尼馬故外傳之香港殺入世界盃

係小弟on9
個陣開左個頭覺得唔好所以寫過
西甲個段可以唔睇

仲記得西甲果段一開波gary好似已經搞左幾多麻煩事

第一版本應該李察唔會成魔

最後係第二版好睇啲

推

無記錯酒吧打交定嘈交果幕係第一版 睇到果幕我就心諗gary又出招

嗰種熱血到打冷震嘅感覺又返翻

希望唔好好似之前咁爛尾

推

推

其實從來無爛過尾

根本無爛尾

推

推

推

。

推

第二十六章


「太空翼沉底傳中……松山接應一抽，中國門將僅僅拍出……」
「太空翼早有準備，門前輕鬆執雞，又入一球！」
「3－0！作客既日本隊大勝一仗！」





「好波！」


晚上，留在卡塔爾酒店的港隊大軍坐在電視機前，看著兩小時後開賽的中國隊如何以0－3大敗給日本隊。

眾人舒了口氣。日本隊幫了一把，我們不致於被次席的中國放甩。

日本 17
中國 12
香港 10
卡塔爾 8
黎巴嫩 5
阿曼 5

日本贏波後一枝獨秀，次席的爭奪卻陷入亂局。除了中國之外，擊敗我們的卡塔爾在背後亦步亦趨，不可不防。














「Gary，入一入503號房，有野想同你地傾下。」
「係，領隊。」



回香港前的晚上，積甸拿克領隊集合我﹑隊長翰林及高尼路三名隊中老臣子密議，同場還有香港足球隊的總監。



會議開始，積甸拿克率先開口：

「最近既社會流言大大影響球隊士氣，似乎係無可避免既事實。」
「冇錯……政治風氣影響力太深遠，我怕年輕一代招架唔住。」總監說。



在場無人不同意此說。賽前，我們均希望以激將法挽回球隊信心，卻始終不得要領。畢竟，香城的命運危在旦夕，球員有前路茫茫的感覺，實屬正常。



「有冇最新消息？」我問道。
「有。」總監道。
「據聞特區政府已經同中國體委磋商，中超未來或會效法MLS聯賽，分區域進行。屆時，香港球會勢必『被納入』計劃之中……組合大灣區聯賽。」

「唉……」眾人齊聲嘆氣。
「立法會個邊有咩動靜？」
「仲可以有咩動靜？計埋可能會被DQ既幾個自決派議席，保皇黨手揸立法會三分之二既力量，佢地一定會支持通過議案的。」
「實話實說吧，香港足球會變成點？」


總監想了半晌，開口說出事實：
「若然『五十年不變』提前結束，法理上中國係有權將香港列為省份之一。到時侯，不但香港超級聯賽會被除名，香港足球代表隊既地位亦有可能同廣東隊睇齊，『被消失』於國際賽場之上。」



總監有點哽咽，畢竟他在香港足球界工作了二十年，實在不忍心看著香港隊被中國吞併。




「換言之，未來將唔會出現香港隊了？」


事實難以令人接受，的確需要時間消化。



總監掩面苦笑，彷彿已給予眾人答案：

「大家放心，係『五十年不變』風波結束之前，港隊依然有國際地位，FIFA唔會無故DQ一支參與緊外圍賽既球隊。呢場仗，我地好歹都要打埋落去。」




他的意思明白不過，就是說港隊命運難料，今次可能是最後一次以「香港」名義參戰世盃外圍賽。

會議氣份凝重，消息令人憂心忡忡，就連一向想法正面的我，當想到這些年的青訓工作有可能因為政治理由而付諸流水，怎不教人心灰意冷？

當此情景，第一個開聲說話的，是效力港隊六年的高尼路。



「各位，我唔係喺呢個城市土生土長，但十幾年既港隊生涯，我已經同香港融為一體……」



他祖藉巴西，二十歲便來到香港踢球，七年後獲得代表港隊資格，如今已說得一口流利的廣東話。

「作為運動員，我地無法左右政治大局……」他繼續說。
「但係，等左足足一個世紀，香港終於有機會打入世界盃，只有仲有一口氣，我地都唔應該氣餒。」
「講得冇錯！」我放聲說。
「他朝一日，如果『香港足球隊』既名字唔再出現喺國際球壇，我地都要讓世人記得，一個只有一千平方公里既小城市，最後一次參加世界盃既結局，係打入決賽週！」
「Gary講得岩！」隊長翰林亦加入說話。
「無論將來發生咩事都好，我地要令香港人有尊嚴地活下去，咁樣先係香港運動員精神。」
「講得好！」
「冇錯！」


總監眼角泛淚，站起身說：
「多謝你地……我為代表香港足球界多謝各位。」
「領隊，依家非常時期，我地唔可以俾班後生仔知道呢d消息……免得進一步打擊士氣。」我道。
「岩，」積甸拿克點頭。
「鑑於球隊表現不穩，星期三既比賽，我會將幾名小將放喺後備席，以免自亂陣腳。大家點睇？」




眾人點頭表示同意。要年輕人帶著沉重壓力出戰實在過於冒險。將他們收起無疑是少了活力，卻能穩住球隊的信心，待事情冷卻後再行打算。

當此形勢，唯有見步行步。




－－－－－－－－－－－－－－－－－－－－－－－－－－




星期三，新敗的港隊回到主場新香港大球場迎戰黎巴嫩。

受政治風波影響，更多香港人走出來支持香港隊，全場六萬座位的門票兩小時內迅速售清，對上一次出現這個情況，要數到十八年前巴塞隆拿訪港的大盛會。

我在球員通道望出去，想起十八年前以球迷身份進入香港大球場，十八年後，我的角色是香港隊的領袖，在這危急存亡之秋，準備拚盡最後一口氣。



「Gary，領隊要開始講野了……」翰林從更衣室走出來。
「嗯。」

gary開記者會屌佢老味先係架嘛
gary不嬲都係衝動撚黎
冇理由戒到完全唔衝動嘅

第二十七章

積甸拿克心知年輕球員缺乏調整心態的經驗，遂先收起發仔等四名24歲以下的球員。外流三子中，只有前鋒德仔擔任正選。

德仔跟二子於效力黃大仙時期已什為合拍，在香港隊亦顯示化學作用，對於領隊的決定，他感到不惑，向我質問。



「呢個階段，最重要穩住球隊信心，你地咁年輕……」我解釋。
「我地年輕，但我地係專業足球員。」德仔道。
「領隊怕你地承受唔住壓力，會影響表現。」我道。
「其他人我唔知，我以為你會對我地有信心。」德仔道。
「唔係對你地冇信心，只係……唉，情況好複雜。」
「作為香港既未來希望，呢一刻我地更加要挺身而出，而唔係作壁上觀！」



望著一向沉默是金的德仔如此咄咄逼人，我實在感到意外。



「你仲後生，有好多野未必理解……」



我老屎忽上身，想說他不夠成熟，不理解政治的影響力。



「我唔理解d咩？」德仔反問。
「你地硬係覺得年輕人不懂政治，其實我地好清楚發生緊咩事。」
「我知你地大個仔，但領隊呢個決定都係想保護你地。」
「我地都係香港人！無論香港前途如何，我地都希望出一分力，唔係匿喺你地班大人後面『受保護』。」



德仔詞鋒銳利，經過在日本的半年沉淫，的確成長了不少。



「也罷，仲有數小時就出場比賽……」我沒好氣地道。
「發仔佢地今晚冇份落場，但你仲係正選，唔好心存雜念，影響表現。」
「我知道應該點做，只係唔同意你地既決定。」



我和德仔一向是感情深厚的師兄弟關係，這還是頭一次與他發生爭執。

這個晚上，他亦再一次證明自己並非池中物。被政治氣氛籠罩的一場比賽，沉著應戰的他結果再次成為man of the match。

比賽的焦點，自然落在國際賽的繁文裕節－奏國歌環節。



「boo！！！！ 」



中港關係前所未有般緊張，喝倒采聲量之大亦為歷年之冠。香港球迷沒有理會中國提早結束「五十年不變」的威脅，照樣高舉「Boo」﹑「Hong Kong is not China」﹑「中國人滾出香港」等紙牌。因為他們知道，要發生的始終要發生，不會因為他們的節制而令事情有所改變。

對黎巴嫩之戰在一片肅殺氣氛下進行。積甸拿克以經驗較佳的陣容出戰，我們上半場保持較佳的控球率，將黎巴嫩的反攻成功壓住……

然而，收起發仔等小將令前場活力大減，實際攻門寥寥可數。緊湊但不刺激的上半場完結，紀錄維持0－0。








然而，下半場開賽僅一分鐘，球證一個爭議判決，卻將我們迫向絕境。



嗶！



「十二碼！！！？？？？」


黎巴嫩一記長波放入禁區，高尼路與對方爭頂時，皮球意外擦過他手掙。一個如此細微的動作，球證卻直指十二碼點！



「wtf！ 」





我們圍著球證理論﹑球迷不斷發出開汽水聲，卻難阻球證維持這個令人氣忿的決定。


噠噠噠…

啪！


香港0－1黎巴嫩




四日前在卡塔爾的噩夢再度成為現實。輸了這一場，我們的世界盃或許正式走到盡頭。

望著大球場的比分牌，場上港隊球員大都是經驗豐富之輩，此刻要搏卻已有心無力。



「…發仔﹑光仔，熱身吧。」最後，積甸拿克還是得向年輕一代尋求協助。
「係，領隊。」







「香港隊作出換人調動……」





「WE ARE HONG KONG！！ 」
「WE ARE HONG KONG！！ 」



這場比賽，印證了一個永恆的道理：「長江後浪推前浪﹑一代新人勝舊人」。我們常以為年輕一代抵受不了壓力，想盡辦法要「保護」他們，卻不明白在危急關頭，他們比誰都有力量。

或許，是時侯將棒交到他們手上了。



「發仔！」



光仔一下突然變速，直傳給左路發動的發仔。



「喝！死啦！」



發仔一下dup停，拐過一人，金睛火眼瞄準禁區隊友，輕輕一chip……



「入呀！！！」



皮球越過中鋒域陀頭頂，黎巴嫩後衛卻未能擊中解圍……後上的「老鼠仔」德仔入楔成功，近門一頂破網！



「yeah！！！！ 」





入球出現在第79分鐘，挽回全港球迷的信心，亦告訴他們，香港隊的世盃之路，還未完結……





嗶～嗶～嗶～～


香港1－1黎巴嫩 FT



－－－－－－－－－－－－－－－－－－－－－－－－－－－－


待續。