尼馬故外傳之香港殺入世界盃

冰島係世界盃迫和阿根廷後
連日來見到好多球迷追捧呢隊波
又呻點解人口多過冰島二十倍既香港
足球發展依然停滯不前
想打入世界盃，連車尾燈都見唔到

個人認為，拎冰島同香港比真係冇意思
如果人口都可以作為足球水平既根據
中國同印度呢兩個所謂既「大國」應該最先汗顏
其實運動發展
最重要係有長遠既視野
第一步就係向外國偷師
好似日本當年咁，將足球員自少送到巴西接受訓練
慢慢聚積經驗及技術
再將之帶返香港
咁先可以逐步逐步拉近同亞洲列強既差距
冇錯
係亞洲列強
講到世界盃咁遠
不如嘗試追近日韓澳﹑什至卡塔爾﹑黎巴嫩等亞洲二線球隊先
腳踏實地
認清自己既路
先可以重振香港足球

而第二步，就係球迷

其一，要香港政府重視足球發展，欠既係一個理由﹑一個時機
如果香港球迷唔好將注意力放晒係外國聯賽
多d留意本地波
唔好成日講咩「咁廢搵鬼睇」「香港足球垃撚圾」既無知之言
當本地聯賽成為日常話題之一
政府亦有可能加強對本地足球既支援（我知咁諗可能好天真）

其二，正如「足球說故事」作者贊師父所言
香港球迷做唔做到「贏，與你君臨天下；輸，陪你東山再起」
而唔係打和中國就走出黎大嗌We are Hong Kong
輸一兩場就話「香港足球係咁廢架啦」
如果有朝一日，無論香港隊贏或輸﹑順境抑或劣勢
香港球迷依然可以坐爆大球場﹑依然可以好自豪咁支持球隊
或者，當呢一日來臨既時侯，我地先有資格談夢想

Facebook見到一條片
葉鴻輝同歐陽耀沖幻想香港隊打入世界盃
並寄語下一代可以將幻想變成現實
我都好期待呢一日既來臨
無論要等幾多個四年之後
有一日，如果香港真係殺入世界盃
我地既城市一定會好哄動

希望呢個故事
會有成真既一日。

第一章


2035年夏天。

足球，是香港最普及的運動，但其本地聯賽及代表隊的受注目程度，卻遠遠不及英超﹑歐聯等外國足球賽事。

這個原因，被視為多年來香港足球停滯不前的遠因。

直至「風之子」取得的國際成就，才喚起香港人對本地足球發展的關注。多年來，香港足球象徵身在國外，心在本港，大力發展本地青訓不遺餘力。

改革，近年亦漸見成效。香港隊五年前打入亞洲盃決賽週，是階段性勝利的第一步。而這三四年間，球圈亦生產出一批足球小將，蠢蠢欲動的希望超越前輩五年前的成就。

由於競技水平提高，連帶聯賽入座率亦上升。植根地區的球會如元朗﹑沙田﹑大埔﹑南區﹑黃大仙等近年皆在頂級聯賽站穩陣腳，帶來了豐富的球迷基礎。以黃大仙隊為例，本季平均錄得2000人的入座率，大部份賽事均坐無虛席，逐漸重現七八十年代本地足球的盛況。

樂富好運茶餐廳今晚十分熱鬧，包了兩枱觀看西甲直播的，是黃大仙足球隊的青年軍球員。



「風之子一個抑身，擺脫對方左後防，一下急勁傳中，由中鋒拿華斯撞入！貝迪斯領先2:0!」



「好野！又一個助攻，不枉我地一齊踢過波呀！『風之子』！」
「算吧啦發仔，人地唔記得左你係邊個啦！」
「點會唔記得？個陣我仲同佢一齊係茶餐廳睇世界盃！佢記得我個名架！」
「『個陣』呀嘛！成五年前既事！」
「睇波啦，邊個得閒理你D歷史。」
「哈哈哈…」
「哼…」



發仔一肚悶氣，轉身向老友德仔說：
「都廢事理佢地⋯⋯德仔，半場同我去買汽水。」
「⋯⋯⋯⋯」


德仔聚精會神，彷似完全沒聽見，只是凝望著電視。


「喂德仔⋯⋯你聽唔聽到呀？」
「⋯⋯⋯⋯」
「德仔！！！」
「⋯⋯嗯？」
「終於回魂啦你，唔知仲以為你係機械人。」
「佢係咁架啦，次次一睇親波就靈魂出翹咁，唔好理佢啦，繼續睇波。」其他隊友說。

終於出

我原本都諗住咁樣寫故， 但係樓主快我一步，btw support

電視裡，綠白球衣的皇家畢迪斯繼續進攻。完場前，神勇的「風之子」殺入禁區被勾跌，獲得十二碼。


「入波！入波！」


一如所料，「風之子」親自操刀極刑，一射中鵠。



「三比零，貝迪斯大勝一場，繼續穩坐聯賽第三位！」



因為「風之子」關係，香港人大部份已成為皇家畢迪斯的球迷。球隊贏波，茶餐廳喜氣洋洋。




同伴執拾細軟，準備離開，只有德仔依然怔怔的望著電視。發仔連忙喚道：

「走啦德仔！場波完左啦。」
「嗯⋯⋯」
「真係冇你辦法，我地次次睇波都嘈都飛起，你就從來都冇聲出。」
「一場波，有好多野值得研究。」德仔今晚第一次開口。
「得啦，知你係港版摩連奴，睇場波都要研究戰術。」



德仔脾性孤辟，不愛說話，朋友什少，除了足球之外，可說是個毫無色彩的少年人。然而，沒有隊友因此而輕視於他，皆因他是黃大仙隊的王牌前鋒，去季甫一出道，便被受注視。本季黃大仙隊成績優異，德仔一人包辦了球隊三分之二的入球，是香港足球的一夥超新星。


德仔家住啟業邨，平時練波完畢，只有發仔與之同路，因此二人交情什厚，發仔亦成為其少數可與之交心的朋友。

與德仔相反，發仔愛熱鬧､是球隊的歡樂組組長。一冷一熱，成為莫逆之交。



「中學畢業之後，屋企人個個話踢波冇前途，要我讀返書。」發仔嘆道。
「佢地唔明，香港足球員一直以來就係因為要兼顧生活，足球水平先會停滯不前呀。唉！」



二人今年十七歲，雙雙於中五之後輟學全職投身足球事業，閒時在貨倉有part time工作。



「有時我都羨慕你架德仔，」發仔續道。
「冇屋企人壓力，想做咩就做咩。」
「⋯⋯⋯⋯」



德仔默不作聲。雖則不知者不罪，但發仔這句說話多少勾起了他童年的慘痛回憶。

時間回到他六歲那年。那時候的德仔十分活潑好動，與今天的他是完全的另一個人。有一天，爸爸帶他去商場逛街，卻遇上警匪槍戰，德仔爸爸不幸中槍身亡。

該次事件轟動全港，七百萬市民紛紛向德仔家庭送上慰問金，加上父親身後留下不少遺產，母子總算生活無憂。

從那天起，德仔媽媽深居簡出，專心撫養兒子成人，並申請傳媒禁令，自此隱性埋名，沒有人知道德仔便是當年槍戰死者的兒子。然而，受喪父之痛的德仔從此性情大變，不愛與任何人交流。眼見兒子變得孤辟，德仔媽媽遂為他報名區內的足球種子計劃，希望藉運動使他走出陰霾，卻無意間發掘了香港足球的黃金寶藏。

回到啟業邨的家，每次比賽完畢，德仔最愛回家喝媽媽煲的節瓜瘦肉湯。



「我返黎啦。」
「沖個涼飲湯吧，今日戰果如何？」
「贏左4:2, 入左兩球。」
「叻仔喎。」



異常的家庭經歷，令德仔媽媽十分支持兒子的足球事業。相依為命十多年，媽媽在德仔心目中亦享有人生唯一高於足球的地位。

電視新聞重播著兩小時前的西甲聯賽精華，「風之子」的精彩表現。



「有朝一日，我都要好似佢咁。」德仔指著螢幕說。
「我相信你可以架，你爸爸都係。」媽媽放下湯碗說。


－－－－－－－－－－－－－－－－－－－－－－－－－－－－－－－－－－－－－－－－

待續。

幫推，樓主好有心

一齊寫啦巴打

樓主個名轉左小小？ 好久不見了

舊登追尼馬故到而家

由利記轉左會去貝迪斯

支持，舊故陪左我好耐

貝迪斯

由中三睇到依家year2

德仔

係呀
過左咁多年
已經係三十幾歲既老將了

係 long time no see

去貝迪斯係咪有心思
快翼 Gary
樓主鍾意祖亞昆？

係呀以前打winning成日用佢屈機
不過去貝迪斯純粹係因為我依家喺Sevilla
個日經過佢地個球場所以順手加埋落去
仲買左件祖亞昆波衫

LM

中學睇你嘅故睇到大學畢業

德仔老豆

皇室堡事件