聖經咁完美點解現代咁多議題都無包含？

我感謝巴打禮貌回應。我接受基督教唔認同，甚至其實其他主流宗教一樣唔認同。但係呢D類似殖民地用槍逼人信天主既行為，係非常變態。片中成班人用聖經打人，話佢身上有鬼所以同性戀，而家係仍然進行緊。

喺話我扭曲聖經打稻草人之前，你所謂我首先講押送之後講遣送正正係扭曲緊事實打稻草人，我唯一一次用押送係回覆你聖經教大家點對佢，而且出現喺文末，所以你講嘅嘢完全顛倒緊事實。
使用更強硬嘅押送一詞明顯係為咗突顯聖經嘅教誨居然教人送逃跑嘅奴隸翻去佢嘅主人度係幾咁諷刺。
除此之外我喺呢個Post都係用遣送嘅，而我用遣送去指將一個人送翻去佢原本嘅地方又有乜問題？簽證過期都會遣送㗎喎，唔一定係要做過咩傷天害理犯法嘅事，定係你先係先入為主有偏見嗰個？

至於佢坐緊監方面，所以我有補充「或者最少係佢一手促成嘅」，無論佢係勸個奴隸自己翻去定係篤灰都好，佢做嘅嘢都係冇改變過，而奴隸走甩咗搵得翻嘅機會本身好細。唔好忘記「我現在把他本人送回給你」係明確表達緊保羅自己都認為係佢導致嘅。

另外我係冇直接或間接講過保羅「只係」跟住羅馬法律而活，極其量都係稱讚佢係守法公民，定係因為我同你睇法唔同就唔可以稱讚保羅？呢度令我好難唔懷疑真正有偏見嘅人係你。

作假見證嗰句後面有擺低粒膠我諗明眼人都睇得出只係揶揄緊，咁都要解釋係咪我真心咗

唔好意思，你句「唔一定架」我都想見識吓點唔一定法。都係嗰句，我當你係兄弟嘅話，你肯唔肯做我奴隸先？究竟邊樣好啲大家心照啦，你咁都要拗只係為拗而拗。

關於你最後講嘅嗰部份，我並冇打稻草人，因為愛任何一個人，係唔需要嗰個人係奴隸嘅，點解當佢係兄弟嘅同時唔可以解放佢？

我想再補充一點，羅馬政府係會喺逃跑過嘅奴隸臉上用烙鐵烙鐵，一嚟係防止佢再逃走，二嚟係作為懲罰。我諗喺現代文明社會應該冇人（心理變態嘅例外）會覺得送個奴隸翻去受烙印係愛佢嘅表現，愛唔係得把口就叫愛。

「小子們哪，我們相愛，不要只在言語和舌頭上，總要在行為和誠實上。」約翰一書3:18

聽講King James 聖經係猶太人改過。

惡魔都改寫到 即係惡魔比神強？
或者神唔係全能

十字軍東征完全無錯

我指出左點解你講既唔符合事實，保羅係冇可能自己同阿尼西謀一齊去，所以你由一開始既論述就唔成立。你就回應係咩情況用隻字。咁既對話真係好冇營養。同時，你的確#65 講押送，#67 講遣送。

你係討論緊聖經腓利門書既內容，其中保羅睇阿尼西謀既關係，講到明「他不再是奴僕，而是高過奴僕，是親愛的弟兄——對我尤其是這樣，更何況對你呢！無論是在肉身上，還是在主裡，都是這樣。」（16節），你仲係咁堅持保羅睇阿尼謀做「逃走既奴隸」，咪就係打稻草人。

同時，你將唔符合事實既關係當成事實咁講，呢個係你既偏見造成。如果小心睇聖經就唔會得出咁既結論。

你個「我當你係兄弟」，唔係聖經所講大家都服係上主之下既兄弟，所以係偷換概念，根本就同討論無關。

當時既奴僕可以係冇依靠既人，有好既主人收留佢保佢衣食無憂係好過佢自由係出面，路得記上半就係例子。你如果將你心目中既世界夾硬放入聖經，係唔會睇得明。

3個負評。姐係至少3個連登基督徒同何君堯一樣，覺得同性戀係要睇醫生。仲唔認同共產黨connected。

保羅自己都寫「我現在把他本人送回給你」，呢句句子點解讀先可以我嘅論述唔成立？唔係親自去都可以係佢促成嘅，除此之外我都想見識吓你點解讀到呢單嘢唔係佢跟開

另外建議驗眼，我#65一開頭就寫緊遣送，驚你隻眼有事先睇唔清楚，教埋你可以用Ctrl+F搜尋「押送」出現喺邊。我唔係想咁小學雞玩捉字蚤，不過一開始係你挑剔我用詞先，我只係為自己辯護。冇營養？我都係咁諗

阿尼西謀都的確係逃走嘅奴隸，而送佢翻去就係保證有刑責，逃走嘅奴隸根據羅馬法律都犯咗盜竊罪，因為佢偷咗佢自己（基於奴隸係商品）。無論保羅當唔當佢係奴隸，都唔會改變呢啲事實，而佢本來可以免去阿尼西謀嘅痛苦

我並無偷換概念，的確只要你做我嘅奴隸（按照羅馬當年嘅奴隸標準）嘅話我保證當你好似教會嘅弟兄姊妹咁

無論咩目的都好，收養一個孤苦無依嘅人的確係善舉，但如果單純係一片善心點解唔提供埋佢一個合法嘅身份（由於奴隸係商品，所以係冇合法身份，例如私有財產權呢啲基本權利都係唔存在）？佢做咗自由民你一樣可以收養佢㗎喎，之後話之你賜姓又好，遺囑落佢名都好，完全冇問題

同埋我唔係將心目中嘅世界夾硬放入聖經，而係你睇聖經嘅時候罔顧當時嘅現實社會係點。冇呢方面知識好正常，但與其屈我將心目中嘅世界夾硬放入聖經，不如認真去了解吓當時嘅歷史先

我都唔爭在順便再講吓，羅馬絕大多數嘅合法奴隸都係嚟自軍隊侵略其他地方再綁架當地人，又或者奴隸生養嘅後代（又係因為奴隸係商品，當然都唔存在合法婚姻，只係奴隸主會類似配種咁安排非正式結合），而非法奴隸就係海盜之類嘅犯罪份子綁架翻嚟

無論婚姻財產定係人身自由都唔係掌握喺自己手上，呢個就係你口中「衣食無憂」嘅真相

何係基督徒
佢哋傳教時成日話基督教反共
但其實港共入面好多基督徒

夠膽你咪同上帝講，上連登講做乜

神唔比，撒旦半步都唔行得

如果神比，咁等之後領獎

我未見過敗軍之將咁惡

訴諸權威耶撚駁唔到，喺度發癲

腐敗嚟講無論天主教基督教邊度都有，但係基督教整體嚟講並無你講到咁差，我見過好多有信德嘅人喺基督教裡面，你見到嘅門派似乎有啲問題，唔介意可以開個名比我哋小心啲，喺我眼中基督教有好多好人，默默為社區服務，上主一定唔會拋棄佢哋

好佩服你可以同佢拗落去, 因為佢只係同你逐隻無關痛癢既字拗, 連係咪奴隸都共識唔到好難理解咁樣傳福音有邊個會信服

https://bmy.org.hk/tag/%E9%98%BF%E5%B0%BC%E8%A5%BF%E8%AC%80/
事實:
阿尼西謀就係逃走既奴隸
明確指出係保羅"差他回腓利門身邊"
冇講過奴隸信左主就唔再係奴隸

以前賣贖罪券年代咪同今日回教佬差唔多
回佬啲神棍控制幾多國家嘅政府，中東嗰頭又起一大堆建築
最似嘅係用宗教名義四圍殺人

因為係班猶太佬寫㗎咋嘛

最仆街係份保單都係空頭支票
死咗先賠(仲要唔知係咪真)

我份人比較硬頸先拗得落去

咁多年嚟研究普遍都認為阿尼西謀就係逃走嘅奴隸 亦係保羅遣送佢翻去 得佢可以講到呢單嘢唔係保羅跟開咁

同埋其實唔止係腓利門書 亦唔止於保羅 成本聖經其實都冇主張過廢除奴隸制度

保羅冇錯唔必然代表奴隸制度冇問題，每個人物都要套番時代背景去理解。

正如耶穌講離婚，都講：「摩西因為你們的心硬，所以准許你們休妻，但起初並不是這樣。」馬太福音‬ ‭19‬:‭8‬

保羅係根據時代背景勸勉眾人，即使當代制度唔完美，大家都要活在當下，在有限的環境實踐耶穌既教導，活出愛。

又唔好忽略時代背景去指責聖經唔反對奴隸制度，果個中世紀，邊個地方唔係行奴隸制？

又咁講，而家好多人都做緊社畜、人礦，其實係咪又真係差咁遠？

聖經既著眼點從來唔係當下既制度，而係耶穌/上帝既教導（愛、尊上帝為大等等）

耶教根本只係一個出現同發展得夠早既邪教

聖經：16 他不再是奴僕，而是高過奴僕，是親愛的弟兄——對我尤其是這樣，更何況對你呢！無論是在肉身上，還是在主裡，都是這樣。

你：阿尼西謀係逃走既奴隸，羅馬人咁對奴隸，所以聖經咁教對奴隸。

見唔見到差幾遠？

嗱 ，平心而論，其實我覺得保羅個做法以當時社會嘅標準嚟講算好，同當年一啲主張要對奴隸展示德行嘅斯多葛主義奴隸主差唔多

我一開始會攞出嚟講其實都唔係真係想指責佢，而係作為聖經跟唔上時代嘅例子，但因為同上面另一位巴打筆戰緊就難免會攞呢點嚟攻擊吓