尼馬故外傳之香港殺入世界盃

老左好多了

Winning一定買佢
可惜生不逢時

第二章


一年後，西班牙塞維亞市皇家畢迪斯的練習場。


「Buen dia！」連續四年帶領球隊躋身前十，球會的領隊為傳奇人物華金。
「大家辛苦了，放一個悠長假期，下季我地要更上一層樓！」
「Si señor！」



「Gary，今晚就飛？」華金領隊問。
「九點半。」我回答。
「球員大部份開始放假，惟獨你有排忙。」
「冇錯，黎緊呢兩場比賽太關鍵了。」
「祝福你同你係香港班小朋友，可以踢場好波。」
「Gracias senor，希望你都有個美滿假期。」


我在隊中是年資較深一員，與華金領隊講起話來沒什麼拘緊。只是我的西班牙語屬「有限公司」，素來一句起兩句止。

球季完結前最後一課操練完畢，我乘坐專車直奔馬德里，今晚夜機回港。走得這麼急，有兩個原因。

第一，當然是希望盡快歸隊，備戰下星期的兩場世界盃外圍賽。

三月份，2038百周年世界盃第三圈外圍賽展開，香港與中國﹑卡塔爾﹑黎巴嫩﹑阿曼及日本同組。首兩戰，香港主場對卡塔爾及作客黎巴嫩均保持不敗，暫時以兩分排在小組尾二。

而第二個原因，或許比第一個更加重要。



「座位編號14a，14c。兩件行李直飛香港，Mr Li﹑Mr. Ilie。」
「唔該晒，Buenas noches。」



跟我同行的，是已貴為金牌經理人的伊利先生。這次邀請他前往香港，是我第二個目的。

飛機準時離開馬德里，專業的伊利先生便開始工作，整理他公事包裡堆積如山的文件。



「睇黎你個暑假唔會過得安樂。」我笑道。
「夏季轉會窗先係我地工作既高峰期，你知架。」伊利先生道。
「手頭上有幾多單交易？爆d料黎聽下。」我問道。
「同你frd還frd，我係唔會出賣client資料既。」
「知你有職業道德啦，我講下笑姐。」
「可以俾你知既係，我十日之後就要去巴黎，所以你最好……」
「冇問題啦，多謝你賣呢個人情俾我。」
「我真係好奇，究竟呢個細路係咩人，令一向謹慎既你咁有信心我會簽佢？」
「佢係我見過既亞洲球員，最有天份既一個……」我道。
「我相信佢已經夠實力衝出香港。」

第一次認識德仔，是去年十一月下旬，我拉傷足踝需養傷兩星期，順道回港了解一下青訓工作。

那是一場普通的港超聯賽，黃大仙對南華。賽前，我已獲告知黃大仙隊是如今香港青訓的重要搖籃，數個有潛質的U-20新人均在隊中，包括我之前已認識的劉尚發（發仔）。

然而，我萬萬沒想到，香港這片發展中的足球荒漠，居然出現這樣高水平的球員。

這場比賽，有五個令我目定口呆的時刻：



第一次，德仔在前場控住隊友的傳球，右腳一剔，背向敵軍推左走右，輕鬆擺脫緊纏，身法猶如鬼魅。

第二次，在同一位置做出相同動作後，德仔先左後右扭過兩名守衛，輕鬆射破敵軍大門，動作優美得難以形容。

第三次，德仔退後至中場拿球，眼見對方在後場佈下天羅地網，居然找到一條極為隱敝的大斜線，精確無誤地傳到後上的左後衛腳下。

第四次，德仔在禁區頂散步式控著皮球，在0.01秒之間找到隙縫，一刀刺進敵軍心臟，讓隊友單刀建功。

第五次，他主射罰球，皮球直入左上死角，為黃大仙奠定3：1的勝局。



這只是最令我印象深刻的五個moment。事實上，每次德仔觸球所做的每個決定，均顯示著超越同輩﹑什至較老資歷球員的視野及智慧。

完場後，我親自走進黃大仙隊的更衣室，與他會談。



「你好，德仔係咪？」
「係。」



有別於其他年輕球員，德仔跟我初次見面，禮貌尚算足夠，臉上卻完全木無表情。當然，那時我並不知道他的年少經歷。

在更衣室，我與他談了約莫半小時。我知道了他基本的背景，在單親家庭長大，母親十分支持他踢足球。他又跟我簡略地分享了自己的踢球經歷﹑閱讀球賽心得等，使我初步認識了這個少年人。

我告訴他，我希望他可以出國踢球，賺取更多歷練。

他的眼神，閃現一瞬即逝的光芒。兩秒之後，卻說：


「我要先問下媽媽意見。」


我只道他年少幼嫩，擔心脫離comfort zone，卻不知道媽媽在他心裡的重要性，超出了足球。

兩星期後，他打電話回覆我，只有兩句說話：


「我媽媽ok﹑我都ok。」


我知道以德仔的年紀及實力，要得到來自亞洲﹑乃至歐洲次級球會的青睞絕對不成問題。然而，我希望他可以獲得更具質素的經驗。

因此，我拜託自己的經理人伊利先生，利用他的職場手腕，向身處頂級聯賽的球隊推銷德仔。

「一個只有十七歲﹑只係喺曝光率咁低既港超聯踢過幾場好波既球員，邊會引起頂級球隊會既興趣？」

當時，伊利先生聽到我的請求後，是這樣的反應。


「你有疑問，係因為你未睇過佢踢波。」我道。
「就當佢有實力，香港聯賽係亞洲始終只屬三流水準，香港球員名聲又唔高，要得到國外大球會注意……」伊利先生搖頭。
「我都係香港球員，咪一樣做到你client﹑一樣可以出國落班？」我不服氣。
「你點同呀？你係外國接受訓練，基本功同天份都比一般香港球員高。」他道。
「相信我，呢個後生仔，潛力只會比我更高。」我道。
「我信你既眼光，但你教我點樣包裝一個零知名度既十七歲新秀？」
「黎緊世界盃外圍賽，德仔入選左香港隊，國際賽就係佢既表演舞台。」
「好吧，如果佢係國際賽事入到波既話，我就應承夏天跟你去香港。」
「一言為定！」



結果，德仔沒有令我失望。

兩星期後，香港出戰外圍賽第三圈，德仔令人意外地於黎巴嫩球場後備入替，取得追平2：2的入球，以十七歲之齡打破不少入球紀錄，聲名大躁。

而伊利先生亦願賭服輸，買下機票與我一同前赴香港，跟德仔接觸。

六月份的國際賽檔期，香港隊先於主場迎戰中國隊﹑再於四日後作客迎戰日本，正好讓更多球隊認識德仔，方便伊利先生的工作。


－－－－－－－－－－－－－－－－－－－－－－－－－－－－－－－－－－－－－－－－

待續。

唔夠喉

想問下當年gary返左香港係慈雲山踢街場 同幾個細路 踢波（唔知有無記錯） 會唔會有個係德仔 定係會出場既其他人？
咁耐以前既事唔知有無記錯

又睇下你會拖幾耐

怒打梁弱智屎忽一下

嘩 幾多年前既故

又可以打弱智屎忽

hi弱智

師兄弟歸位一齊打弱智屎忽

巴打你好，以前我就追開你個故，一路都好吸引，之後睇到主角遇到富家女果part，當時有事在身所以無再追。

偶然見到呢個post 即刻諗返起個故，巴打加油，努力創作

好廣播劇FEEL

唔知哩個故最終要追到幾時

2050年虧佬文做領隊帶領香港隊勇奪世界盃
2070年虧佬文為火星第一個足球場擔任揭幕嘉賓
2080年虧佬文圓寂

今次一定係最後一個啦

多謝巴打
希望呢個你會追到尾

今次大概有幾多章到？

[尼馬故真·究極大結局]唔該我想剪李文翰個髮型

睇到畢業都未完 btw 推吓post先

由係慈雲山街場睇虧佬文踢波 到佢已經三十幾歲就快退役 感覺好不捨

仲好記得當年live住睇虧佬文點溝女 點比黑社會搞 阿狗隊長幫佢食左野搞到腦有事

睇呢故果陣中學未畢業 而家已經做左幾年野