第十一章—堅係Mk
第日我返到學校,見到枱面有包士多啤梨牛奶,壓住張紙寫住「多謝尒-3- by牙儀」
我又開心又傷心,開心係因為mk妹請我飲士多啤梨牛奶多謝我
傷心係心痛mk妹既中文水平如此低劣,用曬啲火星文、5p字,我個心真係好撚痛
我都想講句「吾系甘牙化!?」
但其實我既嘴角已經微微向上揚,再多mk錯別字都敵過一句「多謝你」,mk啲講句,係開心既!係精神既!
呢一件小事已經足夠令我心花怒放,成日都笑面迎人
連肥婆抽我水,借機摸我大脾,我都笑住同佢講
「咪撚再搞啦臭閪。」
我唔敢叫佢肥閪,因為肥人通常對「肥」呢個字好敏
一陣比肥婆撞撚死就得不償失
可能今日心情好好,好快又過左一日
又到左放學既時候
行返屋企既途中,發現mk妹係我前面都行緊返屋企
佢帶住白色耳機,隻手拎住枝煙邊食煙邊行返屋企
突然諗起個次佢揸電單車車我走,我小鳥依人咁係後面攬住佢,好似英雄救美,不過英雄係佢,我都重係一個毒撚
其實mk妹...都幾型啊...
見佢咁享受此刻既寧靜,我都廢事叫佢,嘈住佢
一陣佢成句「屌你老母死仆街嘈撚住曬!」西埋嚟重撚Hurt
天有不測之風雲,但邊有諗到連續兩日係同一個地點會發生一樣既事...
Why always me?