尼馬故外傳之香港殺入世界盃

好撚正呀寫得, 頭幾章真係睇到我眼濕濕

如果他朝有日香港足球真係可以打出國際舞台就好喇

推

樓主會唔會棄故

做咩要棄故？
岩岩睇完德國場波未平復到心情
等多陣
好快有文

聽朝出

德國派膠

係瑞典機場輕輕一推

咩氣氛？

班瑞典佬無啦啦係機場鳩叫 google下 先知瑞典入咗波

第八章

我感到意外，是因為我一直以為德仔性格成熟，抗逆力應該較高。想不到來到異鄉，才一天的操練，他已經吃不消。


「第一日跟操唔愉快？」我問道。
「……我冇事。」


德仔顯然不想在我面前示弱，含糊地拭一拭淚，勉強抬起頭裝作若無其事。


「要混入來自五湖四海既新隊友中，唔係容易既事，我明白。」我希望以同理心安慰德仔。
「翻譯西村先生有幫助你嗎？」
「有。領隊訓話時，佢一直係我身旁。」德仔道。
「但我拒絕佢既翻譯。」
「哦？」
「領隊用英文訓話，我要自己聽，唔要人幫。」



一分鐘之間，我正盤算著如何幫助這個離鄉別井的少年，他已變回那個絕對自信的梁令德。



「對唔住，要你擔心，我冇事。」德仔主動說。
「我唔開心，唔係因為覺得孤單，係因為我好掛住媽媽。」



聽到這裡，我眉頭不禁一皺。離鄉別井到外國踢球，不適應新環境﹑遭隊友排斥而失落，在我而言也是少年人成長的一部份……因為母親不在旁邊照料而哭泣，太懦弱了吧。



「德仔，你十八歲架啦。」我加重語氣。
「當年我細你幾歲，一個人漂洋過海都冇喊出黎……大個仔啦，要獨立。」



我其實並不想用「想當年我……」這種老屎忽的訓話方式，但德仔的確令我失望。

哪知他頓了一頓，道：
「十幾年黎媽媽身邊淨係得我。我離開香港，佢比我更加唔開心。」


德仔神色黯然，我那時只知道他在單親家庭長大，並不知道他慘痛的童年經歷。

當晚隨後，他告訴了我，他就是當年槍戰死者德仔老豆的遺腹子。


「就係咁，屋企就只係淨返我同媽媽。」德仔娓娓道來。
「每次踢完波，無論幾夜都好，媽媽總會煲定湯等我返去。出事之後，我地搬入黃大仙，媽媽斷絕同親友既來往，隱姓埋名，就係為左唔影響我成長。Gary，我既生活仲有足球，但媽媽既生活只係得我一個。」



聽著德仔分享自己的家事，我實在為剛才輕視於他感到慚愧。他不但是個堅強的年輕人，更是個懂事﹑感恩的好少年。



「對唔住，令你擔心。」德仔再次跟我致歉。
「傻啦，你肯同我分享你既事，我好高興。」我道。



德仔一向待人冷淡，什少跟人說話﹑更從未分享自己的經歷，就連他好朋友發仔，也未知道他的背景。他當晚跟我盡訴心聲，可見他絕對信任於我，作為其足球事業的監護人，我什感欣慰。



「不過依家科技發達，你同媽媽保持聯絡不成問題吧！」我道。


德仔搖搖頭：
「媽媽冇左我陪佢，一定會好寂寞的，我希望可以接埋佢黎日本住。」
「你意思係……」
「冇錯。」德仔道。
「我試腳一定會成功，我唔會令你失望。」

兩星期後，德仔試腳的最後一課。

十四天跟這少年的相處，我感受到他另一面。他待人冷若冰霜，和我老死戴利年輕時很像，然而，心底裡還是渴望有個知己與他交流思想。

或許是由於足球的關係，德仔與我什是投契，比同齡好友發仔更什。我二人一老一少，亦師亦友，成了莫逆之交。



「你十年前黎東京，同女朋友一齊？」
「冇錯，眨眼咁多年了。」
「佢依家人呢？」


我搖搖頭，實在不欲提起往事。德仔懂看人眉頭眼額，見我不說話，便知不應再問。



「聽日係你最後一課了，樂觀嗎？」我問道。
「球隊既訓練方式的確五花百門，不易適應。但我已盡最大努力。」
「同隊友相處得如何？」
「語言不通，冇咩交流，但佢地練波時總算照顧著我。」



我知道德仔過慣了「獨行俠」生活，隊中未有朋友，對他而言根本不算什麼。

只是正如他所言，對媽媽的思念，更加重他的思鄉情緒。但他是個硬淨的年輕人，自那晚以後便再沒有展示懦弱一面，反而操練起來更加努力。這事我跟西村先生問起，是他告訴我的。

為了給他更大鼓勵，我答應他，若然試腳成功，一定會安排媽媽來看他比賽。

皇天不負有心人，到了第十四天，橫濱水手決定跟德仔簽下兩年合約！

「香港足球員梁令德，正式加盟日本職業聯賽球隊橫濱水手。據報，六月初兩場世界盃外圍賽均取得入球既德仔，係橫濱試腳兩星期表現令人滿意。該支日本勁旅決定以一千五百萬日圓轉會費羅致呢位香港球員。十八歲既德仔，成為第一位登陸J-League既香港足球員。」



這則消息，我當然比電視台新聞組更早知道。然而，聽著體育記者報導出來，我還是忍不住熱淚盈眶。

除了我，香港隊終於有第二名登陸頂級聯賽的球員，將來……一定有更多更多！我們的世盃夢……



「橫濱水手下一場聯賽，會係八日後主場迎戰新潟天鵝。希望我地到時可以見到德仔披甲，一齊支持佢！」



我感受到體育記者的激動。事實上，近年香港足球漸見希望，德仔登陸日本，的確令香港球迷十分雀躍。

很可惜，德仔的簽約儀式，我不能到現場支持。成田機場的廣播，正召集前往墨爾本的乘客。

每年夏天，我也要到澳洲一趟，今年已經因為世界盃外圍賽而延遲了行程。


－－－－－－－－－－－－－－－－－－－－－－－－－－－－－－－－－－－－－

待續。

仲諗住會講練波

梁弱智仲學人出故

下章會講返德仔架啦

推

虧佬文

LM

呢個係歷史小說

其實要香港足球好 ，一定要將青訓送去外國球會青訓，但香港個撚個都比老豆老母迫讀書，又邊有人

其實我唔介意每年暑假都出吓外傳 update吓唔同球員條足球路都好呀

哇係梁弱智，即係追到live