無音響子
2018-01-18 18:06:42
《新婚的我搭上了鄰家少婦》- Jeffery篇 (九)
----------------------------------------
今次我係有點兵行險著,玩到咁大同佢講自己就快結婚。 但我對今次賭博有信心,我知道Alice個心慢慢黎左我度。
「Alice… 因為當日我知道你就快D結婚,如果我同左你一齊,你將會受盡千夫所指話你唔要你老公。 一想到你會受到其他人指罵,我就叫自己要忍痛同你分開。」 我略停一停觀察Alicezd1
Alice仍然淚流滿面的,但眼裹展現出一點如夢初醒既神情。
我再講:「但知道自己就快要同Belle結婚,知道將要同一個自己其實唔鐘意既人一齊,我後悔當日冇好好將你捉實。」
我伸手搭上Alice既手上。
「我同Belle一齊都係因為父母安排,係佢地兩個想我同佢結婚。 上次你見到我地見家長,其實係誤會! 係Belle搞鬼,佢tum得我阿爸阿媽好開心。 我知道係太蠢… 唔應該為左父母而同一個自己唔鐘意既人一齊。」 我深深嘆一口氣。
「唔…. 唉…. 你唔好咁啦…Jeffery…. 你聽Uncle Auntie都冇錯既…. 佢地高興….」 Alice帶點無奈地講。
「夕陽無限好只是近黃昏啊….可能我同你兩個人既一段情真係到左黃昏啦….」 我望Alice一下再將目光移到窗外:「如果同你可以好似太陽咁第二朝再一次日出重新黎過就好…」
「…」Alice淚仍未止。
「Alice,今日我地唔好諗D唔開心野啦…就我地兩個人好好咁享受今晚。」
「唔…. 好啊….. 」 Alice笑著點應:「我想去補一補妝。」
「唔…」 我點頭。 睇黎進展都同預定差唔多。
Alice一行左去洗手間,就收到Belle電話。
「喂…Jeffery 我想睇下文件櫃既密碼係咩? 我開唔到啊。」 Belle似乎仲係公司做梗野,似乎我E個掛名老婆真係唔錯。
「你仲係公司成9點啦WOR唔好做咁夜啦… 密碼係9394!」 我講出只有我先知道既密碼:「入面D文件有齊客人買賣資料同合約,唔小心D唔好唔記得lock返櫃。」
「得啦你放心。 你食邊啊? 食左野未?」 Belle都幾關心我。
「食梗啦。 你呢?」
「我執完D文件都去食野啦。 咁你食完就乖乖地返屋企啦。 我今日好累,食完野都返屋企訓。」 Belle從電話講。
「好啦好啦… 你早D走啦。 BYEBYE!」
「你…女朋友?」 Alice岩岩坐返黎。
「公司同事啊。」我打開電話相機:「不如我地合照留念啊好唔好啊?」
「…唔….」 Alice想了一下。
「我唔知放上FB」 其實我冇習慣將同女性合照放上FB,原因不用講明了。
「好啦… 你揸機自拍啊。」 Alice笑一下。
我高舉電話:「3…2…1…」
之後同Alice一邊品嘗甜品一邊傾起以前往事,由細個第一眼見到佢事,我已經比佢吸引住講到讀中學。
「你知唔知道啊…你果時拒絕左我,我個心好痛啊…」
「哼… 我知啊。 你個衰人仲心痛到四圍追女仔TIM!」 Alice 又挖苦我了。
「唔… Alice 如果再有一次機會,你會唔會選擇我啊?」 我同Alice結帳後進入升降機。
「唔……」
我轉向Alice將頭湊近:「如果再有多次機會,我會好好珍惜你。 無論任何人任何事…都唔會左右到我鐘意你。」
「唔…. 或者….我唔知啊…」 Alice想逃避我。
我將Alice迫到升降機牆角,雙手輕輕由佢腰間滑入背。 上身緊貼著再將面貼向Alice。
Alice閉上眼,小嘴半開合迎接著我。
「啾」 兩唇交合,先係輕輕的接觸數下,慢慢我地都進入狀態,兩唇緊緊互扣,舌頭在對方嘴巴裹互相推擠。雙方唾液交流,體溫慢慢提高。
「叮」
我拖住Alice離開餐廳升降機,走向酒店大堂。