突破防線搶到梁孔德身邊的，正是德仔。
「冇錯，答話！答話！」
「唔交代清楚你唔洗止意走呀！」
平時溫文爾雅的德仔兇神惡煞直視梁孔德，隊友們紛紛走上前支援。
「你……」梁孔德望著神威凜凜的德仔，心中登時一怯。
「答話！」
「其實呢，我就不嬲好支持香港既運動員既……」
「支持香港運動員？咁你點解要出賣Gary俾中國？」
「千祈唔好咁講，咁多年我都盡心盡心幫助香港足球，呢樣野有目共睹……」
「仲係度遊花園！食屎啦你！」
「年輕人﹑年輕人，冷靜d先大家……」
眼見梁孔德毫無歉意，不斷為自己找藉口，德仔終於按耐不住，雙手揪住對方衣領：
「我同你個名只係差一個字，簡直係平生恥辱！
」他棄足用手，施展出一招「排雲掌」，一把推往梁孔德心口。
「哎喲！！」
德仔只想渲洩不滿，這一掌未有運勁，只是將對方推後了幾步，沒有造成傷害…但梁孔德年近八旬，滿步躝跚，惶恐之下踏錯腳步，整個人跌倒在地。
「喂，停手！！」
「有冇搞錯！」
一下殺豬般的叫聲，教練們出力拉開德仔，一眾體委出言指責。接下來，球員及高層馬上被分隔開兩邊，助手扶著「受傷」的梁孔德離開訓練場；積甸拿克及教練團大聲喝止球員繼續追趕，才將場面稍稍降溫。一場「犒賞三軍」表演，以鬧劇告終。
然而，德仔「排雲掌」襲擊梁孔德的一幕，卻讓在場的隨行記者給拍了下來。
笠日，各大報章紛紛以此作頭條新聞。
」
」
