基本面分析

香港生意難做呀

brk股價高到我o哂咀

佢有分AB股架，唔夠錢就入B股

巴菲特篇野真心建議大家睇一睇

好大好大既啟發性

巴神
其實佢同漫步華爾街既作者都成日叫人買s&p 500
最衰香港mpf買唔到 只可以買北美股票

咪自己買佢隻B股囉

Lm

岩岩睇左s9網上評論 話個攝影鏡頭好強大 想問有冇人知s9個鏡頭係唔係2382獨市訂單？

利申 只知iphonex個鏡頭係台灣嘅大立光電獨霸左

佢算唔算提示左黎緊股票有一次大調整
往年都好少講股災

我查唔到邊個係佢既Camera Supplier
頂！

我都查過 查唔到 佢年報又唔會講

https://www.ifixit.com/

留意佢地對S9既Teardown，到時就會知

2689今日出左業續點解

9成都係大立光

Google ATAP: Project Soli - Radar Sensor for Mobile Device

https://www.youtube.com/watch?v=0QNiZfSsPc0

呢舊野有前途，下一代iPhone同S10應該會有

google太多呢D project
但整合硬件能力/供應鏈太低 好多野都係拎左專利就廢左係度
正如寫左android出黎 根本冇錢賺 賺錢反而係手機廠商
所以先要買起HTC 由硬件開始一手包辦

除左電話 自動車
下一個戰場一定係home/car assistant

https://www.youtube.com/watch?v=Ha0zuiJ_GeU

習總今次咁做，未必有錯

鄧小平無錯，幫中國終結主席終身制，係限制左領導人權力不止於過大

但退任後既領導人，往往就成為各個山頭，權鬥既核心，貪污既避難所

江澤民上果時，鄧小平仲坐住軍委主席既位，江澤民係上半段在任時間，都係活係鄧小平既陰影下，而呢個問題去到江澤民、胡錦濤交接果時，就變得更加惡化，9個政治局常委，九龍治水，幾個山頭，結果更加乜都做唔到。胡錦濤深明假若自己棧戀權力，只會將呢個惡性遁環帶落去，所以佢就完完全全退居山隱，歷史應記胡錦濤一功。

習近平上場，共產黨已因係長年鄧 > 江 > 胡時代，退任領導人同現任領導人勢力重疊下，貪污腐敗問題重積難返，病到入骨，假若習近平唔狠下殺人刀，中共完結係佢呢一代到係完全唔出奇既事

但亦因為佢既殺人刀太狠，可以得罪既山頭勢力，都通通得罪哂，係連最後既安邦，即係鄧小平家族勢力，都拉埋之後，佢就急於宣佈任期不在受限

試想想，假若習近平係殺咁多人既前題下，完成2次任期後，就學胡錦濤完全退隱既話，佢既下場將會係最慘果個，中共唔似民主社會，領導人退任之後，仲可以做下反對黨，或者智庫，多重出路，而中共呢種社會制度下既領導人，如要順利退任，只得2種方法：

1. 係一開始上台時，就採取胡錦濤路線，唔得罪人，亦不作為，只求勢力平衡，完成任期

2. 係落台時，就採取江澤民路線，保證自己既羽翼緊握軍事、經濟、政治實權，等無人清算到自己

習近平佢係上台時，佢既作風無錯係咁多個領導人入面最硬，得罪江派、團派、紅二代，可以得罪既，就通通得罪哂，佢假若採取江澤民路線，都難免下一位領導人唔會用翻佢相同既手段，黎對付翻自己，再推翻哂自己所建立既一切

假若佢真係要登基，必須要立大功，先可以做到完全民心所歸咁登基，但今次好奇怪，習近平所立既功勞，好老實咁講，只係圍繞住"權鬥"，對台問題無進展，經濟無大起息，佢而家既功勞，係完完全全唔夠格去登基

正常三中全會係七月舉行，但今次就急於三月搞，提前四個月，而宣佈時間剛剛好係滅安邦呢個山頭之後

安邦呢個山頭，係鄧小平家族，按鄧小平對中國既功勞，係軍隊既威望，一直以黎都係無人能及，甚至毛澤東都唔夠鄧小平高，但鄧小平非常低調，一不留屍，二不搞終世制，就係想佢既後人低調做人，但安邦自胡錦濤上台後，借"鄧小平"呢個招牌，四處作惡，其惡遠比海航深遠

大膽推測，今次習近平係滅左鄧家之後，咁急去宣佈呢件事，目的並非為"登基"，而係為左為自己買時間，去做野。前面外敵Trump已經磨拳擦掌準備同中國打貿易戰，習近平先派王歧山同美國摸底，希望大家唔好打貿易戰，而家再派劉鶴親自飛去美國搵Trump傾，但Trump都非常老實不客氣，劉鶴未到就先宣佈準備對中國鋁材鋼材發出反傾銷稅，而之前Trump既減稅法案，對中國呢D一直靠高賦稅黎維持統治既國家黎講，係災難性攻擊黎。

三中全會今次既其中一個議題，就係需要減少國家營運成本，先減磅準備打稅務戰，但減磅即係炒人，中國政府要供養既人員達6400萬，仲要以每年100萬不斷增長，明亡就因為炒公務員，前車可鑑

假若鄧小平家族呢D極有威望既人，係習近平炒公務員果刻企出黎，屌柒習近平，隨時成件事係180度覆轉，佢隨時無得做再比人清算，都唔出奇，再嚴重既，就係政變，內戰

佢係三中全會前作出D咁既宣佈，而且黎得咁急，之前仲完全無做好充足既輿論引導，好明顯目的係為左"穩住大局"，打消潛在政敵搞"突然政變"既幻想，先安"內"，等佢可以有充份精力去對"外"

黎緊既Focus，應該在於：

- 三中全會，會唔會又出現D突發事件

- 同美國打既貿易戰，到底會發展到乜野程度，中國已經係上年11月開始，拋緊美債，搞到美債息率扯高，變成2月份既股災，兩國過招，老散好易死

- 下半年政治隱憂，就咁睇將會非常之多，股市波動將會非常之大，建議各位要係重要議題發烤前，睇路食糊先，我對上半年股市睇好，下半年開始有保留



以上文章，本身想開個獨立Post，但太多人，未睇全文，就會認定我咁講，就一定係五毛，之後就一輪非理性既吊打，所以都係Post係到算

咁講即係個市極volatile
derivatives好易夾死