《新婚的我搭上了鄰家少婦》3
無音響子
950
回覆
141 Like
7 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
第 33 頁
第 34 頁
第 35 頁
第 36 頁
第 37 頁
第 38 頁
裘鸞奇
2018-03-09 18:15:28
mola mola
無音響子
2018-03-09 18:20:12
《新婚的我搭上了鄰家少婦》- 羅大舟篇 (二十一)
--------------------------------------
同阿怡好愉快地一齊返工,望住佢上左商廈,有點唔捨得佢。
好高興既係,阿怡都似乎好掛住我。 Whatsapp佢問:【泊好車返工司未?】 目送佢上樓前後幾分鐘已經收到佢whatsapp
我係電話回佢:【岩岩泊好車,準備上公司。】
【唔該晒你車我返工。 】阿怡係whatsapp做個錫我既表情。
睇見阿怡咁真係好開心,甜入心!
【我多謝你請我食早餐就真。 Lunch有冇約人?】 我問。
【蝦…. 請你食早餐都唔夠仲想我請你食Lunch! 你程車都好貴下~~ 哼,以後唔坐啦。 】一個嬲既表情。
【我又冇話你請,我想請返你啊。】 我答。
【下~~ 冇LALA做咩請??? 咁好~~】 阿怡真係好可愛,睇文字都已經覺得佢好可愛。
【係啊,咁你會唔會比機會我lunch見到你?】
【咁好啦 ^^ 一陣1點我落黎食,食到2:15分啊。】
【OK! 我車你,係你大廈後面街上車吧!】 公司附近都係有好多同事,如果比佢地見到阿怡同我都唔係太好,所以都問清楚一下佢會放心D。
等待既時間過得好慢,坐係自己辦公室內睇新聞打發時間。 心情好緊張好興奮,好耐冇試過有E種感覺。
「大舟,今日一齊LUNCH好冇?」 阿BEN入黎我房問,打斷左我幸福既思緒。
「約左人。」我呆呆地抬頭答佢:「SORRY! 岩岩約左人食lunch!」
「噢...咁好啦。你今日....個樣好似好開心! 」 阿BEN好奇地問。
「下... 係咩? 我日日都係咁。」
「唔係! 你今日係有D唔同!!!」阿BEN企係門口講。
「冇,你上次講果隻股我叫左個朋友買,佢請我食飯姐。 有人請我食野咪開心囉。」 我答佢。
「下.... 咩人黎架??? 小心D唔好同太多人講我地有tips!!! 好危險!!」 阿BEN怕我唔小心將D內幕野爆左比人知,會比人拉。
「放心啦,我好口密。 唔會走風聲出去。」 更何況我都係吹水呃阿BEN,唔想佢再問落去。
「OK! 咁你小心D! 我自己食。」 阿BEN就出左去。
對於阿BEN,我似乎要特別小心一D! 因為佢係果種好細心而且觸角好敏銳既人,同阿怡一齊要留意一下唔可以比阿BEN知道! 雖然我相信就算佢知道左都唔會話比Alice知。 但偷情都係要小心一D!!!
LUNCH time就車左阿怡去西環食野,係一間西餐。 望住阿怡一齊食野,時間流走得好快... 我好唔捨得地車到佢返office。
「你幾點收工啊?」 我問阿怡。
「大約6點左右,你呢?」 阿怡問我。
「我冇所謂,一陣車你返屋企啦。」
「好啊!!!」 之前阿怡錫左我一啖就上左去。
真係好甜!! 個感覺令我冇法唔深深愛上阿怡。
返到公司又收到阿怡whatsapp:【返到去未?多謝你請我食lunch!】
【唔洗客氣~~ 又要做野啦...】 其實我係冇野做的...
【係啊... 好想快D收工。】 阿怡就好似小學生唔想返學咁。
【咁想快D收工??? 點解既???】
【懶LAW】阿怡回。
【下... 原來係咁.... 以為你有其他原因想早D走人。】
【係啦.... 人地掛住你想早D見到你啊....衰人... 係都要人講出口!】
YES!! 雖然只係一句whatsapp 但收到後既心情真係甜入心,我真係愛上左阿怡。
到6點時阿怡同我講:【Sorry, 我要加一陣班,你走先。】
都可能唔等佢??? 我回:【我等你啊~ 掛住你啊!】
【啜~~~】 一個錫我既表情! 一切係值得既,可以等一個咁可愛既女仔。
係等待期間收到Alice電話:「有冇約人食飯啊?」
竟然會係E家咁問我….「下? 同阿BEN食啊,做咩事?」 我冇理由推阿怡,情急之下只好放阿BEN上台。
「咁… 我可唔可以都一齊食?」Alice問我,佢好似唔問心。
「M… 好似唔係太好。 我地傾工時。 Alice…你做咩事啊? 唔開心?」我當然唔可能同佢講可以一齊食,根本冇約阿BEN。
「唔係啊… 見好似好耐冇同你兩個人食晚飯,睇下你得唔得閒。 不過算啦… 你做野緊要D。」 Alice好似有少少失望咁答我。
「唔…. 你真係冇事?」
「真係冇事,你比心機做野啦。 我返屋企等你。」 Alice收左我線。
我內心在文戰著,Alice係自己老婆,我唔同佢食好似真係有D PK! 但要我放棄阿怡,我又好唔想。 SHIT! 點會突然出現咁既情況!?
唉…. 我冷靜地想了一下。 以後我兩邊拖都唔係辦法。
解決方法1:Alice講清楚之後離婚,同阿怡一齊。
解決方法2: 同阿怡分開,選擇返Alice當從來冇做過出軌行為。
解決方法3: 同阿怡講清楚我地之間既情況,希望佢可以理解到。
都未諗掂就收到阿怡電話:「BB~~~ 我可以收工啦。 15分鐘後下面等~」 阿怡等候我既回應…
SHIT!!! 我就好似企係危危牆之上,要小心地選擇點去行先可以安全冇事。
八俁遠呂智
2018-03-09 18:40:34
寫得好有真實感,每個主要角色都好立體
不過有冇考慮出返個阿怡篇?
即是咁
2018-03-09 21:44:12
響巴寫d內心戲真係好盞鬼
BBG
2018-03-10 00:14:07
解決方法3應該最多野睇
蠢蠢肉洞
2018-03-10 02:13:33
謝清解答
蠢蠢肉洞
2018-03-10 02:16:58
好諷刺明明自己都真係新婚,但竟然係隔壁屋老婆搵到新婚感覺
大J條仆街仔真係好追求新鮮感
幾時同賤J一齊身敗名裂
米缸冇米
2018-03-10 09:17:23
話就話新婚, 但係住hall嗰陣已經係同居狀態, 新婚係俾唔到新鮮感大J
米缸冇米
2018-03-10 09:19:48
解決方法1:Alice講清楚之後離婚,同阿怡一齊。
大J都幾有自信, 雖然話阿怡俾佢屌, 本身又唔係真係鐘意iTom.
不過肯同你偷情唔一定會肯為咗你離婚
青面白包天
2018-03-10 18:09:32
蠢蠢肉洞
2018-03-11 01:30:42
心動不如新洞
靈魂在某天想要光
2018-03-11 10:25:20
新洞不如痕洞
裘鸞奇
2018-03-12 17:11:24
mola mola
即是咁
2018-03-12 17:15:13
響巴
張狂
2018-03-12 17:27:42
坐定定
等文出
米缸冇米
2018-03-12 17:35:43
無音響子
2018-03-12 18:08:04
《新婚的我搭上了鄰家少婦》- Alice篇 (二十一)
--------------------------------------
「喂… 你依家係邊啊?」
「岩岩上左車準備返屋企。」 我答。
「我過黎車你走啦。去左邊個位啊你?」
「你唔係要同阿Ben開會食飯傾野咩?」 我對大舟講,佢明明話唔得閒,又會突然會黎車我。
「我推左阿Ben啦,你係邊啊? 落車等我啦,我準備出車啦。」 大舟好似有D著緊我。
「咁我係中環落出等你啦。 係IFC等?」 知道大舟原來緊張我,令我好有罪惡感。
係中環站出閘行到去地面,我不停的思考著。 唔好一錯再錯了,其實大舟都唔差,由大學至今咁多年,我唔係唔開心。
Jeffery佢同我既關係,係我一時胡鬧次過… 無可否認我係好鐘意Jeffery,但係大舟對我負出左唔少。
雖然大舟近來成日話要工作,要以事業為重,而背後卻去左玩女人。 但到左我有唔開心,大舟仲係好緊張我。
路係自己選擇,如果行錯左係應該及早回頭,唔應該再錯落去….
「鈴~~鈴~~~」 係Jeffery打比我。 編編係依個時間佢打黎。 同時我見到大舟架車係不遠處燈位等候著。
緊張既氣氛在迫令我要選擇兩人之一。 見到Jeffery打黎,我好開心。 覺得佢唔係我之前想像咁,佢都仲會搵我啊…
內心在交戰著。 我要唔要行到暗角接電話!? 襯大舟未留意到我。
一個未必係自己心入面最想一齊既人,但佢可以比到安穩自己,唔需要偷偷摸摸。
另一個自己愛佢多一點,但卻要偷情,選擇後就要背上壞女人既罪名。
… … 神在考驗我…
最後,我把電話關上。 提起身向大舟方向行出。 我還是選擇要做一個好的女人。 依一刻我同自己講。 「Alice! Jeffery同自己之間既事就當無發生過吧…,以後只要好好同大舟一齊,我仍然可以係人前扮演好人。」
「老公~~~」 打開車門上車。
大舟一臉緊張地問:「老婆… 你冇事嘛? 係電話度你好唔開心…. 唔好嚇我…. 係唔係有咩事…..?」
「冇啊…. 你… 大舟你點解對我…咁好啊?」 我真係好想知道佢做咩咁愛我。
「因為你係我老婆,我愛你囉!!!」 大舟不經考慮直接的答我。
聽到後我真係好感動… 我真係做錯左…. 好對大舟唔住。
「唔…」 我安心地笑一下坐上車。「大舟…我地返屋企囉!!」
我關上車門,我同大舟返屋企去。
冰火版感冒童
2018-03-12 18:39:04
下 兩個一齊從良? 唔撚係掛
八俁遠呂智
2018-03-12 18:44:24
定啲黎,邊有咁易。
大J只係交下戲,扮下好老公;賤平只係正式沉淪前嘅爭扎
冰火版感冒童
2018-03-12 18:55:57
冇錯 然後荒淫無道 更誇更冇道德既故事正式開始
除褲先
無音響子
2018-03-12 19:26:53
唔好迫我寫淫故
張狂
2018-03-12 19:44:08
究竟賤j幾時比人一Q清袋
BBG
2018-03-12 20:08:21
唔太想睇淫亂野
但適當嘅甜就最好不過啦
即是咁
2018-03-12 20:47:27
要重甜都有正傳3P果到啦
蠢蠢肉洞
2018-03-12 22:50:24
淫故pls
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
第 10 頁
第 11 頁
第 12 頁
第 13 頁
第 14 頁
第 15 頁
第 16 頁
第 17 頁
第 18 頁
第 19 頁
第 20 頁
第 21 頁
第 22 頁
第 23 頁
第 24 頁
第 25 頁
第 26 頁
第 27 頁
第 28 頁
第 29 頁
第 30 頁
第 31 頁
第 32 頁
第 33 頁
第 34 頁
第 35 頁
第 36 頁
第 37 頁
第 38 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞