尼馬故外傳之香港殺入世界盃

想睇season 2邊到有link

搵到啦

推

德仔終於融入到

啱啱追完第三季

推。

pish

推

推

推

推

推
梁蛇勤力d 個故出到書啦

第二十三章

兩星期後，從遙遠的日本寄來一張postcard。


「Gary：
我同佢地做左朋友，日文都進步左唔少。
上星期六，球隊作客清水，我下半場入替入左一球，領隊話下星期考慮讓我擔任正選。清水係一個好靚既城市，下次一定要來。多謝你的鼓勵。

德仔。」

看見德仔終於取得成績，與隊友之間亦建立了關係，我有種守得雲開見月明的感覺。

令人倍感欣慰的是，近來港隊在國際賽事的好表現，終於吸引外國球會的目光。在我的鋪橋搭路之下，十九歲快翼胡仲光（光仔）將以借用形式加盟戴利萊爾執教的澳職球會西悉尼流浪者。



「放心啦戴利，我從來唔會介紹錯人。」簽約前一晚，我跟戴利通了則長途電話。
「黎得我既球隊，就要預左接受地獄式培訓……你呢位師弟頂得順至好！」戴利道。
「放心吧，我地香港地既年輕人十分捱得。」我道。
「我有睇你地既比賽，班後生仔的確好有拚勁，十足十後生既你。」
「一早同你講左唔好睇少我地，世界盃見啦！」



放下電話，我吁了口氣，這一年不斷找機會讓本地球員外流，成績漸上軌道。德仔﹑光仔之後，還有第三人。

兩日之後的星期三，我向領隊請了半天假飛往奧地利維也納，接應上星期戰勝阿曼的功臣之一－發仔。



「Gary！」發仔看起來精神奕奕。
「飛機上訓得好嗎？」我問。
「話晒第一次踏足歐洲……邊訓得著呀？哈哈！」
「難得你仲咁精神。」
「梗係啦，黎歐洲簽約喎，諗起都興奮！」發仔道。
「我準備好架啦，可以即刻去球會報到！」



發仔與德仔的性格是兩個極端，得知自己有機會外流後，足足興奮了三個星期，每日也在社交媒體上分享感受。

終於，他得嘗所願，獲奧地利球會FC Admira Wacker Mödling垂青，給予兩星期的試腳機會。

塞維亞與維也納只有兩小時飛行距離，我遂前來協助他辦妥事宜。事情進展頗為順利，受惠於發仔在外圍賽的出色表現，FC Admira Wacker Mödling似乎頗為看重他，極有機會之後作正式斟介。



「我今晚就返西班牙架啦，你自己要努力。」臨行前，我再三叮囑。
「放心，德仔做到既野，我劉尚發一樣可以做得到！」發仔道。
「好，我等你好消息。」
「冇問題，bis später!」



發仔早三星期前開始學習德文，發音依然不堪入耳，令人忍俊不禁，但見他態度如此認真，我當然感到欣慰。

別了發仔，我前往維也納機場準備回西班牙，途中卻發生了一件事。





「瑞珍航空前往塞維亞既班機的乘客，請於10分鐘後開始登機……」
「Gary？」



我正準備登機，在等侯室執拾細軟，忽然有人叫住了我。



「……？」



枱頭一望，是一名年約二十多歲的東方女子，操日本口音的西班牙文。



「唔記得我了嗎？」那女子道。
「里…香？」
「嗯，你仲記得我。」女子笑了笑。



模糊的記憶，這張臉龐卻把我帶回三年前一個下午：我加盟皇家畢迪斯後的第一課操練。

皇家畢迪斯球會在安達魯西亞地區享負盛名，除了因為歷史因素，也是由於球會積極與球迷拉近關係的平民化政策。每當有新球員加盟，球會也會開放訓練場一天，讓球迷免費入場觀看操練，這是希望讓新球員跟球迷提早接觸，建立歸屬感，亦能令球迷感受這種與眾同樂的大家庭氣氛。

我就是在這樣的背景下，認識了里香。

三年前，利物浦大手換血，以高價購入多名頂級球星，踏入黃昏歲月的我成為被清洗的對象之一。輾轉間，我來到人生路不熟的西班牙，開拓自己的歐洲最後一站。

夾著英超及歐聯冠軍之名來到安達魯西亞，皇家畢迪斯球隊上下均把我當成上賓，球會充滿人情味的做法亦讓我感到十分溫暖。那天下午，我第一課操練後跟球迷見面，為球迷簽名。



「Gary！Gary！」
「!Aquí, Aquí! Mira!」
「¡BIENVENIDOS A BETIS！VAMOS！」



場邊都是穿著綠白間條球衣的熱情球迷，不斷跟我說話打氣。我的西班牙語不太好，仍未能跟當地球迷深入交流，里香卻是例外。



「可以同你影張相嗎？」



對我而言，東方面孔的球迷通常比較容易記住。里香稚氣仍深，清秀開朗，一開口說話便帶著日語口音，是典型的日本女孩。



「當然可以。」我笑道。


拍完照，里香又道：
「多謝！有你加盟，我地來年一定可以壓過西維爾！」
「妳做左好耐Betico（畢迪斯球迷的簡稱）？」
「小學時期已經開始追捧了！」


我好奇，皇家畢迪斯雖是西甲常客，在東方世界的名聲卻遠不如英超球隊，難得在海外也有死忠球迷，不算常見。

第二十四章


「係呀，我細個既偶像，係Inui（乾貴士）。」


熟悉畢迪斯的球迷自然知道乾貴士的名字，他於2018年夏天加盟綠白軍團，成為首位登陸安達魯西亞的日本球員。


「佢當年世界盃射破比利時大門既時侯，妳應該仲好細個？」
「嗯……個陣我得七歲，全家人都係乾貴士既球迷，影響埋我。」里香道。
「可惜，對比利時個場比賽，我地最終輸左。」


2018世界盃是我重要的少年回憶之一，記得那場比賽日本一度領先2－0，卻讓比利時尾段連入三球反勝。



「難得隔左咁多年，妳仲記得。」
「世界盃喎……點會唔記得？」
「妳叫咩名？」
「我叫七瀨里香。」



當時，我的西班牙語程度未能跟本地人溝通，與依然在學的里香卻是一拍即合。

與她談得久，得知她來自日本名古屋，是大學生，參加了學校交流課程來西班牙，學習一年西語。



「畢業後，我希望來西班牙搵工作。」里香說。
「大部份西班牙人都希望移民搵工，妳竟然偏向虎山行？」我笑問。
「我自細就好憧景呢度既文化﹑語言同食物……當年亦係因為足球。」里香道。
「學好西班牙文﹑係日本工作幾年之後，我一定會再返黎。」
「西班牙文唔易學，我係英國自學左幾年，都仲係馬馬虎虎。」我道。
「我努力學緊架啦，希望下次返黎，可以流俐咁同本地人溝通。」里香道。

隻身來到異地，跟隊友還未熟絡，里香成為了我在西班牙唯一比較談得來的伙伴。我喜歡跟年輕人談夢想﹑鍾愛足球的她亦希望更加認識我。

只能說，有一段很長的時間，我跟里香走得十分近。

直至數個月後，她大學課程完結前的最後一星期。



「點解你會戴住戒指既？」她知我單身，遂有此好奇。
「咁係因為……」



我在人面前很少提起舊事，猶疑要不要告訴她。



「係舊情人？」里香問。
「嗯。」我點頭。
「你仲掛住佢？」
「係，不過佢已經過左身。」我終於還是說了。
「……對唔住。」
「唔緊要，都過左好耐了。」
「你每年六月都會去澳洲，就係因為佢？」
「嗯……妳點解會知道？」
「我上網查過你以前係利物浦既新聞……對你地既事略有所聞。」里香說。
「佢係女記者，同你係澳洲認識，對嗎？」
「冇錯。」我點頭。
「你地既關係……係點？」里香欲言又止。
「係佢離開之前，我地已經訂左婚。」我道。
「個故事好韓劇，係咪？不過係真的。當日係病床前，我應承過佢，呢隻戒指，我今生今世都唔會除低。」
「嗯……」



里香那晚喝多了兩杯，臉頰出現紅暈。聽到我這樣說，她垂下頭來，顯得有點失落。



「里香？」
「………」



她抬頭凝望著我，突然伸將過來，吻了我一下。

那一刻，我有點不知所措。

三秒鐘後，她神色回覆正常。



「你知道，我下星期就要離開塞維亞了。」她轉移話題。
「我……我知……」我不知該說些什麼。
「妳有何打算？」我接著問。
「可能係西班牙四處遊覽下，才返日本吧。」
「嗯……西班牙有好多好靚既地方，玩夠先返屋企吧。」我笑道。


里香點頭，比剛才稍為清醒了點。



「頭先……其實……」
「里香……」
「…………」
「…………」







那晚之後，我便沒有跟里香聯絡，只知道她離開西班牙後，便回到日本工作。想不到在這程短途機上，竟然讓我與她碰上。

與三年前相比，里香少了稚氣，卻多了份韻味。




「你幾好嗎？」多年不見，她的西班牙語進步不少。
「幾好呀，岩岩幫個後生仔成功簽左份合約。妳呢？依家做緊咩？」
「我係日本一間語言中心教書。」
「教西班牙文？」我問。
「係呀，一邊教一邊學。」她道。
「妳依家既水準，恐怕超越左我了。」我笑道。
「當然啦…如果唔係學有所成，你唔會喺度見到我。」里香笑道。
「妳真係決定係西班牙找工作？」
「看情況吧，你都知西班牙既經濟情況，不容易的。」里香道。
「Anyway點都好，好高興見返你。」
「我都係。」



這次重遇里香，並不是另一段愛情故事的開始，只是後來在我人生最挫敗的一刻，里香成為我一位十分重要的患難朋友。

特此以記。


－－－－－－－－－－－－－－－－－－－－－－－－－－－－－－－－－－－－－－－


待續。

推

1. 呢篇係應之前有巴打要求，交代gary後來係利物浦既發展

2. 小弟依家係seville住緊，見到呢度既貝迪斯球迷數量遠多於西維爾
beticos亦比西維爾球迷熱情好多
原因好似上文所講，貝迪斯實力上唔及同市宿敵
但好著重同球迷之間既交流，經常邀請球迷一同參與球會活動
係呢度認識左幾個本地球迷，都話好多貝迪斯fans都係family based
全家三代支持貝迪斯，成間球會好似一個大家庭咁
呢件祖亞昆波衫，我自細已經想買
係香港完全搵唔到，黎到呢度終於得償所願




呢種家庭式既球迷培植方法，其實真係好值得香港球隊參考
作為元朗fans，深深感受到唔止球隊需要青訓，球迷都需要青訓
每次入場睇波，最前排打氣最熱烈的都係呢班小朋友
我敢肯定如果十幾年後元朗依然留係港超聯
呢班小球迷一定可以帶動到香港足球聯賽既氣氛

近排梁孔德話咩香港足球冇出路，要搞大灣區聯賽等等
向支共擦鞋之心路人皆見，令人作嘔
係度唯有希望呢條撚樣可以快d仆街死

外流對香港足球發展係好事

係正嘅

劉名

推