第二十七章—義薄雲天
正當我萬念俱灰之際,突然有一個人拍一拍我膊頭比左一個希望我
「我知道係你,比apple件泳衣我啦。」
我擰轉身一望,竟然係mk妹?!
我當時愣住了,估唔到義薄雲天既佢竟然會幫我?!但點解佢要咁做...
佢見我無反應就一手拍落我個頭度
「我叫你快撚啲啊毒撚!再唔快撚啲我都幫唔撚到你啊大佬!」
比佢咁屌一屌,我先回過神來,緊要事為重,呢啲小事陣間先諗
我拿拿林係袋度摷肥婆件泳衣比mk妹,mk妹一野就塞入袋,擰轉頭就走,不帶走半點雲彩
Mk妹真係好瀟灑,可能分分鐘重灑脫過身為男人既我
本來凌亂既內心平復左落嚟,肥婆件撚屌泳衣總算解決...
咁mk妹打算點處置件泳衣?真係百思不得其解
諗諗下就排到我,到我比訓導check
突然唔知邊條仆街起哄
「黃sir!搜清楚佢啊!佢同apple有路嫁!哈哈!」
全場人既焦點就放左落我度,有啲人恥笑,有啲人同情,有啲人變左花生魷
更重要既係肥婆望住我灼熱、火辣辣既眼神
其他人開始起哄大叫
「apple!陳嘉榮!apple!陳嘉榮!」
我心諗你地唔好再叫啦!屌你老母!
肥婆含羞答答咁講
「雖然你對我有意思...我知我係受歡迎,但你都唔洗偷我既泳衣既...衰人...」
聽到呢度,我想講,我好撚想嘔,唔敢想像如果泳衣係我度既後果會點...
不過好彩!泳衣唔係我度!
我上前行去老師面前,抬頭一望見到男神看好戲既樣
哼!睇下邊個笑到最後!
黃sir邊搜我袋邊搵件肥婆超撚大碼泳衣,重要講「嗱...呢啲兒女私情自己私底下解決啦...你收埋就好快啲拎出嚟啦...」
我無講野,因為我驚一開口就會屌撚爆黃sir
搵左一陣,但係我身上實在搵唔到
黃sir吹我唔漲,同樣男神都吹我唔漲
男神用一個疑惑既眼神望住我,佢十成係估我今次仆硬街
可惜,天意弄人,同男神所想既背離左
大家見件泳衣係我身上搵唔到,食花生既都無咩癮,人群又散開
我不禁鬆一口氣,唉...好彩大步檻過,唔係就真係呢一世水洗都唔清加玩撚完...
突然腦海諗起mk妹拎左肥婆件泳衣,咁佢諗住點?收埋左?燒左?定係食左落肚?
正想問一問mk妹點解要幫我同埋諗住點處理,我望一望女仔個邊,睇下搵唔搵到mk妹既蹤影,但都見佢唔到
突然人群另一邊引起一啲騷動,到底發生咩事呢?
我決定行過去睇下,到我做花生友
但點知引起騷動既就係mk妹...