呢D都係好深入既問題。必須仔細咁睇返經文點講。
1.1
伊甸園入面有生命樹同知善惡樹
咁知善惡樹邊個創造 創造目的係乜？
唔想比人食點解要放係度？
關於兩棵樹，聖經係咁講：
創世記2:8-9
//8 耶和華神在東方的伊甸栽種了一個園子，把他塑造的亞當放在那裡。
9 耶和華神使各種樹木從土地裡長起來，使人看著喜愛，果子又是好的食物。生命樹就在園子中央，那裡還有善惡知識樹。//
聖經對兩棵樹既強調，我同quote 你講既有少少差別。首先係話生命樹就係中間，即係生命樹先係核心，先係重要果棵，先係神想人食果子果棵。然後補充返，唔止既，仲有棵善惡知識樹（不過係咪中間就唔明顯）。
聖經作者強調、神想人食（而且任食）既生命樹既果子得生命，人就冇反應。神講到明唔食得果子果棵，反而好有興趣。
關於田地（「東」邊有伊甸，伊甸其中有園子）同草木既創造，聖經係咁講：
創世記2:4-6
//4 以下是創造天地及其後發生的事：耶和華神造地和天的時候，
5 地上田野還沒有任何灌木，田野還沒有長出任何草穀豆蔬，因為耶和華神還沒有降雨在地上，也沒有人耕種土地；
6 不過有泉水從地裡湧上來，澆灌整片土地。//
呢度有兩點可以留意。第一，聖經並冇興趣交代D野點黎，例如田野就咁就已經係果度。第二，相對於第一章，呢個係人既角度既描述：仲未有灌木草穀豆蔬，個原因竟然係因為冇落雨冇人耕（而耶和華神降雨係耕田既人極之重視同需要既）。
如果睇返原文，「那裡還有善惡知識樹」就只有「And善惡知識樹。」，成句完整句子介紹，唯一語意上有意義既字就只有棵樹個名。所以你問善惡知識樹邊個創造，我會話聖經特登唔提，因為唔想讀者將個重點放係呢度。如果睇返第一章，好明顯就係神創造。而創造目的同點解放果度，都係聖經特登唔講，而且其他經文都冇確實答案。之但係，第二章有第二章既野講。如果將自己既思路取代聖經作者既思路，咁就會越問越遠。如果聖經都唔想講，又點會問到答案出黎呢？
1.2
有自由意志唔代表上帝尊重自由意志
神只容許你用“自由意志“聽從我說話
否則你就要受罰 面對呢個情境
你可以打開哲學書對於自由意志一般共識
呢個係威脅行為黎
而且上帝開出黎既選擇係False Choice
正確答案只有一個
呢部分問題，有三個位同聖經夾唔埋。
第一，要「上帝尊重自由意志」既講法係有一個更高既原則，叫自由意志，然後將神放係犯人欄，你做法官，審判神夠有冇尊重自由意志。按照聖經，冇受造既人可以要求創造既神去尊重/符合/做任何野。相反，人要尊重神。
以賽亞書29:16
//16 顛倒了！陶匠怎能被看作泥土？製成品怎可對製成它的說“他沒有造我”？塑造品怎可對塑造者說“他甚麼都不懂”？//
所以，如果要呢條問題make sense，問題入面既神必然唔係聖經講既神，而係另外人想像出黎既野。咁我就唔能夠由聖經比任何答案你喇。
第二，要受罰，以及帶黎既威脅，根本冇出現係神既呢個吩咐：
創世記2:16-17
//16 耶和華神吩咐亞當說：“園裡各種樹的果子，你完全可以吃；
17 只有那棵善惡知識樹的果子，你不可吃；因為你吃了，當天就一定死！”//
做傷害自己既事會使自己受傷，甚至死，係自然結果，唔能夠睇成受罰。
A叫B唔好由天台跳出去，跳左會死，B自己揀啦，就唔係B揀左跳既話A就攞把槍出黎射死B咁樣罰B，B既死係由高處墮下就會死既自然結果。
經文入面，神既吩咐係話唔好食（警告），因為食左會死（自然結果）。
亞當同女人既死，在於要離開生命既源頭，同神分開（創世記3:23-24），同時都同人關係破裂（創世記3:16）。
第三，自由意志呢個題目（甚至用字本身），似乎都唔係經文想討論既野。數下有幾多節冇引用到就知。
2. 條蛇係邊個創造？
惡魔係原本係天使 但天使同樣係代表神
神默許佢手下教唆他人犯罪
亞當係實行犯 但天使就係教唆犯
但上帝就唔需要負責任？
做老豆既個仔學壞 仲教唆他人吸毒
老豆放棄育兒定點？
聖經首先提到蛇既係呢兩節：
創世記2:25-3:1
//25 亞當和妻子兩人赤身露體，彼此都不覺得羞恥。
1 在耶和華神造的所有田野動物之中，蛇最狡猾。牠對女人說：“神真的說過，你們不可吃園裡任何樹的果子嗎？”//
冇錯，係兩節，唔係3:1一節。
條蛇係邊個創造？
雖然3:1呢個翻譯算好貼近原文，但係唔係唯一既可能性。因為冇標點符號，所以「耶和華神造的」係有可能只放係「所有田野動物」，同蛇完全分開，得到類似「而蛇狡猾過耶和華神造的所有田野動物」咁既可能性。呢個模糊性，相信又係聖經作者叫讀者唔好問「蛇係邊度黎？」既提示。事實上，「蛇」係原文全句第一個字，一野就講左佢係度。所以我又要答返同一個答案：雖然可以估係神，但其實聖經特登唔答，聖經有其他野想講。
惡魔係原本係天使
根據「而蛇狡猾過耶和華神造的所有田野動物」呢個可能既翻譯，「蛇」並冇必要歸類係「所有田野動物」之中，所以連佢係咩都唔能夠完全肯定，總之就有隻狡猾既nachash（音譯）出場，之後同女人講野。事實上，我地認識既蛇係唔識講野，亦都唔係食泥土（真係一條條食泥土果D，明明係叫蚯蚓）。
我搵唔到任何大力支持條蛇原本係天使既經文，如果你有不如講黎聽下？
因為上述原因，我有D消化不良，將唔到你呢條問題同埋創世記段關於nachash (「條蛇」)既經文肯定咁放埋一齊。
相反，聖經既作者用左巧妙既文字，將2:25 同3:1 串連埋一齊。
創世記2:25-3:1
//25 亞當和妻子兩人(sheneihem)赤身露體('arum-mim)，彼此都不覺得羞恥。
1 在耶和華神造的所有田野動物之中，蛇(nachash)最狡猾('arum)。牠對女人說：“神真的說過，你們不可吃園裡任何樹的果子嗎？”//
既然特登用讀音相近既字，就係提醒緊讀者兩者既關連，差之毫釐謬之千里。就算係完滿既關係當中（2:25），只要稍微曲解神既動機或者既吩咐（3:5）而自我膨脹（3:6），後果係死咁嚴重。同時，因為讀音咁似，經文似乎引緊我地去諗「條蛇」（nachash ）其實唔係人以外既野，反而更加似係由人果度出黎，就好似人本身既私慾咁。呢一點，同另一段聖經呼應：
雅各書1:12-15
//12 堅忍試煉的人有福了，因為他通過考驗之後，就會得到生命的冠冕；主應許這冠冕給愛他的人。
13 人被試探，不可說“我被神試探”，因為神不能被惡試探，他也不試探任何人。
14 每一個人受試探，都是受自己的私慾勾引誘惑。
15 私慾懷了胎，就生下罪來；罪長成了，就生出死亡。//
都係果句，自己因私慾而死就唔好賴神。
3. 詩篇51：5 係寫住
我是在罪孽裡生的，在我母親懷胎的時候就有了罪。
羅馬書 51：9
因一人的悖逆，眾人成為罪人
咁原罪唔係連坐法咁係咩？
既然以西結書講一人犯錯一人擔當
咁無罪可有又贖咩罪？
你引用左兩節聖經，而我仍然都係睇唔出點解係都要講原罪。
詩篇51 既背景，標題比我地知得好清楚，我引上半篇：
詩篇51:1-9
//（大衛的詩，交給詩班長。大衛與拔詩芭同房，拿單先知來指責他，他因此作了這首詩。）
1 神啊，求你按你的忠誠之愛恩待我！按你豐盛的憐憫抹掉我的過犯！
2 求你徹底洗淨我的罪惡！潔除我的罪！
3 因為我的過犯，我自己知道；我的罪常在我面前。
4 我犯了罪，干犯的唯獨是你；我做了你視為惡的事。因此你宣判的時候顯為公義，審判的時候顯為清正。
5 的確，我在罪惡裡出生，在我母親懷我的時候，就有了罪！
6 的確，你喜愛內心的誠實；在我內心深處，你使我得智慧！
7 求你用牛至草潔淨我，我就乾淨！求你洗淨我，我就比雪更白！
8 求你讓我聽見歡喜快樂的聲音，使你所壓傷的骨頭可以歡樂！
9 求你掩面，不看我的罪！求你抹掉我一切的罪惡！//
大衛係猶大同以色列王。佢唔係有希臘哲學思想既神學家，所以唔會寫神學著作。
大衛寫呢篇詩既之前，做左一生人做得最錯既（兩樣）野，拿單先知去講左個故仔比大衛聽，大衛終於驚覺自己竟然做左一件咁得罪耶和華既事。（撒母耳記下12章）佢既心境係冷靜定激動？一定係激動（經文幫埋我地用左感歎號去表達）。
大衛一個人宣洩痛悔求恩，係呢個情況之下佢講野講到好盡。舉幾個例子：
51:3 大衛既罪係咪真係常係佢面前？照計唔會，否則神就唔會膏立佢呢個罪人做王，帶領全體以色列人得罪神。
51:4 係咪真係只干犯左神，冇干犯到其他任何人呢？當然唔係，佢借刀殺左既烏利亞都仲未計。但係大衛深深知道神一個係最重要，得罪人遠遠比唔上得罪神咁嚴重，於是佢就講左51:4。
51:8 佢傷到入骨。
佢唔想話自己曾經有無罪既一刻，於是就講左你引用既51:5。
大衛咁激講到咁盡既野，如果攞黎做教義套係所有人身上，我會認為唔適合。
（如果適合，又點解唔見有人攞 詩篇137:9 做教義？）
因為爆4000字元，所以下個回覆先答埋淨返既3., 4. 部分。
即使我真係咁啱講咗你想講嘅嘢，你都應該繼續問同講。因為黎教主同我討論時佢已經敗走過太多次。佢似乎已經決定咗完全無視我就算
但做基督徒做到佢咁鴕鳥
畀佢知呢啲問題同挑戰係跨越唔同信仰同文化
