣。




嗶！

十五分鐘過去，下半場比賽展開。

第十二章

噠噠噠……



「天鵝既防禦網愈收愈緊，橫濱踢起上來，比上半場更加冇章法…」


友人所說的，正是球場內的戰況。


「要搵一個有突破能力既攻擊手入替﹑換走今場碌碌無為既右翼……換個模式進攻，先有機會反敗為勝。」我道。
「冇錯，已經過左十五分鐘，再不㩒掣，更待何時？」


身旁的德仔媽媽不懂足球戰術，只是一直期待著兒子出場。

不能否認，橫濱領隊華盛頓今場比賽作風較為保守，或許是由於上星期作客大阪櫻花，領先兩球下被追平之故……到了第67分鐘，才作出第一個換人調動。



「横浜が最初の動きをした……」



我們聽不懂日語，但看見場邊第四球證舉牌，當然知道是換人調動。正如友人所言，率先被收起的是表現沉寂的右翼大塚平和，由中場自由人旭川真都夫入替。

又過了一會……




「横浜、2回目の代打を行う……」


第78分鐘，橫濱作出第二次換人。這次，換出的是左後街井上真泰，換入翼衛曉高山齊士。

每次橫濱有換人舉動，我們和德仔媽媽均滿心期待，在場披著藍色球衣﹑站在第四球證旁的會是德仔。然而，卻換來一次又一次失望。

老實說，因為德仔的關係，香港最近多了不少橫濱水手的「球迷」。我知道，這些「球迷」某程度上跟我心態相似，其實不太在乎水手的戰績，留意的只是德仔會否落場﹑會否取得助攻什至入球……若然第一步已未能成真，比賽結果根本不叫人關心。

而對於德仔媽媽而言，不懂足球的她什至不在乎兒子落場表現如何。她只是希望見證他夢想達成的一刻。

可惜的是，這個下午，這個願望無法達成。