肥婆番外—bad ending我同肥婆結婚了（一）
故事最後點...哈...我同肥婆結撚左婚囉！
故事最後雖然我成功轉化mk妹，由mk妹退化返做正常人，但都無辦法轉變佢對男神既心
佢對男神依然傾心不已，縱然男神同女神結左婚
佢話只要男神一日未死，佢一日都有機會
佢話為左男神甘願做雞，做肉便器，死都得，為男神而生存都得
講到未都鐘意到痴痴地線，咁算唔算正常人？
我同佢咩關係？朋友囉... 間中出嚟食個飯，都係傾下男神既野
我同女神咩關係？同學...如果佢記得我咪係囉，不過佢點會唔記得我，因為我同左apple結婚，邊個會唔記得我？
因為任務未完全成功又未完全失敗，我留左係度
跟住故事發展，最後迫不得已同肥婆嚟左一場政治婚姻
肥婆同我結婚，佢好開心，但我....只能苦笑
睇住女神同男神結婚，幸福咁生活落去，睇住佢比男神搞，搞到大埋肚，男神同女神一齊的確天公作美
但我笑唔撚出，睇住最愛既人同第二個男人結婚大肚...
我真係笑唔出
重記得佢地結婚個日，女神掟花球，竟然比肥婆接到
當時啲人都起哄話「陳嘉榮！apple!陳嘉榮！apple!」
我心諗救撚命，你放撚過我啦！
點知條肥婆竟然講啲嚇到我鳩縮既說話
「其實...我同陳嘉榮都就結婚，我地雙方屋企人都同意左...」
咁我呢？無人問我意見？我都唔撚同意！
「wow!咁預祝你地啦！到時記得請我地飲！」
飲？飲你老母閪！成班仆街荒死唔係嚟笑鳩我同肥婆結婚！此刻既我臉色如土
抬頭見到男神既恥笑，諗起當初個句「呢個世界既主角係我！我先係主角！牙儀同Grace都注定係我，你咁撚廢，你呢啲人生失敗組就返屋企收收皮先啦...」
無錯，我真係要收收皮，今次
再望下女神，雖然佢笑住同apple講
「祝你同陳嘉榮幸福！」
我都分唔清佢笑鳩我定真心祝福
我都唔想望佢地，行左出去打比屋企人問同肥婆聯婚咩玩法
「啊仔，今鋪真係靠你啦...今次無錢周轉，如果你唔聯婚，我地間公司就要破產啦...當我求下你...」
你求我，我求邊個放過我？
命運係咁定，走唔甩
白駒過隙，轉眼間到左我同肥婆結婚個日
巴打你做乜撚
咁快出留出番外，出多幾篇好過啦
說好了的肥婆番外 打算一排出一次 放心唔會阻到出文進度
多一個正皮就出番外 打好左啦
？ 遲下出mk妹番外
