聖經咁完美點解現代咁多議題都無包含？

咁姐係，聖經係真？

唔明你意思 你係咪覆錯人 因為呢個post討論緊好幾樣嘢

而我淨係拗聖經係咪跟唔上時代同聖經關於奴隸制度嘅嘢

過去二千年
連教宗個位都可以用錢買
教宗熱衷係權鬥之中, 唔鐘意邊個國王就絕罰
連岩岩瓜果件方濟各, 都不斷安插自己派別既人做樞機, 影響之後既選舉結果
一個點樣既神先會容許呢D 事發生

做野忙覆得慢，唔好意思。

（1）我覺得個問題核心有兩個。
第一，你將你既思維套左入聖經，然後兩者拼唔埋，就變成聖經講既唔啱你心水。點解聖經唔照你諗咁講，只係你一廂情願覺得聖經有需要咁講。呢度冇人係聖經作者。
第二，你當左信神既人同唔信神既人一樣，用左屬世既標準代入去睇聖經入面既人。聖經入面既人物當神有到，而如果你冇用到當神有到既眼光去睇，就必然理解唔到佢地講既野同做既野。

（2）對於保羅、腓利門、阿尼西謀，佢地每一個人都係以神為主、以耶穌基督為主。佢地得到既保障，在於有神既律法（聖經）教導，而唔在於係羅馬法律之下。

係國家法律以下既人，一樣有人可以走法律罅恰佢，甚至用埋私刑。
相反，當神有到既人，係唔會恰弱勢既人。

聖經對腓利門有詳細既描述：

腓利門書1-7
//1 我是保羅，為基督耶穌做囚徒，如今與提摩太弟兄寫信給我們的同工和親愛的朋友腓利門，
2 還有亞菲雅姐妹和我們的戰友亞基布，以及在你家裡的教會。
3 願恩典平安從我們的父神和主耶穌基督臨到你們！

4 我在禱告裡提到你的時候，總是感謝我的神，
5 因為我聽見你對眾聖徒的愛和對主耶穌的信心。
6 我求神使你與我們共享的信心發揮功效，使你認識在我們裡面一切美善的事，可以更認識基督。
7 要知道，你的愛使我得到極大的喜樂和鼓舞，因為藉著你，弟兄啊，眾聖徒的心得到寬慰。//

腓利門作為收信人（1），係屋企有教會（2）既「同工」（1）、「親愛的朋友」（1）、又有「對主耶穌的信心」（5）、「對眾聖徒的愛」（5）、使「眾聖徒的心得到寬慰」（7）。腓利門係屬神既人，用一般既羅馬奴隸主人套落去黎猜測佢會做既事，已經唔適合。

耶穌曾經用奴僕做野既本分，黎教導神既奴僕（即係所有屬神既人）寬恕由罪中悔改既人既本分：

路加福音17:1-10
//1 耶穌對門徒說：“使人犯罪的事在所難免，但那使人犯罪的人有禍了！
2 對他來說，就算拿一塊磨石拴在他的脖子上，把他扔進海裡，也比他使這些小人物之中任何一個犯罪更好！
3 你們要謹慎！如果你的弟兄犯了罪，就告誡他；如果他悔改，就寬恕他。
4 如果他一天七次犯罪對不起你，又七次轉回你那裡，說：‘我悔改了！’你總要寬恕他。”
5 使徒就對主說：“請你增加我們的信心。”
6 主說：“你們如果有像一粒芥菜種那樣的信心，即使對這棵桑樹說：‘連根拔起來，栽種到海裡去！’它也必聽從你們。
7 “你們中間誰有奴僕耕田或放羊，從田間回來，會對奴僕說‘快過來坐席’呢？
8 難道不會對奴僕說‘給我預備晚餐，束上腰帶來服侍我，等我吃喝完了，然後你才吃喝’嗎？
9 難道因為奴僕照吩咐做了事，主人就會感激他嗎？
10 你們也是這樣，做完了一切吩咐你們的事，要說：‘我們是無用的奴僕，只是做了自己應該做的。’”//

呢段有兩個意義。第一，腓利門應該接納阿尼西謀，呢個係佢作為神既奴僕既本分。第二，17:8 提到既一般情況，同另一段聖經既主僕關係有強烈對比，就係我之前提到既路得記。

路得記2:4-5
//4 當時，波阿斯剛從伯利恆來，對收割的人說：“願耶和華與你們同在！”他們對他說：“願耶和華賜福給你！”
5 波阿斯對監督收割的僕人說：“這年輕女子是誰家的？”//

當中，波阿斯係主人，佢有僕人（奴僕）監督收割，係呢個監督之下收割既人都係波阿斯既僕人（奴僕），但係佢地既互相問侯係對等既，佢地一同係耶和華之下。

呢個平起平坐既關係並唔留係問侯，甚至去到食飯。

路得記2:14
//14 到了吃餅的時候，波阿斯對路得說：“到這裡來吃一點餅，拿你那片餅蘸著醋吃。”路得就在收割的人旁邊坐下來。波阿斯把一些烘好的麥穗遞給她，她吃得飽足，還有剩餘。//

波阿斯果度，即係路得去果度，就正正係收割既人側邊。呢個係主僕一齊食餅既情況，甚至可以話無分彼此。

甚至去到做野，波阿斯係自己落手做，同僕人（奴僕）無異：

路得記3:2
//2 你看，波阿斯是我們的親戚！你與他的女僕們常在一起。你知道嗎？他今夜會在碾禾場上揚大麥。//

點解要講波阿斯，係因為呢個就係認識神既僕人之主既典範，熟悉聖經既腓利門唔會唔知。更進一步，保羅因腓利門既感恩，字裏行間透露出保羅提醒腓利門就係一個好似波阿斯咁樣既人。

腓利門書7
//7 要知道，你的愛使我得到極大的喜樂和鼓舞，因為藉著你，弟兄啊，眾聖徒的心得到寬慰。//

寬慰，原文都可以係「留係上面」。

路得記2:13
//13 路得說：“我主，願我在你眼裡蒙恩，雖然我連你的婢女都不如，你還是安慰我，對我說關心鼓勵的話。”//

說關心鼓勵的話， 原文係「向心上說話」。

既然用字、意思、背景都相近，而且佢地都熟悉既聖經，可以合理推論，保羅向腓利門既懇求，係好似波阿斯對佢既僕人（奴僕）咁樣。呢種主僕關係，相比一般羅馬奴隸既待遇，係風馬牛不相及，所以我先會話，奴隸只係個名，如果你當神有到。而呢個正正都係你既基本假設既偏差。

（3）再進一步咁講，你不斷抬舉既自由，並唔能夠超越神既主權。以神為主既人，都知道大家都只係奴僕，只不過由法老既奴僕成為神既奴僕（出埃及記3:12），而唔係冇王管既「自由人」。

你提到既提多書：

提多書2:9-10
//9 要勸奴僕凡事服從自己的主人，討他歡喜，不頂嘴，
10 不偷東西，倒要顯出一切美好的忠誠，好在一切事上都為神——我們救主的教導增光。//

的確係對奴僕既吩咐，每個人都有係當時情況見證主耶穌既野，對於奴僕都唔例外。但係你用左唔反對奴隸主義就係支持既二分，就係太過武斷。聖經根本唔係想講呢樣。綜觀成章，類似既勸告仲有向男女老少。

保羅係另外既書信咁講：

哥林多前書7:20-24
//20 各人蒙召的時候怎樣，他就應該保持怎樣。
21 你蒙召的時候是奴僕嗎？不要在意（但是如果你能夠成為自由人，還是把握這機會更好），
22 因為奴僕在主裡蒙召，就是主的獲釋奴僕；同樣，自由人蒙召，就是基督的奴僕。
23 你們是用重價買來的，不要成為人的奴僕。
24 弟兄們，你們各人蒙召的時候怎樣，就應該在神面前保持怎樣。//

保羅講到保持蒙召時既身份，但奴僕當有機會成為自由人，把握機會就仲好。如果將保羅講成支持奴隸主義，明顯就係表達緊對聖經既唔熟悉。
要留意既係個原因：唔成為人既奴僕，係因為要做基督既奴僕。

一個理想既世界，係每一個人都活係神既律法（聖經）之下，服係神既主權之下，呢個就係天國。

好消息：天國近了。
講白D：全部人都做神既奴僕，真係好！原因係，神講既美善，人將會全部照做，神講既邪惡，人將唔會再做。

耶和華係殺人既神，當然要排斥

名為「神聖經文和繪畫之鏡世界基金會」組織稱，他們通過鏡子看到達·文西著名的炭筆素描《聖母聖嬰和聖安妮及施洗約翰》中出現《舊約》中戴著頭盔的上帝耶和華的頭像。

唔緊要 我都唔係覆得快

我冇認為腓利門佢哋當神冇到，但世界上唔係得三個人，即使腓利門當佢係親愛嘅弟兄（先假設按照路得標準），但除非阿尼西謀永遠自我軟禁喺腓利門屋企，如果唔係總有人以屬世嘅標準同眼光看待佢，因為喺屬世嘅法律上佢的確係奴隸。

當神有到嘅人唔會恰弱勢嘅人，但世界上唔係每一個人都當神有到，尤其是當年基督教備受打壓，可想而知絕大多數人都係當神冇到，即係社會上絕大多數都會視佢為奴隸。

我亦唔係當腓利門係一般奴隸主，而係有啲嘢唔係腓利門話到事。就例如保羅都因為傳教而逮捕入獄，腓利門其實都有同樣嘅風險，而喺羅馬法律上如果奴隸要「落口供」（因為奴隸必須保護主人，所以政府首先會強制收購嗰個奴隸），係必須用酷刑審訊（因為認為奴隸唔會講真話，但實際上只係屈打成招）。好多呢啲社會同法律上對奴隸嘅做法唔到腓利門控制，只有成為自由民先可以逃過一劫。

對於你話唔反對就係支持太過武斷嘅說法難以認同，唔反對其實即係等於默許，而默許就隱含緊支持嘅面向（試想像吓，議會投票表決嗰陣投棄權，實際同投支持係相差無幾）。所以我係講「或多或少哋支持奴隸主義」，雖然支持嘅程度上比較低，但的確係一種支持。

關於哥林多前書嗰部份，就正如前面提過唔少羅馬人嘅祖先都係奴隸，即係唔少羅馬人都賦予過奴隸自由，但你唔會話呢啲羅馬人唔支持奴隸制度。所以即使保羅有叫奴隸要把握機會成為自由民，都唔代表保羅係反對/唔支持奴隸制度。

耶撚會話係神俾惡魔咁做

如唔憑實力選擇做狗，腦細點迫到我做狗

Bruh , what does that man ?

我回應翻關於你一開始「第一」嗰部份先，頭先寫漏咗。

其實會唔會只係你過於盲目而睇得聖經太完美呢？就好似#97同#107嗰位巴打所言，聖經就算有跟唔上時代嘅地方都唔會減損佢嘅核心價值。

而且唔係我一廂情願，你試下出街問人（喺唔透露係聖經內容嘅情況下），無論對方係咪基督徒。我敢肯定現今嘅文明社會大多數人都會認為賦予埋自由一定係更好嘅做法。

其實世上超過60%相信耶穌基督係神係救主嘅人都唔信聖經係完美/相對無誤。只係咁啱香港係新教最大，而新教徒崇拜嘅係聖經而唔係崇拜神，所以先會令香港人有呢個基督徒相信聖經係完美嘅錯誤印象。

乜原來有啲咁嘅統計學到嘢

百科全書咩

例如出於教義/愛上帝/維護宗教/去打仗
或其他不符合現代價值觀既行為 （牧師拿住本舊約照版煮碗叫做入面既野證明你愛神）
咁究竟係：
1. 不論邊個時空都係犯罪（指道德多眾 法律唔計）
2. 係某個時空做某件事先犯罪 （個道德龍門係
上帝定人類度？）
3. 由頭到尾都無犯罪 因為因信稱義
4. 聖經亦有寫 只係解讀問題 但洗唔洗落地獄？

聖經教人點愛神
但點樣愛神亦唔可以同社會同倫理分割
宗教亦應該有倫理觀去引導教徒咩係岩咩係錯
但基督教最高道德指導者係上帝 比起佛教基督教道德觀更加模糊

對康德體系黎講
時空 時代 環境 （aka 經驗 ）唔可以當作藉口構成特定道德行為 （第一定理）

基督教做唔到普遍化原則 如果你今日可以用神既名義殺人 其他人亦都應該跟隨
但推落去如果你唔跟既話 會落地獄
條件亦都唔應該構成道德行為

而因信稱義 信上帝得永生做好事本來就唔應該
因為你收左報酬（假言令）

而出發點係幸福而做亦都有問題 （第二定理）

最大問題係上帝審判人類係無從得知 咩係岩定錯 但係聖經入面上帝係有人格 佢審判係咪一定公平？邊個知？

其實好易計，天主教50.1%，東正教10%，兩邊已經60%。未計其他少派。天主教眼中只有教宗先係無誤，佢哋嘅典經係根據教庭可以隨時更新。所以先會天主教聖經比新教聖經多幾本書。
東正教就係話聖經要經由佢哋嘅傳統同奧秘先可以有正確理解，所以聖經都唔係最高權威。

新教最多36%。只有新教先會信唯獨聖經Sola Scriptura呢個教義。當中無人答到Sola Scriptura嘅矛盾。即係話聖經根身已經無講過Sola Scriptura唯獨聖經呢個教義，如果你信呢個教義，即係信緊聖經以外嘅教義，即係已經違反咗自己嘅教義

天堂係有林鄭既地方
基督徒死後就會上天堂日日對住佢

你搞左咁耐，其實就你想神唔存在。
我唔知點解神存在論證明明已經成千歲而且係用邏輯寫成會咁生保而且根本好reader friendly ，但神存在就已經係解決左

至於人犯罪、人用神既名犯罪，呢兩點同神有咩關係？

另外，神既道德與否，我地最多打到平手。我唔知點答OT你一樣答唔到NT 。
但神存在你永永遠遠都解決唔到

神唔道德，唔通人口、器官、軍火、毒品販賣既撒旦道德咩？
教人偷兄食弟、傷風敗俗、亂三綱敗五常又道德唔道德？
話上帝唔道德既，其身可正乎？

仲有，由無神論講到上帝道唔道德，第一注而且最重要個注已經輸左，仲黎？

神點做，我唔知。
唔想生不如死既自己諗過，煮得你就冇煮錯人。大家自己人唔洗轉彎抹角

上帝點解殺人殺到咁勁，我唔知。但耶穌一樣上十架

評價一個人，方法論，一定正反雙方。

另外，當你要指控神唔道德，你已經承認1.神存在2.聖經為真

你仲點敵基督？

唔係自己人，講錯

大家咁熟老朋友先岩

有錢有人有權有咩用？

神用阿奎那寫神存在既邏輯論證，有錢有權都overide 唔到。

論證都搞唔掂，仲講生同死？死有死得咁易？

死得咁易咁枉死慘死個d點計？


不過人人都可以得救，那怕係殺人放火乜都做齊既人。

口裏承認、心裡相信、信心與行為相稱就天堂見。或者，火燒加蟲咬做幾多受返幾多

神要搵人，doomsday bunker 都保你唔到

人生如燈滅咁真係好荒謬但上帝唔係水魚，聖經係咁寫

我係有神論都話你個新教神不道德喎
同埋你個前設又錯。我唔相信有宙斯嘅存在都可以評論宙斯誘姦伊俄係不道德。次次出聲護教都令基督蒙羞。你仲嚟？睇嚟你真心想做敵基督

咁都冇話唔得既，討論個唔存在既對象討論得咁嚴肅。
姐係我討論8頭4身怪約我食飯，我走去明小明我去唔去好。
小明應該會o哂嘴

空中樓閣係個人選擇

Btw , multi-universe 個講法，一樣冇出到第一因問題。

所以，神存在論證既討論，應該仲係阿奎那個框架入邊

得你一個白卡仔覺得好嚴肅。正常人討論一個假設性問題係唔會覺得有咩問題。
另外你回應唔到我呢個有神論者都話你個神不道德。唔好又逃避討論啦。

次次出聲護教都令基督蒙羞。你仲嚟？睇嚟你真心想做敵基督

魔鬼道唔道德？