無音響子
2018-01-29 17:39:09
《新婚的我搭上了鄰家少婦》- 羅大舟篇 (十三)
----------------------------------------
跑到阿怡門口,大門同時被打開:「做咩事…. 冇….事….下…」我被打開門既阿怡嚇到目定口呆。
阿怡全身濕透,濕透既白TEE透現出深色既胸圍。 胸圍之上兩團肉同中間一條事業線更加完完全全吸引住我目光。
阿怡似乎留意到我望實佢個胸,立即用手放於胸前檔格我目光:「洗手間爆左水喉…….」
我立即收起邪念衝入洗手間,水龍頭就似噴水池咁,D水射到四圍都係。打開洗手間儲物櫃,將水制關上‧:「放心冇事既…」
「好彩有你…唔係我都唔知點算….. 成間樓浸晒都似….」 依個時候阿怡已經拎左條毛巾包住自己,又比左一條毛巾我包住:「條毛巾係我老公架,你用住先。」
我諗左陣… 吊要用IT毒L既毛巾,用完會唔會中左佢D IT毒架…. 諗左下都係接左條毛巾抺手,再順手用毛巾抺下牆身同鏡櫃。 我係有心要整污糟IT毒L既野,因為我諗唔明點解佢可以同阿怡一齊。 所以想做D衰野,玩下IT毒L! (事後諗返自己咁既心態好小學雞。)
「唔該晒啊,係唔係用得架啦?」 阿怡天真地以為已經搞掂….
「哈….未得啊… 你水龍頭爛左,要同你配返個新既先得。 有冇工具廂?」 我決定一展男人風範,幫佢手整好水龍頭。
「下… 會唔會好煩到你啊….? 你唔係一陣要去做野咩?」
「冇問題! 好快搞掂。」
我就快快手拎左佢個水龍頭落去配。
「啊… 大舟你記得拎單啊… 要同業主收返錢。」 阿怡講既業主就係Mandy。 哈…. 世界真係細,同過Mandy一齊,依家佢去左英國。而我又有識左佢借客。
我回頭應阿怡:「OK 我會拎單啊。」 同時我又見到一件令我驚訝既事……
OH MY GOD! 有兩套女僕衫、一套性感護士衫掛左係露台度!?
「啊….好啊唔該你…」 阿怡好似見到我睇住佢D衫,就立即跑前阻擋我既視線。
唔係下化….. 阿怡原來玩cosplay!? 又女僕衫又護士衫咁…. 頂… 好正啊。 仲要係性感款。
依…. Cosplay x IT毒L!?
去買水龍頭期間,成日腦都係諗住阿怡既衫,幻想住佢著上女僕衫開樣!!!!
上返阿怡度按鐘後,阿怡黎應門。 佢已經換左一套…新既TEE。 (我幻想過佢會著女僕衫開門,之後叫我主人!)
「買左啦,等我幫你搞。」 入返屋我留意到露台已經拉上布。
三兩下已經將水龍頭整好:「搞掂啦!」
「嘩…..好你叻啊….. 唔該晒。 請你飲!」 阿恰泡左水比我飲。
「多謝。 」 我行出去廳休息一下。
「好彩有你係度,唔係我都唔知點算啊…. 又唔敢亂比D師傅上黎整,怕比人呃。坐啦…」
「哈… 其實好易搞,你屋企有咩事都可以搵我。」 我心諗,你怕D師傅上黎見到你咁正搞你仲好啦。「啊… 我唔坐啦。」 望一望我衫褲都濕左。
「唔… 係呢… 你好似好熟我間屋間隔咁,一入黎就知洗手間係邊既…?」 阿怡冇野講是但講D野。
「哦… 我黎過好多次….」 一時講錯野….「我識業主,入過黎幫手整洗手間。」 是但講D野胡混過去。
「哦…」 阿怡看似冇咩講,可能係比我見到D cosplay衫既關係。
「依… 係呢,你個老公出左去?」 我問。
「哦… 係啊… 佢依同D同事朋友出去打機,玩果”王者”啊。近期好HIT 你有冇玩啊? 」 阿怡問。
「都有打下,間中打一兩場就算。」 我估條IT毒L真係玩到得狂果隻,連老婆都唔理。
「係啊~ 我都有玩。D角色好靚架!!!」 阿怡知道我都有玩越講越興奮。
似乎…真係估中左。 阿恰鐘意cosplay!! 吊…IT毒L只可以同一D樣衰既cosplayer 襯到! 阿怡依一D咁索既一定唔可能同條毒L一齊!! 到依一刻,我仲係好難相信阿怡會同IT毒L一齊。
「啊… 係WOR 你係唔係要去做野啦?」阿怡問我。
「啊… 係WOR! 等我睇下先。 」拎電話想打比阿BEN時。見到原來阿BEN whatsapp左我,話今晚個客唔黎,所以cancel左去應酬。 我簡單回左阿BEN。
「噢~ 今晚唔洗去做野啦。」我問阿怡「你今晚一個人食野?」
「係啊~ 我一個人啊。 唔…. 」阿怡回答。
「不如一齊食飯?」 我地同步約對方,再同步答「好啊!」 之後一齊笑。
「咁我先返去換件衫先。」 我企身同阿怡講。
「好啊…. 咁….一陣我地再見啦…..」 阿怡每一個動作都好似少女般,配合上可愛既樣。 真係同cosplay好夾。
---------------------
我已經換好衫。打算同佢去食西餐,我穿上smart causal 既恤衫,西褲出發。一來配合返西餐場合二來又可以扮晒真係出去見客可以呃到Alice等佢以為我去左見客。
我地照舊前後腳落去。 當然係我先去拎車等阿怡。佢打扮得好靚,著左冷衫短裙,化左妝。 上到車已經閒到一陣特別既香水氣味。
「唔好意思,要你等。」 阿怡唔似一般港女。等佢係老憑咁。
「唔係等左好耐姐」 我架著車向深井出發,去酒店餐廳食。
「怕唔怕Alice知道你同其他女人出街啊?」阿怡突然問起一個我有諗過既問題。
我係唔可以比Alice知道! 佢知道就會好煩。 雖然我係同阿怡只有出去食飯,但女人就係唔知想自己男人同其他女性單獨出去。 我回:「哈… 怕架。 所以我E家同你係去偷食。」
「依…好賤啊!」 阿怡邊微笑邊舉起食指話我賤。 個樣真係好甜好純。
「男人唔賤,女人唔愛嘛。」 我打趣。
「唔~咁又係…」 阿怡似有所思。
「咁… 你又同佢結婚既,佢有咩吸引到你?」
「唔…. 唉…. 我都唔知。 佢同我夾囉…. 又正直。」
我聽到之後真心笑出黎:「哈…..正直…. 係啊。 好正直!! 咁佢唔悶咩? 你係唔係好多時都一個人?」
阿怡描寫IT毒L,真係一個好毒既毒L! 佢地係大學識既。 阿怡曾經比人呃過,而 IT毒L就保護佢,令佢覺得有安全感就一齊左。畢左業幾年後就結左婚。
「哦… 就係咁簡單? 睇唔出IT… 阿TOM佢會保護到你。」 我正在去開門比阿怡。
「唔…. 都算係….」 阿怡答得有D唔太清楚。
步入酒店大堂同層既餐廳裹。
餐廳對住汀九橋,如果黃昏應該會好好氣氛,但夜晚就黑麻麻咩都睇唔到。 而餐廳環境幾好,人又少,係一個可以傾計既好地方。 而我選依度係因為依度遠少人,唔怕會撞到人。
「你真係好好啊。 人又好又識講野。 」 阿怡轉動手中紅酒。
「哦??? 我知道! HA!! 但你好似有其他意思咁。」
「唉… 係啊。 阿TOM … 其實佢真係好悶…. 唉…成日對住電腦,打機同影相。」 阿怡發悔氣,一邊飲紅酒一邊對我講。
「唔… 但你一早知道佢係咁,又會同佢一齊既? 仲結婚tim…」依個係我諗極唔明既問題。
「唔…」 阿怡一口將紅酒吞下。「只係講比你知… 你唔好話比人知….」
「OK」幫佢斟酒。我心諗可以同邊個人謂? 唔通同Alice講我同你咁frd咩…
「其實你都見到…. 我係玩cosplay架啦.」阿怡轉動酒杯:「係大學開始玩,玩左幾年。你知唔知道一件衫同D配件其實都唔平….」
「唔….」 飲一啖紅酒示意阿怡講落去。
「咁… 我就去左做私影… 著cosplay衫。賺錢.」
「湯到啦。」 侍應送上餐湯。
侍應走後阿怡再講:「開頭同幾個朋友一齊接私影,都搵到錢。 之後慢慢我地都大膽上黎,會自己一個去接D熟客影。」
「下…咁大膽」果D影相大叔個個都係咸濕佬好核突咁。雖然我見到D性感Cosplay相我都會睇下而自己都係咸濕佬。
「係啊… 真係危險…. 有一次就係約左去工廠影相,點知上到去果班人…. 佢地想搞我。」 阿怡講講下講到有少少眼淚。「好彩,果時阿TOM都係度,佢阻止班想搞我既人。阿TOM連影相機都唔要就帶我走。」
「就係咁… 你就同左IT…阿TOM一齊啦?」 我聽完覺得好兒戲…
「阿TOM個人好好,係悶少少。 但同我以前D男朋友唔同。 」
「你以前D男朋友係點唔好?」 我問。
「有D花心同咸濕囉。」阿怡有點尷尬地講。
「UM… 咁男人都咸濕架啦….阿TOM唔通唔咸?」
「咁又係…. 咁你咸唔咸濕架????」 阿怡回避我冇答IT毒L份人。
唔通佢地冇搞野?!?!
「我好咸濕架~ 你怕唔怕呢?」 我做出一個咸濕樣。
「依…. 咁我唔鐘意你啦…」
「下? 唔鐘意??? 咁…. 即係我唔咸濕你就會鐘意我??」
「依…. 你好無賴啊…」 阿怡面色一紅。
當晚我地傾左好多野,了解又加深左唔少。 成餐飯氣氛都好好。
「唉呀… 你飲左酒,唔可以渣車…」 我地離開時已醉酒既阿怡提起。
係BOR!!! 一時大意,係靚女面前我太開心,開左2支酒飲。 我已經有少少wingwing地。
「係BOR…. 咁點算啊?」
「唔… 係WOR…. 返唔到屋企啊….嘩…」 阿怡係行出餐廳時睇唔清有樓梯,失足跌倒。
好彩我仲清醒,可以捉得實佢。 阿怡既情況似乎真係已經醉左,行到左搖右擺的。
「呀….. 唔逐晒你…」 阿怡被我抱實係懷內,面貼面的,四目交投。
我同阿怡係酒精同氣氛影響之下,深情的吻了對方。