［重開］［穿越，小甜］誤闖戀愛養成遊戲

推

文啊 叼

聽朝出

劊子手準備，樓豬

文呀

劊子手準備，樓豬

I am ready I am ready

今朝搞緊啲大單野 夜晚會出多啲比大家

咪走數同sad end 啊

「伯母！冷靜啲！」肥嫂停左手問我

「o靚仔！你邊位啊！」

「我...」係呢...我係mk妹邊位呢...係我重未諗到我係mk妹邊位既時候，mk妹就出左聲

「佢係我啲朋友...」當時我聽到真係百感交集，一嚟我有啲開心佢真係當我係朋友

但我又有一種難受既苦澀，我地真係朋友咁簡單？種感覺好似你同人玩緊曖昧，但係有一日佢同你講我地係好朋友咁

「啊...哈哈，我係牙儀既朋友！你好啊！伯母！」我苦笑，強忍心中苦澀，種種想講既野一息間好似魚骨咁卡住係我喉嚨

「係啊...我地係朋友...」mk妹個樣好似強顏歡笑咁，但我唔知點解

有時就係咁，有啲傷害總係無意，明明互相喜歡，但總是因為一些誤會，而造成不必要既距離，甚至互相傷害仍懵然不知，有時人與人之間一齊真係要緣份

「哦...原來你係我個女啲朋友，咁你嚟做咩？」

「我...」

「佢係嚟同我壯膽！老母！我要同你講！我唔要退學！」

其實mk妹同佢老母真係一鳩樣咁火爆「咩話！？你個死女包！你係咪要激鳩死老母先心息！」伯母一野拍落收錢張枱，威力大到...總之嚇到我唔敢講野

「我想繼續讀書！我要繼續畫畫！我都想過正常既中學生活！我第一次搵到人生想做既野就係成為一個畫家！」

伯母無講野，mk妹繼續講「我唔會再過啲混混沌沌既生活！我今次一定要做好比人睇！我係得既！我唔係一個得把口既mk妹！我...我以後都唔會再打交嫁啦！對唔住！比多次機會我！媽咪！」

Mk妹一口氣講曬佢想講既野，伯母都係無出聲

「媽...」mk妹發出哀求聲，但正當想繼續講落去既時候，伯母衝過去攬住左mk妹

「得啦...我做人老母點可以唔支持自己個女，我都係唔想你打交，群埋啲唔三唔四既人先咁，既然你都講到咁，我都唔阻你搵你既人生目標，你想繼續讀就讀落去啦！」

「媽...」mk妹滿腔熱淚，發出陣陣哭音

「女...」兩個互相擁抱，再係大家既懷中喊，好似少年漫咁熱血

睇到我都就嚟忍唔住叫聲「媽...」

當搞完一輪野，伯母叫我留底食飯，當係感激呢幾日照顧mk妹，伯母煮餸手勢唔錯，佢應該當左我同mk妹係「好姐妹」，但其實我同mk妹係互相屌過屎忽既關係...講笑，上過床既關係先岩

老老實實，作為呢一個遊戲既男豬，我都唔係好知跟住落嚟既路，點搵女神同mk妹之間既平衡點，正所謂「魚與熊掌不可兼得」，唔通...真係要捨其一？

［屌！話明遊戲！又點會咁死板呢！］

「咁即係點啊...」

［睇下個好感表先講啦！］

好感值———————————

女神grace 80

Mk妹牙儀 90

肥婆apple 25

好感表（男神mark）

女神grace 20

Mk妹牙儀 30

肥婆apple 90

肥婆90分

唔好停啊

「哇...原來不知不覺就行到嚟呢一步啦...」

［野都扑埋，嘴又錫左，好難唔咁高嫁喎...］

「咁又係...」

［跟住落嚟你手上重有一個提示，你可以使用！」

「使用提示！」

［提示：只要好感度達到100，女主將會因太愛男主，而接受與別人分享男主，因為希望男主更幸福，將情慾上既愛昇華到無私既愛，利申：係達至100之前，唔可以比女主發現，否則會降好感度！］

我不禁吞左啖口水，同一間學校，要唔比人發現，係何等既難？！

食完餐，mk妹送我落樓，左望右望，走前錫左我個嘴一啖，「多謝你啊！嘉...嘉榮，返屋企小心啲！」之後就塊面同耳仔紅曬咁跑走

青春真好...接落嚟又難關重重啦...唉

肥婆90分

同男神一齊左成個月...好難唔90

正。享齊人之福 呢獲fat fat la

齊人之福

青春真好...接落嚟又難關重重啦...唉...

而家一路食住個面包一路行返學，話咁快又到左星期一，屌...到底點樣可以唔比mk妹同女神發現對方？

呢個問題我諗左成朝...「陳嘉榮！早晨！」我本身打算擰轉頭，屌鳩mk妹叫佢咪神早流流講啲咁唔吉利既野

但唔擰轉頭都無野，一擰轉頭真係返唔到轉頭，mk妹由MK look變返正常學生妹

本身頭上面既海苔竟然剪曬，變返普通既平陰，面上既妝都無埋，唔化妝其實都好靚，好清純，校服都著得好整齊，咁樣睇佢無人知佢係mk妹，靚左咁多同女神有得揮

［恭喜完成主線任務「mk妹重生變正常學生妹」！］

「完左主線任咩都無！」

［遲下你咪知囉！急咩春？］

「屌...做咩鳩望住我個樣望咁耐...咁樣好柒咩...？」

「唔會！你靚左好多！」

「屌！收皮啦！」又跑走左，明明讚緊你靚，又鬧人...

正當我想行前一步既時候，「嘉榮！早晨！」Grace同我講早晨，朝朝早都係咁正，永恆不變

「早晨啊...Grace...」

「我地一齊行返學啊！」估唔到女神都會咁主動

「好啊！」

「話說岩岩同你講野個個女仔係邊個嚟...？」估唔到女神咁金睛火眼睇到我同mk妹傾計

「哦...我隔離班啲朋友囉...」其實咁講都唔算大話...？

「行快啲啦！就嚟夠鐘啦！」於是女神就拖住我行快啲，令唔少人注目，「哇...咩毒撚都溝到女...」「咪係囉...早知我都去識Grace...」

我諗女神拖住我咁張揚，係想宣示主權，好似啲動物會周圍痾尿霸地盤咁

返到班房，見到肥婆同埋男神一齊坐，男神瘦左成個碼...陰公...

「啊～擘大口食我為你整既愛心早餐！」肥婆令住個匙羹喂啲不明物體比男神

男神一句聲都無出食曬佢，難怪瘦左成個碼

「你好乖啊！食曬人地整既愛心便當！」

男神一望到我，眼眸中充滿痛恨，搞到我都有啲心虛，但估唔到呢一切，至不過係一個開始...

我諗朝早我同Grace拖手都揚開曬，男神一定係酸鳩我...

「哎！估唔到榮榮會同左Grace一齊，眼光咁差，不過Mark就唔同，好識食，揀咗我呢個咁靚既女人。」成個班房無人出聲，由得肥婆自己打飛機

係小息既時候，mk妹衝左過嚟問：「今朝同你拖手既女仔係邊個？」仆街！比mk妹知道左，佢眼神充滿哀傷

「我...」正當我想開口既時候，佢又截停左我，「得啦！唔洗講！咁又係...朋友唔應該理你咁多...」又跑走左，乜而家啲女仔成日唔聽人解釋嫁...

但我今日無比佢跑走，反而捉住左佢隻手唔比佢走，「你重想當我朋友當到幾時？」我問mk妹，mk妹無講野

我再講「乜你真係當我地係朋友咩...？」我再係後面攬住mk妹

「我...」mk妹正想講野既時候

「我地已經唔係朋友咁簡單嫁啦...我鐘意你...」

「同我一齊拍拖啦！我會比幸福你！中學唔拍一次拖點叫享受中學生涯！」

Mk妹都係無講野，我以為我會食檸檬，打算鬆手既時候，mk妹突然轉身攬住我

「我等左你呢句好耐！我都鐘意左你好耐！唔知由幾時開始！我好自卑！覺得自己讀書咁差襯唔起你！所以一直都唔講！」

「點會襯唔起我，我都係小薯仔毒撚一個！」

［恭喜！成功攻略牙儀！轉為戀人關係！］

當時小息啲人去曬canteen食早餐所以無咩人係樓層，但天算萬算都算唔到......

聽日/後日大結局

推

叼 被人撞破 要齊人之福啊

升左戀人 姐係好感度100啦 轉頭再慢慢搞掂grace

推

咁急埋尾？

其實都唔急嫁啦

個題材好有發揮空間喎 真係咁快完故

個題材好有發揮空間喎 真係咁快完故

就算係有發揮空間都無乜人睇 不過可能有續集既