《新婚的我搭上了鄰家少婦》3

只可以講大J同Alice真係天作之合

大J 係同阿BEN 的

《新婚的我搭上了鄰家少婦》- Alice篇 (八)

----------------------------------------

係餐廳見到Jeffery同佢女朋友Belle一齊，我久久未能平伏。 我同大舟上床個心竟然諗起Jeffery，諗起當日佢同我上床既情景。


好對唔住大舟，一邊同佢做愛另一邊就諗住Jeffery。 其實自己又同爸爸去玩女人又有咩分別? 又同Jeffery四圍溝女有唔同咩?


但我真係控制唔到唔去諗 Jeffery。 我都唔明白做咩事佢咁壞咁衰又花心，點解自己就係放唔低。


反而大舟係自己身邊，又努力搵錢，對自己又好。但個心好似已經唔再放佢係度一樣。


係我犯賤吧…


星期日下午，收到Jeffery whatsapp回覆。【早晨!】


2點幾鐘先回我一句早晨!? 我回應佢:【咁早起身啊? 尋晚真係辛苦晒你啦! 幾好啊，有咁索既女友!】


【  】 Jeffery回左我一個傷心emoji


我真係好想話佢! 但諗深一層，佢拍拖與否，冇咩需要同我交代!!! 但佢比個傷心公仔我算係咩??? 係唔係有拖拍就連野都唔想同我多講??


【咁我真係恭喜你呀!!!】 我冇野想覆佢。 回左佢一句就放低電話。


時間慢慢過去，Jeffery冇再回我。


大舟見今日係星期日就同左我去街食飯。 本應係開心可以出去食野行下，但全程我都心掛掛等Jeffery回我。


「你等梗電話?」 大舟同我去左海邊一間Cafe食tea。


「唔… 冇啊。 係諗梗阿爸單野姐……」


「哦…」


「大舟，你會唔會背住我鐘意第二個女人啊?」我想知道，亦好想大舟答我會。


「當然唔會! 傻架咩??? 你仲諗住外父果次?」 大舟放低咖啡杯。


「……」


「唔…算啦… 其實外父都咁大個人，自己識諗。 你唔好諗太多啦。 我唔想你唔開心啊老婆。」 大舟輕輕拍我隻手以示安慰。


「唔….. 對唔住啊…….老公….. 」 我喊起來…


「傻豬…. 做咩事WOR! 你又冇錯…. 放心啦。 我唔會比你傷心既。 你唔好喊啦。 你係唔係怕我會係出去有女人啊? 我應承你，我只係鐘意你一個，唔會鐘意第二個女人。」 大舟緊張咁同我講。


但我喊既… 並非佢所想…


「唔… 好啊。 我信你啦。」 我唯有錯有錯著順住去講。 「大舟… 咁如果係我同第二個一齊呢? 你又會唔會原諒我?」 我突然認真地問。


「下?」 大舟一瞼茫然。


「…呵呵…傻佬。」我笑一下:「睇下你緊唔緊張我姐~」


我企起身走向海邊… 眼淚再次流下。 我真係好亂…

---------------

到了工作日子，我帶著一個軀殼上班。 每一晚我都訓得唔好，一閉上眼就會想起Jeffery．


Jeffery 已經冇搵我3日，或者我應該襯佢有拖拍既事實叫自己認清楚佢只係一個浪費自己時間既衰人。


返工既地鐵上，人人都忙普把玩電話，冇人留意到我雙眼在落淚。 拎住電話打開phone book正猶豫著到delete Jeffery電話。


但命運永遠喜歡作弄人，係我考慮係唔係要永久將佢扔走，佢就主動找上我。


【HI! 阻唔阻你啊? Sorry 咁遲先回你。 我近排忙公司野，要交代新同事一D事。】


收到Jeffery whatsapp了，我好高興，原來佢冇因為拍拖而唔理我。 或者好多人都諗係佢有女朋友而唔理我。 但我仍然樂意去自我解讀成我心目中理想既方向。

alice

鄰家少婦出場未

我正式宣布 臭雞Alice全家比狗屌

大舟都係alice家人喎

Alice

水性楊花雞

大J俾阿Ben屌，所以冇錯

Jeffery真係好識玩，吊住小賤人胃口，然後突然婆一次軍糧

《新婚的我搭上了鄰家少婦》- Jeffery篇 (八)

----------------------------------------

Belle星期日就同佢公司講左會離開，佢公司竟然可以唔洗佢賠錢就比佢即走人。 Belle仲話星期一就可以去我地旺角分店返工，話想快D同班同事打好關係及上手分店運作。


佢份人比我想像更進取及行動力強，面我都算係比Belle少少甜頭，同老豆講我決定交旺角分店Belle打理，老豆可能真係好想我家性，都冇咩冇我原因就比Belle做店長。


(話說我係睇幾間分店既，算係旺角店既店長。當然，我係唔理間店點運作啦，下面班友只係搵生意賺佣金，我唔會理佢地點做野，有生意比公司抽佣就OK)。


Belle輕易地進入左我地公司做左旺角店店長。


星期一至二，我都係帶住Belle去旺角分店介紹一下同事同環境，之後同佢睇左幾個盤就閃左人。 Belle就好勤力留係公司做野，佢話唔想比D同事覺得佢係太子妃先做到依個位，要做D成績比下屬睇。


可能係大公司文化吧!? 咁勤力… 好奇怪! 不過我都少理佢啦，佢要行佢大公司果套如果係成功有業績咪好囉，我仲可以有多D錢賺。


星期三，終於可以Free啦。 唔洗比應酬Belle，佢自己一個由元朗返工。 我可以係屋企休息下。


上午時間，我轉左Whatsapp比Alice。 計一計都有2日冇搵佢，都差唔多要理下佢啦。


Alice好快就回我；【哦… 係啊。 咁好有新同事咩?? 要二少爺你親自去帶佢做野，肯定係靚女啦!! 你小心D比你個靚女友扭耳仔!】


Alice又再提Belle啦，好想知道我同Belle發展成點吧? 【唉… 自己生意又係公司仔，好多野都要親力親為架。 班0靚個個掛住出去sell客，點會肯教新人做野啊。】


【哦…咁姐係靚女啦…. 你真係有艷福，靚女成日圍住你。】Alice打完之後再補多句: 【唉… 不過你女友就慘D，身邊咁多女。】


【點啊? 傻左咩你。 係唔係返梗工? 今日搵你食飯好唔好?】 似乎佢真係有幾多不滿，同時又好掛住我。 我知道佢一定會上釣。



【SORRY! 我今晚要同老公食。】


【我係想約你Lunch食啊。 唔係夜晚! 不過，如果你夜晚係方便，我都想同你食晚餐，你星期五六係唔係方便? 上次見你星期五六學野，我估你得閒少少。 我地又可以多D時間傾計。】


Alice過左好耐先回:【今日下午我都唔得!】


係我以為自己諗多左既時候，Alice再send一個whatsapp比我:【星期五晚就考慮一下啦，未必得。 但你唔洗問你女友咩? 佢比你出架啦?】


YES! 上釣!!!!


【如果係你肯比我約，我一定出啦。 世界未日都出黎見你一面先死啊!】


【低B仔…】 雖然我見唔到Alice個樣，但我估佢一定係度偷笑梗。


睇黎星期五晚可以再比多D進迫佢。 呵呵… 估唔到本來咁純品仲要結左婚既Alice都可以溝到。


諗返轉頭，如果當年Alice選擇左同我拍拖，佢比我食左佢或者做左我老婆又完全唔係果回事。淫人妻女一定係笑呵呵既! 偷食人妻做人第3者，果種欲望同興奮，諗起都已經硬硬地。


之後幾日，都係等佢回我一句可以星期五同我出街。


我Book定左係九龍站大廈頂樓高級食府，同時亦係酒店Book左房。 星期五晚一定要再食Alice!


到左星期五上午，我仍然未收到Alice回覆可唔可以出黎。 依幾日我已經有意無意間同佢Whatsapp講左Book左位係九龍站。不過佢都冇答我黎唔黎只係回左個Emoji笑既公仔。


正正係依一種似有若無既感覺關係，令依一份感情變得更加吸引我。 Alice你係度引誘梗我! 從我地對話中，我Feel到佢冇想推我既意思。


星期五下午5:30分，我架車泊左係Alice公司樓下。 等左半個鐘，見到Alice。 佢都見到我。


Alice直接上左車笑笑口:「做咩你係度? 等我同你食飯?」


「係啊! 咪Whatsapp講左，你都冇話唔黎!」


「哈... 咁我都應承你黎! 你咁都得既.... 唔...不過見你咁有誠意... 好啦，今晚就比機會你請我食野。」 化上一個比平日濃一點，穿上迷你裙黑絲既Alice扮到好似冇為今餐飯準備一樣。


法拉利正在紅隧慢慢推進。


「唔.... 你架車我都係第一次坐.... 好靚! 用黎溝女架啦。」


我笑一下:「係啊，依家用黎溝你。」


「依...咪玩啦。」 Alice面額微微發紅。


我開始一步一步去刺激佢，令佢跌入我既圈套中。


「冇玩架。 咩你覺得我咁唔認真架咩? 」


「哼... 你自己先知。 做咩行紅隧架? 好塞車。我地應該行西隧嘛。」


女人都係唔識靚車既真正用途:「哦~ 我地有時間，Book左7點食。 你好心急食我...餐飯咁Bor~~」


Alice望住車外車龍:「OK! 你話事啦!!」


Alice話我話事!? 暗示今晚可以比我食嘛? 佢有冇聽清楚我講咩...? 哈~ 都唔理啦，總之今晚一定有著落啦。


我地正龜速係紅隧行駛。

紅隧龜速
點解諗起響巴出文速度既

等睇jeffery屌到alice反皮

有以前細個睇恐怖片但又要驚又要睇嘅刺激感

淫人妻女笑呵呵
Jeffery屌得大力D

《新婚的我搭上了鄰家少婦》- 羅大舟篇 (九)

----------------------------------------

一個人係尖東步行著。 相對岩岩3P如今卻異常的空虛空洞無聊。 點解我去尋開心，倒頭來好似更加唔開心?


想起Alice…如果佢可以再熱情一D，又可以比到多D新鮮感同關懷我就好。


無可否認，我地結婚後，感情好似有少少變得淡及悶。 自從係大角咀住左排到依家，我同Alice之間既問題好處冇解決過。


裝修結婚等問題令我同佢之前出現撕裂，我同佢其實冇正式去傾過我地中間既事。 當中我同Mandy一齊過一段日子，係令我更加冇面目去面對Alice。雖然文仔同我講係因為我比鬼迷而影響左我。


但我好清楚知道自己。 無錯我就係鐘意去玩! 我亦清楚記得文仔叫我以後好好地對Alice唔好再出去玩。


但我真係控制唔到心態。 我同自己講都係工作姐，反正老婆個心好似仲有條刺，因為我之前打左佢一下。 自己又唔係唔識返屋企唔要自己老婆...只係憑場作興姐。


近日我都係懷住既空虛又內疚既心情返屋企。


行行下有人拍我背脊:「羅生~~ 哈佬。」


轉身看，係阿怡!!


「HI! 阿怡咁岩既~~ 你叫我大舟啦。」 原本我好反感D人咁叫我，但出而阿怡口又好似冇咁難聽。「去邊啊?」


「OK! 大舟~~ 我岩岩係附近同朋友食晚野，準備返屋企啦。 你去邊啊?」 阿恰著住白色羊毛冷衫配上黑皮短裙及膝長boot，boot同短裙之間露出一小節白裹透紅既大腿。 化上一個淡妝長髮，身上轉來淡淡西甜甜既桃香同事又散發着一股清新既香水味。


「我岩岩同客人食飯準備返屋企，你係唔係坐地鐵?」 雖然阿怡著上冷衫，但仍無法蓋去佢豐滿既胸部。 我忍唔住多望兩眼。


阿怡好似冇留意我偷望佢身體:「係啊。 不如一齊坐囉。」


我地一齊行去地鐵站。


「大舟，你係做金融既?」


「係啊。」


「姐係大時代入面劉青雲果種???」 阿怡好似好天真咁問。


「哈…. 唔係唔係。 我係做…唔有冇睇里安納度套華爾街狼人? 我係做果種。」我認真咁講出。


「唔….」阿怡想左一下:「我有睇… 唔係同劉青雲一樣咩?」


「哈….係一樣。 不過講西片好似勁好多姐...哈….」我有點失笑，估唔到佢咁認真去諗。


「下… 唔…. 定係你好似里安納度咁又吸毒又去玩女人呀….下??」 阿怡擺出一個挑戰我既樣。


一樣驚訝的樣子回答佢:「你…點知道架….? 」


「嘻嘻…. 你好搞笑…哈…. Alice一定比你tum得好開心啦…」


提起Alice我有D唔識對答:「呀…算係啦。」


我地迫入車廂，企係門邊。 冇諗到12點幾既尾班車會有咁多人。


阿怡同我企得好貼，陣陣特別既香水咪轉過來。 我既身體差唔多要掂到佢既胸。 阿怡挨住玻璃低下頭避免同我正望。


好衰唔衰，佢咁靚女又有陣誘人既香水味，搞到我既小小舟有少少反應… SHIT! 唔好啊細佬….阿怡就企係面前dup低頭望實你啊…你咪啊。


但我越要自己唔好硬佢就越係唔聽…. 唯有同阿怡講野，令佢唔好望我下面。


「嘩…又會咁夜都咁迫既….」 我是但講下野。


「係啊…. 地鐵成日都係咁…你梗係好少坐啦。」 阿怡望住我回答。


「啊… OK啦。 間中坐下。」自從有左車，我係少左坐地鐵。


「朝早返工仲多人啊! 8點半鐘去到美孚都入唔到。好彩我係荃灣上有得坐。」


我答:「你8點半返工? 冇撞到你既。 平日我8點出門。」


「我早你少少出左門。 7點45分左右!!! 我返到公司大約8:50分左右。 你又係返9點?」


「我9點前返到公司，不過我多數揸車。 依…其賨可以車你一齊返，橫掂你都係中上環返。」


阿怡好快咁答:「好啊…真係方便? 我公司係新紀元廣場果面。」


「岩啦~ 我架車都係泊果面。 我就係新紀元廣場返工。」


「哦~ 真係架??? 咁岩既~ 好啊… 咁我以後都跟你車啦~~ 唔該晒。」阿怡高興地笑一下。


去到旺角，人流少左，我地都搵左個孖位一齊坐。 阿怡一坐低已經引黎對面兩條仔係咁望住佢。


可以想像到，阿怡有幾吸引到人。 我又諗唔明點解佢會同條IT毒L一齊。


「係呢，你老公唔黎接你既，咁夜由得你一個女仔返去…佢放心架啦?」我本著好奇心態了解下佢兩人關係。


「唉…佢應該都係打梗機架啦… 平時要返工佢都打到點幾先訓，我諗星期五六佢真係可以打通頂。」講起IT毒L阿怡就有少少嬲。


「有冇搞錯… 由得自己個靚老婆夜麻麻一個人出去唔接，返到去仲要掛住打機唔理你…」 我心諗有冇搞錯，咁正你都唔搞，掛住打機??? 毒L真係毒L


「哈…邊度靚WOR!!! 你老婆仲靚啦… 係呢，你今晚唔陪佢，佢一個人係屋企啊?」


「佢同朋友食飯啊! 通常我夜晚要做野佢都自己搵節目。」


「哼~ 你有口話人。 自己咪又係由得自己老婆一個人返屋企。」阿怡得寂地反擊我。


「唉…我做野應酬，點同呢。 何況…Alice唔會有危險既。」 如果同你相比，Alice最多只係成為色狼第二目標。


「嘩…你咁講野架… 衰啦你。話比Alice知先。」 笑笑口既阿怡扮要告我一狀。


「唔好啊唔好啊…. 最多一陣請你食糖水啦。」 諗起自己岩岩又去左玩，想對Alice有少少補償，打算買西米露比Alice。


「哦… 咁好? 哈… 你唔怕Alice知道你約第二個女人去食糖水咩?」 阿怡句句都講起Alice係唔係想暗示我要記得自己有老婆?


「我其實係打算買外賣比佢架，想順個便睇下你會唔會又食姐。 諗多左啦你。」 轉一轉個靚彎等佢唔好諗錯。


「下… 原來係順便炸…唔…. 仲以為會有甜品食TIM~ 咁一陣自己買囉….」 扁著咀既阿怡散發出一陣少女既氣質。


「咁你賞面同我食嗎?」有點喜出望外既我問。


「咁…好啦~ 比你請我一次啦。」阿怡做左個鬼臉。


就係咁我同阿怡兩個人就去左食甜品，兩個人住一台面對面咁一齊食。 突然好有一種拍拖既感覺。


「唔~ 好耐冇試過咁樣坐低食甜品啦~~」 阿怡好滿足咁講。


「我都好耐冇食啦，平時好少食甜野。 因為你我破左戒。 」 唔知係唔係岩岩氣氛好好，我想試下可唔可以同到阿怡可以…keep住依個感覺。


「哼… 你自己想食就想食，又拉我落水…」阿怡白一白眼，神情好有趣可愛地責怪我。


「哈… 係啊。 比你睇穿左啦，我係唔係應該要多謝你陪我食?」


「梗係要啦你~~ 要多謝我啊。」


「下…哦…. 多謝晒你比個機會我請你食糖水啊。」 我扮唔份起咁講。


「哈…. 白痴仔…. 你好低能啊….笑死我。 唉…. 如果阿Tom可以有你一半就好….」 低下頭既阿怡同我慢步返屋企。


「…」 一時間我唔知道點回應好… 我好想講:「如果你鐘意，我可以日日出黎。」 但咁講會唔會嚇親佢??


「唉呀….你係唔係冇買外賣啊….」


OH… 老婆西米露…. 但我地已經行到屋企樓下。 我答:「唔…. 我諗我聽日先買比佢啦….哈…掛住同你傾計太開心，唔記得左。」


「哈…. 好啦…唯有係咁啦。呀….係啊…. 你係唔係真係可以車我返工?」


「係啊。 時間岩又順路，唔係浪費D油錢啊。 車你啦。係啊，我地交換電話啦。」


之後我地交換左電話。 係準備入大廈前，我刻意唔入住:「阿怡你上去先啦，我食支煙先再上去。」


「哦…. 咁好啦…」 阿怡回頭遲疑左一下後講。


我笑一笑回答「BYEBYE星期一見!」


點起香煙，回想岩岩同阿怡一齊既時間，覺得好快樂好充實….


【喂…多謝你既糖水呀。 唔好食咁多煙啦，冇益。 早抖~~】

已經諗緊之後有阿怡外傳睇

求大J同阿怡重甜

發現大家好似接受到大舟搵人妻
但接受唔到Alice搞三搞四

應該易寫過同IT Tom 重甜

心動與身動既分別