尼馬故外傳之香港殺入世界盃

仲戴住戒指果到

睇呢場波入2:0嗰陣我地宿舍嗌到痴咗線😂

推

陣間有文

第二十四章

秋去冬來，踏入十一月份，各地聯賽進行得如火如荼，直至三月份才有國際賽事。

三名外流的香港小將發展各異。先說最早登陸日本的德仔，在領隊華盛頓的調教下愈戰愈勇，已由後備殺手「晉升」為介乎正選與後備之間的重要射手。截至十二月份的歇冬期，已取得四個日職入球﹑兩個天皇盃入球，成績比預期中好。

澳洲方面，戴利萊爾所言非虛，師承白賴仁謝菲斯的他施行鐵碗政策，成為另一位享負盛名的「魔鬼教練」，光仔在他麾下「身受其害」。據說，西悉尼隊每星期有兩天的「跑山」訓練，有如地獄式的歷時一百二十分鐘，可謂苦不堪言。然而，在高強度體能訓練下，光仔自覺體質大有長進，聯賽亦得到不俗的後備上陣機會。

相比二人，自信最強的發仔劉尚發卻遭遇屏頸。直至歇冬也未嘗於聯賽上陣，只曾在杯賽後備入替。幸好樂觀的他並沒有因此而抱怨，繼續努力地鍛鍊自己，等待機會到來。

三名二十歲不到的新星先後登陸國外，被香港傳媒冠以「外流三劍俠」之名，被視為香港能否打入世界盃的關鍵人物……








時光飛逝，一月中旬之後，外地聯賽歇冬後重開，領隊積甸拿克又要積極準備下一輪外圍賽的兩場關鍵賽事：作客對卡塔爾及主場對黎巴嫩，分別於三月頭的五日內進行。

位於跑馬地的香港足球總會總部，這天召開教練團會議，商討接連兩場比賽的策略。



「黎緊兩場比賽，我地唔會改變踢法，」積甸拿克道。
「之前阿曼打得咁辛苦，係由於我地唔適應控球在腳既踢法……恰好黎緊既對手都係主攻型球隊，我軍應該沿用之前既防反策略，以擊敗中國既方程式應戰。」
「我有保留。」說話的，是香港足總總監。
「我地要出線，分數依然不足夠……坐一望三既態度，太保守了。」
「對手用波能力比我們強，如果唔打防反，恐怕得不償失。」教練團另一人提出意見。
「你要知道，如果黎緊兩場比賽贏唔到，同時中國又贏既話，我地就會被放甩。」總監說。


「亞洲一哥」日本在此組實力超群，首名晉身世界盃只是時間問題，各人早已將假想敵確立為暫排次席的中國隊。

「冇錯，但你記得五年前既亞洲盃嗎？」積甸拿克道。
「港隊相隔七十五年打入亞洲盃決賽周，將目標定為小組出線……頭兩場一和一負，最後一仗對手係實力較弱既印尼。我記得，當時賽前大部份人都認為應該狂攻，大炒對手爭取較佳得失球…結果係點？」


總監嘆了口氣，猜到他的用意。


「我知你想講咩。當年既港隊冇能力主攻，最後踢到毫無隊型，被對手尾段反擊連入兩球，輸0－2出局。」
「你記得就好，難道歷史遺留左教訓，我地仲要重蹈覆徹？」
「五年後既呢支香港隊，難道依然冇主攻既能力？」總監堅持。
「我係領隊，我好清楚球隊既特性。」積甸拿克道。
「一定要知己知彼﹑腳踏實地，否則只會得不償失。」
「ok，你係領隊，你決定吧。」總監沒好氣。
「好，呢個議程完結，仲有其他事嗎？」
「唉……」


總監忽然面有難色，眾人不惑。


積甸拿克道：
「大家自己人，有咩不妨直言，有唔同意見可以討論。」



他只道總監仍然為自己不採納其意見而介懷，得到的回覆卻是另一回事。


「今日呢個會議，其實仲有一件事，想同大家討論下。」總監頓了一頓，又道。
「咩事？」
「先至聲明……呢個只係江湖傳聞。我收到風，近來係香港既政治風波，或者會牽連到我地足球隊既命運。」




2037年，距離「五十年不變」的政治承諾還有十年時間，香港地人心惶惶，眼見社會愈來愈多聲音偏向北京﹑中國政府亦步亦趨的扼殺本土文化……十年之後會發生什麼事，實在想也不敢想。

踏入所謂「安全線」的最後十年，社會近來的衝突無日無之，本土團體以各種抗爭，希望挽救香港的命運；與此同時，警方的鎮壓底線愈來愈低，有如2015年魚蛋革命般的流血事件經常發生，支持「國安法」﹑「一國一制」的親中團體遂大條道理的，提議提早結束「五十年不變」的政治時代。

然而，就連這些團體經常掛在口邊﹑「應同政治分割」的體育運動，或許即將成為角力的犧牲品。

「你講咩話？」積甸拿克雖然是澳洲人，但身為港隊領隊，對政治事件亦有感受。
「傳聞話……若果『五十年不變』提早結束，中國政府或會去信FIFA，取消香港足球隊參加國際賽事既資格。」
「what the fuck！」



一息間，整個會議室都是憤怒的粗言穢語，教練團不論是華裔或是外藉成員，均氣得破口大罵。



「呢個時侯搞小動作，司馬昭之心路人皆見啦！」
「冇錯，如今小組次名既出線資格，不出我地同中國隊……佢地想用政治理由取消我地比賽資格，有冇咁無恥呀！」
「大家……冷靜d。」總監道。
「只係傳聞，未經證實的。」
「我當然希望傳聞係假，但呢種事，中國絕對做得出……」一名教練嘆氣。
「冇錯，況且近來『一國一制』既講法愈來愈響，佢地利用國安法介入體育賽事從中獲利，絕對唔出奇。」



總監嘆了口氣，道：
「當此形勢，唯有靜觀其變。希望大家可以將呢件事保密，依家香港已經夠混亂，傳聞一出，我怕……」
「唔洗怕，呢個故事遲早會傳出去。」說話的，是港隊體育顧問。
「？」


他頓了一頓，說：
「我收到另一個消息，有傳香港體委榮譽委員梁孔德，已經贊成將香港足球隊同中國足球隊合而為一……」
「屌你老味！」



整個會議室的怒火，再一次提升至極點。

第二十五章


「屌你老味！ 」


作為資深成員，我比其他港隊球員早一步得悉這個傳言。雖然未得以證實，但已足夠令我火冒三丈。這四字真言，也是我的即時反應。

我和那位體育顧問的看法是一樣的，以香港一個政治氣氛如此敏感的城市，事件遲早會成為話題。

然而，我卻沒有料到，對方手段如此高明﹑如此骯髒。

這個傳言，在我們對戰卡塔爾前的一星期，開始在社會中散播開去。







「我本人呢，就唔知呢個傳聞是真是假，不過……」



作為前足總前席﹑現今體委榮譽委員，梁孔德自然獲邀發表意見。



「近年大家都見到，每逢香港隊比賽，球迷都會喺國歌環節大喝倒采……咁樣對於維持社會和諧，絕對唔係一件好事。中港兩地足球隊既合併，或者會係消除矛盾既一個方法。」
「但世界盃外圍賽進行得如火如荼，咁樣安排會否不恰當？賽事已進行一半，你認為呢件事有可能發生嗎？」
「凡事兩睇啦…… 我相信中港兩地球迷都唔會介意呢個階段合併。」
「其實呢，梁生……依家傳言係話要『取消』香港既國際資格，並唔係『合併』。」
「點解唔係『合併』？有資格代表香港隊既球員，一樣有資格代表中國國家隊，大家都係中國人呀嘛，哈哈……」
「對香港足球員黎講，咁樣會否唔公平？」
「大家睇下積分榜，中國同香港分別排係二﹑三位。換言之，『合併』與否，都一定有中國人參與世界盃賽事……如果可以藉『合併』一事同時解決社會矛盾，豈不美哉？」
「…………」




這樣的無恥之言，出自一名香港的體委之口，簡直荒天下之大謬。然而，在中共的世界，再荒謬的事情，也有發生的可能。

不出所料，傳聞一出，社會的迥響一發不可收拾。港隊出戰的前一個星期，足球隊的命運成為全城熱話，給予隊中年輕球員無比的壓力。

有見及此，積甸拿克領隊決定沿用上一輪的策略，帶領大軍提早四日到達卡塔爾備戰，藉此避開香港的是非之地。



「近來社會發生咩事，相信大家都知道。」


到埗笠日，領隊在操練之前，率先向隊員派發定魂丹。


「老實咁講，教左咁多年波，我都係第一次面對呢種咁荒謬既傳言……球隊前途未仆，作為運動員既我地身不由己，大家感到迷惘，我係明白的。我只係希望大家認清一件事。」


領隊頓了一頓，放聲的道：
「呢件事有兩個意義：第一，我地香港隊勢如破竹，連強大既敵人都被嚇怕，需要使用其他手段打擊我地；第二，敵人只係虛張聲勢，FIFA一定唔會受理！」

「冇錯！」我亦站起身來。
「大家諗下，外圍賽進行左一半，點會喺呢個時侯取消一支球隊既比賽資格？咁荒謬既事，點會喺文明世界發生？大家話係咪？」
「又好似係喎……」
「好合理，FIFA冇理由容許呢d野發生……」



自傳聞一出，隊中的年輕隊員均有前路茫茫之感，我只好嘗試以道理安撫。

事實上，我知道FIFA也不是什麼乾手淨腳的團體，2022年世界盃主辦權落在我們正身處的卡塔爾手上，已是一證。財雄勢大的中國出手，沒有什麼不可能發生的事。



我繼續道：
「第二個意義就係……敵人種種手段，只會激發起我地既意志﹑加強我地既戰鬥力！要證明俾佢地睇，就算你用任何手段，我地都唔會怕！一於親手將參賽資格搶過來！」
「……冇錯，佢地手段咁骯髒，我地絕對唔可以俾佢得逞！」
「一於打巢佢地！」
「上呀！」



我和積甸拿克領隊對望一下，各自吁了口氣。人心惶惶的士氣瞬即變成壯志雄心，這種敵慨同仇的team talk，看似十分成功。

隨後數天，大伙積極訓練，主要的功課是練習防禦對方的短傳組織及提高反擊速度。領隊不斷播放半年前擊敗中國一役的各種片段，鼓勵隊員複製當晚的踢法之餘，亦想借助中國隊來提升球員的戰意。

到了比賽日，來到豪華的卡塔爾國家體育場，球隊士氣似乎回復了十足，上下一心希望將三分帶回香港，繼續窮追前列。



噠噠噠……



然而，我們還是低估了那個傳聞對球隊士氣的影響。




「喝！」



下半場中段，戰局看似勢均力敵，但卡塔爾心態明顯較積極，不斷以細膩技術進襲我軍。香港隊行軍速度較高，但受製於對方嚴密的壓搶，未能如願的製造威脅。

直至七十一分鐘，對方一下改變踢法，於K角位置突然一下傳中…



「小心呀！」
「大鑊……」



港隊兩名守衛明顯未料到對手會突然放高波，稍一不留神之下，走空了卡塔爾的中鋒……


啪！


「gol！ 」




卡塔爾取得進球，主場球迷興奮無比，我軍猶如一盤冷水照頭淋。

往後時間，積甸拿克嘗試換人㩒掣，球隊看起來卻沒有死而後已的決心，尾段完全「谷不起」……





嗶～嗶～嗶～～

卡塔爾1－0香港 FT



終於，我軍以一球落敗，爭取出線受到嚴峻打擊。


－－－－－－－－－－－－－－－－－－－－－－－－－－－－－－－－－－


待續。

新讀者留名
半夜直接追到live
想知弱智屎忽係咩典故

屌你老尾 203x年梁孔德仲未死

推

梁匪孔德

梗係祝佢長命百歲身敗名裂

真

推

推

新讀者留名先
哩幾日追番前嗰幾個season
不過去到season4好似有啲亂
樓主可唔可以post番啲link出嚟?

可以，上返舊登有齊link
返去post返上黎

Btw巴打覺得season 4點亂法？

如果冇睇錯好似有兩個season4?
邊個先係真?
其實我係搵唔到link先上嚟

第一個version 樓主覺得太唔make sense 寫左第二個version，呢個先係final version(應該係)
https://m.hkgolden.com/view.aspx?message=5915878&page=1

留名, 5年後再睇