游水 真係好有用 （2）

我唔會拎毛巾上池面

你地會唔會帶個水樽擺池邊飲？
有諗過
但又驚俾人攞（攞錯）

我有 水樽應該少啲撞款嘅

咁我試下先

自由式先一定撞，如果你認真游只會望池底，你吸氣又唔會望前面，人多撞硬

你蛙式同蝶都叫向前吸氣叫望到下，背泳就根本無可能唔撞，循環泳線游快少少都撞硬前個啲人

同埋公海邊有明確分咩「你條線」，唔通你游開條線就你霸晒咩，只有你避人/人避你，最多話池邊一開頭游個下要睇下路

所以你想係公海游直線係極難，特別公海俾游班啲人迫到得返2-3線

出到公海真係有責任睇路，我游自由式都望到前面，你而家唔係book左場，有其他人係度，真係有心避人既點會避唔到，冇人叫你好似蛙式咁直望，對眼向上望一望確定幾秒後冇人有返個意識已經夠，你得個頭頂向前撞真係會整到人，如果唔係你游背泳又話睇唔到我游自由式又話睇唔到頭撞頭入得醫院啦？就係因為我有望前面已經防止過好多次完全唔望既人衝埋黎迎頭撞既意外

我見人地游開果個位我真係唔會揀同佢迎頭出發，咁佢來來回回游你仲同佢游同一條線就會相撞，咁點解唔一開始就揀個冇人既地方先出發？如果多人既話冇辦法我都會盡量避同埋揀條易避人既線，而唔係盲頭烏蠅咁撞埋去，我游長距離都會趁轉身揀到條少人d既線游，如果對面有睇路既，大家郁一郁就知對面想向咩方向避

同理，我休息完如果有人係我頭先游緊既位游緊，我真係會過去隔離出發或者等佢返黎，唔會係佢游緊既時候同佢游同一條線，我係覺得佢游緊條線就係佢，我唔會侵犯佢條線，你所謂既「邊個游開要睇路」其實就係佢條線，佢迎頭游緊過黎你仲申請撞埋去？咁不如自己搵條冇人既線游啦

我每一日都拎緊，最大敵人唔係人地拎走你個水樽，而係你自己唔記得帶走

係，對腳唔去水，睇完片去練都唔知咩事

個池我都去開，d救生員熟口熟面，怕醜
佢唔理我咁變左下次佢認到我又尷尬

我會寧願濕住走

首先唔係想同你嘈架，原本都係諗住喺度呻吓啲泳班霸線問題

我又唔係第一日游水，鬼唔知要睇路咩，只不過宜家個情況係被啲泳班霸晒啲線，其他人得返咁幾條線游，根本係唔存在冇人/少人游嘅線，迫到游幾下又避人，游蛙式個陣踢蛙腳長期要就空間，唔可以踢到最大力同踢到最闊，就係lee下先令人燥

同埋巴打你太理想，或者我係窮L無得游會所，放工游親都公眾泳池都爆晒場。好多時唔係我唔讓人，唔侵犯人，就算你第一個人落水都好，總會有其他人游去你條線，跟手霸左條線咁你可以點？ 當你想non-stop咁游，練下長距離，又想keep返回定速度咁游，下下讓，忽然減速咁都好無引啫

同埋我又唔係特登唔望人走去撞人，係游得耐左，知道如果想練水，要變到有時要自私啲先得，做好人下下係避佢真係搞唔掂

利申：我都係廢j，純粹想練返上2:30之內游1k，諗住今年有渡海泳就試吓玩

Sorry激動左其實大家個諗法方向係一樣

所以多人咪一定要睇路，游咩式唔係藉口，如果一早望遠d既其實都可以好smooth同non-stop咁游，我游自由式穿插住都游到長距離，你望遠左同埋對面都有睇路其實好易諗到游邊條線轉左定轉右，我都知多人起上黎又教游水又企曬係池邊真係會冇位

我發現深水池因為冇得企，點多人都會易游d避到人，因為個個都游直線冇人停低，短池成個池都企到係度教游水果d夜晚真係唔使游，盡量唔好去呢d池，尋晚就係去緊個大池途中落雨轉場去室內短池先搞到冇位游

你又唔好當我聖人真係下下避可能有d小器，我有時都唔讓，或者唔留位比佢，佢耷低頭完全零意識睇路，背泳我都冇咁嬲，呢d我直接推走佢。


我講得唔好，我話大家都有自己條線意思係多人我係唔介意游斜線，不過我會盡量令大家都游直線，搵空位。但有d人真係去到你就到池邊佢會無啦啦係你正前方出發，而佢明明係大把位既呢d真係嬲，同埋我反感有人游我條線既情況係冇乜人都貼過黎果陣，有次我明明連續游左幾百都唔知點解會走過黎游我條線，我就望住佢游C型，同我相遇就埋我條線，去到對面池邊又同我條線差好遠，轉池又唔知點解黎返我條線，然後到對面池邊又離開返我條線，最神奇係佢隔離係完全冇人，佢有佢地線我有我地線，佢就每次都打斜游，呢d我又係會唔避佢

我覺得唔啱就要投訴
冇尷唔尷尬
泳班應該要租線

我好憎游游下要避開人或者停低
我會睇左成個池咩情況
搵個少人嘅位落水
有時循環線又多人又慢我唔會揀

飲開池水

放題

我就憎 快線/循環線有人停喺池邊吹水 阻鬼住曬
而家我見到有位 就會喺佢地隔離轉身
之後成條泳線就暢通無阻

http://youtube.com/post/UgkxjzVDIJ2I1sXPh-8Y2egDlPmxuSekj-tt?si=rfJK02EJAGqQnrJE

碌到呢個
95歲仲游緊
真心佩服

同意，佢唔做嘢還佢唔做嘢，我俾咗入場費、公家池我有交稅，有問題提出合情合理

我游維園啲救生員見到循環線有人停好耐會嗌人走

咁又幾好喎

可能我未夠嬲

有次有個小朋友有屋企人陪住, 但佢趁我轉身係我頭頂跳落泳池, 我就同佢擦身而過, 係我個頭隔離落水, 咁鋤落黎真係唔知會點, 我嚇到叫左一聲隔離有人問邊個叫, 我即刻同佢地講個細路係我頭頂跳水, 然後上水搵救生員講, 佢地即刻有幾個人出黎望發生咩事但係冇出聲

然後我係返個細路附近跳返落水繼續游佢阿爸先帶佢去第2個池游

第2次係大陸人教班, 50米既池佢d學生游完25就上水去返佢果度跳返落水游, 來來回回跳左好多次水, 佢地向出面跳下面就係休息緊既人, 我又搵錯人搵保安冇搵救生員, 佢望望下又唔敢出聲冇左件事

好危險
你隨時上唔到黎留言

有d場最高可容納人數過千人
https://www.lcsd.gov.hk/tc/facilities/facilitieslist/aquatics/beach/swim-admission-figure.html