尼馬故外傳之香港殺入世界盃

Casi dos años

係hku space讀左一年
依家黎左西班牙讀三個月

希望我第時有機會學，咁就識6種語言

廣東話，普通話，英文，日文，仲有？

泡文？

台語，小弟半個台灣人

勁

如果計好流利嘅話得廣東話同英文可以講得好快同冇口音

你仲有時間精通既

老左先學新語言真係好難

英文係因為由細到大，打波同學都要講英文姐

係呀，對好多香港人黎講英文根本唔係新語言

以前成日埋怨日本人做乜英文會咁差
次次去親日本同d人都溝通唔到
黎到西班牙之後先發現原來係香港人英文太好

梁蛇無再教書啦

冇啦，決定放一年假俾自己
之後諗轉行

原來你教書嫁wow

梁蛇working holiday?

第十五章

德仔在日本打響名堂，在香港引發一連串效應：球迷對J-League球衣的需求量大增﹑街頭四處可見德仔的廣告海報﹑大批球迷組團周末飛日本，入場親身支持德仔。

其實，香港球迷對自己人的支持，那份凝聚力，也是不容忽視的。

德仔希望成為球隊正選的願望，卻暫時未能實現。接下來的兩場聯賽，領隊同樣於七十多分鐘才將他換上場，充當後備殺手。截至九月上旬，德仔只曾於一場天皇盃正選上陣六十分鐘，攻入一球。

然而，這已經是了不起的成就，德仔亦明白遁序漸進的道理，當然不會介懷。

困擾著他的，是另一些事。



「同年齡層既隊友，好似唔係咁鍾意我。」


視像通話中，他跟我訴說著。


「點解咁講？」
「我聽唔明日語，但佢地望住我既眼神，好不友善。」
「或者係言語不通，佢地想同你交朋友不得其法吧。」
「球隊U-21跟一隊操練……有時分隊比賽，佢地會故意唔傳球俾我，同埋用日語埋怨我走位唔好，令佢地傳失。」
「情況持續左幾耐？」
「自從浦和紅鑽場波之後，我有恆常既比賽機會，佢地就係咁。」
「因為你有落場機會，所以佢地妒忌？」
「我唔知。」
「或者係你曾經射破日本隊大門，佢地怨恨你呢！我都有過呢種經歷！」我嘗試以同理心安慰德仔。
「我相信你地始終做到朋友既。」
「我唔需要朋友。」德仔卻搖搖頭。
「以前係香港，我都係一個人出入球場，我唔介意。只係…佢地唔友善既目光，令我好唔舒服。」

我搖搖頭：
「德仔，球隊入面每一個人，都需要隊友的。」我正色道。
「『隊友』呢兩個字，唔係淨係喺球場上攻同一邊龍門既人，it means more。」
「…………」
「一支球隊要成功，就要團結，咁先係足球既精神。你會明白我既說話的。」



畢竟依然年輕，德仔依然不太明白，自己不合群的性格有什麼問題。

然而，他對我的說話向來極為接納，遂決定走出第一步。

所謂「第一步」，是嘗試跟隊友分享喜悅。


噠噠噠……



「gol！」


翌日訓練場上的三角賽，德仔與數名本土年輕新秀一組，分別是十八歲的平松及田仲﹑十九歲的白石及二十歲的赤崛。


「here！」


德仔在中場附近拿球，眼睛望著右首的門框作勢推進……卻突然一記急步轉向，往左首的門框直奔。



「中計了！」



德仔段速驚人，頃刻間達陣來到龍門框前，一射入網。



「ファインプレー！」



德仔所懂的日語詞彙不多，這句日語的意思是「打得好」，是前一晚才學的。他走到數名隊友跟前說出，想要擊掌慶祝。

白石白了他一眼，右手攤開，卻沒有回應德仔的擊掌。平松走過來說：

「スノブ！！ちょうどあなた自身でそれをプレイ！！」


德仔聽不懂他的說話，但見其餘隊友亦沒有理由他，逕自走了開去。

接納了我的意見，嘗試主動跟隊友示好，卻換來這樣的反應，他只感到沒趣，心裡暗暗什至不認同我昨晚對他說的話。


「我不需要朋友。」他這樣告訴自己。


這樣的一幕，當然落入了領隊華盛頓的眼裡。訓練完畢，他和德仔進行了十分鐘私人面談。






「我以為，你跟平松佢地年齡相若，會玩得來。」他以英語道。
「你知道佢地頭先同你講乜野？」


德仔搖搖頭。


「佢話你目中無人，係自大狂。」
「………」


德仔只覺得十分委屈，自己向來並非個人主義的球員，這種指控可說前所未有。


「隊員之間﹑特別係你地血氣方剛之輩，係好容易發生摩擦。你放心，我地會做野。」領隊道。
「不過，我希望你都諗下自己有d咩可以做。始終係一支球隊入面生存，你需要隊友。」



和我昨晚所說的如出一轍，德仔反覆消化著華盛頓領隊的說話。

第十六章

不諳日語的德仔受同輩排斥，或許是出於年輕人的妒忌，但更大可能的，是他那令人難以親近的孤辟性格。

華盛頓說得對，足球隊就像一個大家庭，無論一名球員技術如何高超，若沒有隊友在旁，他便什麼也不是。隊員之間的互相扶持﹑一起上場殺敵的團結精神，有時侯比勝負還重要，即使是最好的職業球員，人生也不只有足球。

球場上，德仔絕非一個自私的球員；但比賽過後，他卻不屑跟隊友打好關係，甘於當獨行俠。這種過份自立的個性，未必會影響他場上的表現，卻必定有損他場外的生活。因此，不論是我還是華盛頓，均希望他可以改變這種個格。

時光飛逝，很快便踏入九月尾的國際賽檔期。德仔不得不收拾心情，回到香港準備兩場世界盃外圍賽。

九月二十三日，連同我和德仔兩名海外球員，香港隊成員悉數歸位，於新香港大球場展開操練。

我們的對手，是中東國家－阿曼，將會連戰兩場。




「拜我地既好表現所賜，全香港八百萬市民，都期待我地明晚可以打敗對手。」積甸拿克領隊道。
「對手暫時排名榜尾，理論上我地絕對可以全取六分，但呢個亦係最危險既時刻。」


我站起身來，也加說了幾句：

「我地唔同日本，冇改變踢法既本錢。無論對手係邊一隊，我地要做既都係沿用之前既勝利方程式。」
「冇錯！士氣同決心，一直係我地最強既武器。千祈唔可以因為對手較弱，就收起武器托大，清楚嗎？」領隊道。
「清楚！」



對阿曼的首場比賽是星期五晚上，於新香港大球場舉行，四日之後輪到我們作客。

換言之，兩回合的第一仗，我們佔盡天時﹑地利﹑人和，再加上在大球場打敗中國的氣勢，無疑我們是熱門一方。





「年輕人，近來你係日本表現非常出色。」


操練過後，領隊留下了德仔。


「明天晚上，我要你好好發揮係日本所學既野。同前兩仗唔同，阿曼會屯兵主守，你未必再有空間喺前場衝擊。但我知道，你懂得係適當時侯改變踢法。」
「知道。」

積甸拿克領隊於前一晚率先公佈正選陣容，基本上跟對戰中國及日本兩場比賽一模一樣，我繼續擔任中場發牌角色，而在日本打響名堂的德仔，自然是正選前鋒。

這個晚上，當所有球員離去，德仔選擇留在球場練跑。


「咁耐冇見媽媽，唔洗早d返去飲湯咩？」


依然未離開的，還有我這個大師兄。


「……你教過我，要比其他人付出更多。」
「嗯，好。」我在大球場的草地上坐下。
「仲俾隊友既事困擾嗎？」我問。
「冇話困唔困擾…領隊知道左我地既問題，訓練時刻意將我地分往唔同組。」德仔道。
「但問題始終要解決架。」我道。
「我知道。」德仔答。
「嘗試開放自己，多d同人溝通，你會有所得益的。」我道。
「我唔知應該從何做起。我唔習慣。」
「聽你媽媽講，你以前好鍾意同人講野﹑係學校好多朋友？」我問。
「細個既野，我都唔太記得了。」德仔搖搖頭。
「唔可以講多d？」我認真地問。
「嗯……」
「我知道，你內心一直放唔開個件事。」

德仔嘆了口氣：
「當年件事之後，我每晚訓覺都夢見同一情景：我俾人抱住，不停係度喊，爸爸跪左係度，哀求佢地放左我。然後，就係我面前，班匪徒向爸爸亂槍掃射……」


說到這裡，德仔頓了一頓，有點哽咽。


「我既喊聲﹑同埋d子彈聲，不斷係我腦裡盤旋……直至我醒左，佢地都冤魂不散。」




我雖知慘劇已發生多年，但聽當事人訴說著，依然覺得沉重。


「我唔想再記起件事﹑唔想再聽到自己喊﹑什至好怕聽到自己把聲。從此以後，我決定唔再講野，希望可以忘記自己既聲音…忘記係我既喊聲之中，我爸爸被殺死。」德仔續道。
「直至我升上中學，把聲變左，我先敢開口講野。」
「原來如此。」


我總算清楚明白，為何德仔性格怪辟，多年來討厭跟人說話，原來還是當年慘劇之故。



「我知道好殘忍，但你爸爸件事已經過去多年，你係時侯放低，唔應該再俾佢影響生活。」我道。
「…………」



德仔不發一言，望著大球場天上的星星，彷彿學著獅子王一般思念父親。



「記得當年新聞報導，話係警方來到現場之前，班匪徒已經悉數伏法，係唔係真架？」



我嘗試說得輕描淡寫，希望幫助他放開慘劇的陰霾。



「嗯。」德仔點頭。
「佢地死係升降機裡面，全身插滿利刀，聞說係一位內地既武術高手既所為。」
「如果係武俠劇，呢位前輩高人，就係你既大恩人了。」我道。
「或者啦。」德仔苦笑。
「你終於識笑，希望你以後諗返件事，可以用呢種心態面對。」我搭著他肩頭說。
「聽晚，全香港幾百萬對眼睛望住我地上戰場，我地唔可以令佢地失望的，知道嗎？」
「嗯……」
「唔好答我『嗯』！大聲d答我，知唔知道？」
「…知道！」
「哈哈！」
「哈……」



終於見到德仔稍為開懷，我知道今晚的consoling工作沒有白費。


－－－－－－－－－－－－－－－－－－－－－－－－－－－－－－－－－－－－－－－－


待續。

係呀，教左幾年 想放個長假

唔係呀，我淨係係呢邊留三個月，根住想環遊下世界咁

咁高人工

國產凌凌漆

巴打教咩？