聖經咁完美點解現代咁多議題都無包含？

炉利有三好

67 回覆
7 Like 26 Dislike
炉利有三好 2025-05-14 20:55:32
首先係 人同貓狗- 寵物既關係
聖經講動物係無靈魂
但佢又無講到點解人類會當左貓狗係屋企人既關係？基督教黎黎去去都係講因為佢地無靈魂理解唔到亦歌頒唔到上帝（但大多都比某國人有血性）所以無得上天堂？

環保/動保
接上面 基督教認為動物只係神創造出左黎比人類勞役
而基督教義而無講過我地點對動物會有咩後果 咁講既話從何談動保同環保

偶像
聖經明明話唔可以拜偶像 但我睇到更多係spin點解追星唔當拜偶像 點解你寫聖經果時唔寫清楚？

流行曲
音樂對基督徒黎講係用黎歌頒神 其餘都係路西法陰謀 但有幾可見到基督教徒出黎反星反流行曲

舊約太血腥？
你選擇性睇書架？點解基督教唔鼓勵睇舊約
唔鼓勵理解下神要試探信仰一係殺人一係trust me bro

一夫一妻制
舊約聖經無一夫一妻呢樣野
聖經好多人物都有幾個老婆架
點睇都似係基督教選擇性失明唔將舊約D仆街野當一回事

如果聖經無interpretation 應該都係會變伊斯蘭教之流 但將聖經左spin又spin 更顯得基督教心虛
低cup職員 2025-05-14 20:56:30
呢個係神嘅考驗
請不要挑戰神
enter90 2025-05-14 21:06:15
聖誕完美？
連繫人 2025-05-14 21:09:43
聖經其實私底下有D部分比魔鬼改寫咗。我哋而家睇緊嗰個部分並非2000年前最初出個原始版本。
職安契弟 2025-05-14 21:10:52
聖經乜都寫明咁班教會神父食穀種？
根本呢啲宗教就係傳銷
牧師神父就係sales 跑數，靠把口搵食

簡單講
聖經咪就係份保單package
至於點樣吹到你肯比錢買
就要靠個agent 把口

好難明咩
清水邦廣 2025-05-14 21:19:54
殺人放火 死前信主得救 🤣
唔可以拜偶像 除咗我😂
啲真理完全九唔搭八
整代人消失 2025-05-14 21:21:06
So young.
24人共用帳戶 2025-05-14 21:35:19
首先係 人同貓狗- 寵物既關係

聖經講動物係無靈魂
-人係最高級，所有其他受造物都係圍住人類轉，包括天使。

但佢又無講到點解人類會當左貓狗係屋企人既關係？
-人自由意志選擇，原則上你你既選擇最終令你更更親近上帝定係遠離上帝。

基督教黎黎去去都係講因為佢地無靈魂理解唔到亦歌頒唔到上帝（但大多都比某國人有血性）所以無得上天堂？
-天堂係為人所做，新天新地無人知係點，做時人會transend，所有喺地上嘅關係喺天上已經不再重要包括夫妻關係，但到時嘅狀態你會比而家滿足更加多，係完美嘅滿足，到時天堂所有人都會同等地相愛對方完美嘅愛，冇分夫妻家庭呢啲關係，所有人嘅關係會類似聖父聖子星神之間既三為一體完美關係完美既愛。


環保/動保
接上面 基督教認為動物只係神創造出左黎比人類勞役
-人係地上代表上帝嘅至高受做物，地指派管理所有其他受造物，點樣管理係人嘅自由意志決定。

而基督教義而無講過我地點對動物會有咩後果 咁講既話從何談動保同環保
-上帝唔會乜都俾晒指示叫你一定要跟住做，最終原則就係你做嘅嘢會令到人同上帝更加靠近定係遠離上帝，點樣做動保同環保係人既事。


偶像
聖經明明話唔可以拜偶像 但我睇到更多係spin點解追星唔當拜偶像 點解你寫聖經果時唔寫清楚？
-跟上面最終原則

流行曲
音樂對基督徒黎講係用黎歌頒神 其餘都係路西法陰謀 但有幾可見到基督教徒出黎反星反流行曲
-跟上面最終原則

舊約太血腥？
你選擇性睇書架？點解基督教唔鼓勵睇舊約
唔鼓勵理解下神要試探信仰一係殺人一係trust me bro
-聖經成本都要睇，冇聽過有人鼓勵唔好睇舊約，調返轉一定係成本都要睇，只係建議由新約開始睇比較易。但其實由邊度開始睇都一樣，因為聖經本身係由超脫時間以外嘅神所默示，所以唔似一般普通書咁要有次序由chater1 睇起。I am tthe alpha and omega, the beginning and the end. 頭又係尾，尾又係頭好似個圓形咁。

一夫一妻制
舊約聖經無一夫一妻呢樣野
聖經好多人物都有幾個老婆架
-呢個人既選擇，婚姻一男一女設立，二人成為一體。喺呢個原則以外嘅都係人自己嘅選擇。另加上面最終原則。

點睇都似係基督教選擇性失明唔將舊約D仆街野當一回事
如果聖經無interpretation 應該都係會變伊斯蘭教之流 但將聖經左spin又spin 更顯得基督教心虛
-有研究聖經嘅話會知道你所講嘅所謂仆街嘢係成日拎嚟討論的
我家小霞會噴水 2025-05-14 21:36:38
因為係人作出來

連天堂係乜野都無寫
一夜夫妻120蚊 2025-05-14 21:52:30
聖經有預言既部分但聖經唔係推背圖
M12345 2025-05-14 21:58:17
其實靈魂係指上帝吹入人體果啖氣
貓狗可唔係另一種方法處理
你只係理解唔到果個「嘢」係咩嚟
而果個「嘢」唔叫靈魂
靈魂係聖經入面有佢嘅definition



另外對待動物聖經其實寫得好清楚
我搵Chatgpt寫d：

1. 箴言 12:10

「義人顧惜他牲畜的命；惡人的憐憫也是殘忍。」
這節經文很直接地表達出：義人會憐憫、善待動物，甚至連惡人表面上的憐憫其實也可能是殘忍的。可見善待動物是義人的表現之一。

2. 創世記 1:26

「神說：我們要照著我們的形像、按著我們的樣式造人，使他們管理海裡的魚、空中的鳥、地上的牲畜、和全地，並地上所爬的一切爬物。」
這裡提到神給人類權柄去「管理」動物，但這個「管理」（英文是 have dominion over）在神的心意裡是負責任、慈愛的治理，不是任意傷害或虐待。

3. 出埃及記 23:12

「六日你要作工，第七日要安息，使你的牛驢可以歇息，並使你婢女的兒子和寄居的都可以舒暢。」
這裡提到連牲畜都應該在安息日休息，表現出神對動物也有體恤和照顧的心。



你剩餘嘅其他問題都可以問chatgpt
佢會幫到你去了解多d個真相
丁.賈琳 2025-05-14 22:02:41
樓上基督朋友鼓勵人「你剩餘嘅其他問題都可以問chatgpt
佢會幫到你去了解多d個真相」，咁會少左好多人番教會，然後慢慢就散
Cirilla 2025-05-15 00:40:40
講到聖經跟唔上時代 我諗起一個例子
現代嘅普世價值其中之一係人人生而平等
所以喺文明社會基本上奴隸制係犯法嘅
而且我諗今時今日新教定舊教都會反對奴隸制度

但係新約嘅腓利門書當中 使徒保羅曾經將一個逃走嘅奴隸遣返去佢主人手上 而唔係解放嗰個奴隸
沾衣 2025-05-15 01:21:00
亦都冇解釋炉利有邊三好
大大大大笪地 2025-05-15 03:07:19
總結 聖經講嘅野唔夠全面 所以唯讀聖經係有啲唔完美 所以返教會聽教會解釋係有必要嘅 而天主教有聖傳、教理同其他神學作品解釋相對比較完善 所以我想分享以下嘅觀點

1. 貓狗有靈魂，亞里士多德的《論靈魂》。亞里士多德認為有「三魂」，即生魂（生長能力）、覺魂（感知與活動能力）以及靈魂（理性思考能力），至於可唔可以上天堂，我係相信有動物喺天堂上面，因為聖經寫「豺狼和羔羊將要一齊牧放，獅子要如牛犢一般吃草，塵土將是大蛇的食物；在我的整個聖山上，再沒有誰作惡，也沒有誰害人：上主說。」，不過係咪地球死咗嗰啲上去呢？我都唔知，延伸閱讀: https://christiantimes.org.hk/Common/Reader/News/ShowNews.jsp?Nid=169074&Pid=104&Version=0&Cid=2053&Charset=big5_hkscs
我鐘意作者無乜既定立場塞畀你，好啱任何人睇

2. 環保嘅理由愛主創造的受造物，同環境保持和諧嘅關係最後受益嘅又係人類自己。聖經寫「然後耶穌對他們說：「你們往普天下去，向一切受造物宣傳福音」一切受造物都包括動物，聖方濟亞西西曾經對魚講道，魚兒歡欣躍動，聖經中亦有先知同一隻肚餓獅子困埋一齊而冇被咬，證明受造物(特別是大自然)同造物主有某種聯繫

3. 偶像，意思隨住時代改變，例如可圈可點以前嘅用法啱啱好係相反意思，拜偶像未至於偏離到相反嘅地步，但係同現代先至喺電視出現「偶像」嘅意思好明顯唔同

4. 流行曲，偏激化任何野都會向壞方向行，我唔覺得教會有咁偏激，如果有留意返咩門派，我至少肯定天主教無

5. 舊約就算血腥都係講事實，現實就係咁醜陋，但是醜陋嘅事再多，你一定可以喺經文脈絡中揾到善，聖經主要就係講善，如果睇唔到善，你好易俾呢個世界嘅罪惡淹沒，求其碌下連登，有幾多篇係開心嘅? 新舊約都要睇，我推薦由四大福音睇先

6. 一夫一妻制由舊約創世紀已經啟示咗，聖經寫:

「他們對他說：「那麼，為什麼梅瑟還吩咐人下休書休妻呢？」耶穌對他們說：「梅瑟為了你們的心硬，纔准許你們休妻；但起初並不是這樣。」...

有興趣就睇埋聖經佢點答，不過重點關於唔可以離婚嘅教義上面，而呢度嘅意思即係婚姻同創世紀有關 !!! 造物主從一開始就訂立咗婚姻制度，一男一女，上主祝福了他們，生育繁殖，管理大地，同依家嘅婚禮無分別(不過見證人係主)，一夫一妻制係教義，舊約啲人違反咗有啲因為真係衰咸濕，有啲真懵盛盛，去到耶穌先知清楚了解經文嘅意思，有人衰心硬講咗唔聽，所以依家梗係要跟返耶穌嘅意思，唔係因為舊約班人唔駛做，就跟隨佢哋做咸濕仔
芝麻沙律狗 2025-05-15 04:59:53
動物
聖經只係叫人類「管理」動物，你當寵物養又得、當食物食又得
只係佢哋無靈魂，好似植物咁死咗就死咗、無下場(天堂/地獄)咁解

環保/動保
繼上，你都無講錯，動物嘅作用就係畀人類用
所以我哋攞嚟騎、攞嚟食、攞嚟養、攞嚟着呢啲合理嘅用途都係OK嘅
當然虐待、暴力呢啲就唔得啦，聖經有講「顧惜他牲畜的命」

偶像
古時「偶像」係其他神明嘅雕像咁解(所以先攞嚟供奉)，並唔係指明星
除非你攞張敬軒當黃大仙咁拜，如果唔係聖經無話唔得

流行曲
無聽過呢個講法...... 唔好喺教會開流行曲演唱會就得啦

舊約太血腥/選擇性睇
唔鼓勵睇舊約係因為有啲嘢已經outdate咗
好似你簽咗張contract(舊約)，之後再簽修訂版(新約)
咁有咩事梗以修訂版(新約)為準、舊約只係參考用

一夫一妻制
呢個我都覺得可圈可點，聖經「行淫」主要係講唔好搞人妻
反而現實一妻定多妻主要係睇社會結構，有冇基督教嘅變化都差唔多
以前打仗死得男人多、女多男少，咪行多妻生多幾件
依家無死等咁多男人、男女平衡，咪行一妻
中國都唔係基督教立國，都係行一夫一妻

聖經左spin右spin
你啱，聖經出版咁耐就畀人spin足咁耐
不過唔理人哋啱定錯，依家聖經週街有得賣，人人都可以自己睇唔洗畀人spin
自己唔用腦、剩係走去聽懶人包嘅人先會畀人spin
聖經都有好長篇幅話呢啲墨守成規嘅人(法利塞人)
蜃気楼 2025-05-15 05:10:57
可唔可以講下 聖經入面點解冇 太多科學既野
例如 細菌微生物之類會致病?
牛油豬 2025-05-15 05:17:51
以我自己理解講啦 因為聖經唔係主要為左解釋呢個世界點構造 主要係為左比人知道自己同神既關係 因為神睇人係好的 係愛人 所以想人都知道自己被愛 同神有關係
炉利有三好 2025-05-15 07:28:22
咁教徒其實點理解原教旨主義？成日話聖經好多野都係比喻
聖經係真理但呢樣又係人類去釋義唔會好奇怪咩？聖經係真理但每當社會制度改變好多野都唔係universal ture 例如上面講既奴隸

動物（特別指貓狗）有能力愛人（提供情緒價值 好多貓狗主人過世時係獸醫度半夜睇醫生都聽到佢地喊到七彩）但卻無資格上天堂
我識既基督教徒好多只會認為貓狗係可愛
但同佢地又好似保持一段距離
一夜夫妻120蚊 2025-05-15 07:36:40
咁神存唔存在？

神唔存在就冇天堂，冇天堂你既論點唔成立，即「卻無資格上天堂」

仲有，聖經係咪真？

如果聖經係假，咁你討論緊假野。如果聖經係真，咁我地可以詳細研究
大貝獸物語 2025-05-15 07:39:30
真

各地靚到癡線嘅教堂就係好勁嘅Marketing

古代係大白象工程，但同時又真係造得好靚畀你

去到現代就變成古蹟同旅遊景點

大白象嚟講有誠意過明日大嶼或者高鐵站呢啲垃圾好多
Pastor_ET 2025-05-15 10:15:09
嘗試解釋, 這個是我的看法, 沒有對錯, 亦有機會聖經沒有明確指出, 所以 不合口味勿屌

寵物
大多數基督徒都認為受造生命係分靈、魂、體
人有齊以上, 但係動物只有魂與體
因為世人所講上天堂, 係神對人類救贖的計劃, 至於神有無對動物有類似的計劃, 就不得而知, 只有神知道, 你可以祈禱問下佢
參考資料：
https://www.christiantimes.org.hk/Common/Reader/News/ShowNews.jsp?Nid=81193&Pid=6&Version=0&Cid=150&Charset=big5_hkscs
＂基督教認為動物只係神創造出左黎比人類勞役＂
你可以咁睇，神創造整個大地，原本只係俾你管理，俾你點管都得，但係你管理同時，有無對其他生命有愛對待，體現神的本質（神是愛嘛）？如果咁諗係唔係會好Ｄ，唔會為左聖經寫乜而行，而係體現聖經經文背後的精神所在？

偶像
聖經的經文，尤其係希伯來文，係一詞多解，你要求聖經明確界定清楚，係唔多現實，例如拜偶像，如果你整本聖經來看，最終極的解釋係，你不信神／所安排，唔係神心意的事，都係拜偶像，所以你說的追星都係拜偶像一種，總之個件事，已經成為你心中的最重要的事，個件嘢就係你的偶像，咁你可能講，咁就大獲，呢個世界已經全部嘅事都無神啦，無錯，自從阿當被人趕伊甸園後，魔鬼就掌控 (不是掌權) 世界, 幾乎所有人開始生活無神, 神係舊約時代搞極都係脫離唔倒魔鬼, 最終派耶穌前來用神的愛吸引人回神的身邊，所以現實係你選擇神定仍然選擇世界 (你所說反星反流行曲反世界的事等等)

舊約血腥問題
我可以講你聽, 我有位弟兄, 同你看法一樣, 即係唔係只係其他人覺得會有呢個問題, 在我看法就係, 你用乜嘢目光同心態去閱讀呢本聖經，你無帶住神愛世人的心，你讀新約舊約一樣殘忍，好似有人鐘意一個醜女, 外人就會講：豬扒都當貂嬋, 難道呢個愛係值得可笑嗎, 舊約一樣重要, 無舊約, 點會知道神係新約更愛世人? 神係可以給你去驗證, 不過好多人都因為其他人的看法選擇放棄

一夫一妻
聖經內所記載的例子, 大多數都係反面教材, 凸顯人在神面前的無能遵守神的誡命, 神一開始只造阿當夏娃, 如果不是一夫一妻, 點解唔開初做一堆人男人女人, 由一堆人男人女人做家庭, 而只做一個男人一個女人?


不過我都知道, 咁樣講大多數人都會覺得我 on 9
但係又有幾多人會用一個友善的心去察驗事情?
耶穌說："...........凡不因我跌倒的，就有福了。”（太11：4-6）
水豚君巴拿巴 2025-05-15 21:30:05
你當聖經係百科全書咩
芝麻沙律狗 2025-05-15 22:03:45
咁當時背景真係無咁多科學知識同字詞
好多當代衛生嘅議題都係以規矩嘅形式去講
(例如間屋發霉要鎖7日、有某啲病要隔離、肉要煮到無血先食得等等)
無證兒童 2025-05-15 22:14:13
因為冇包含先完美
吹水台自選台熱　門最　新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑　洞