聖經咁完美點解現代咁多議題都無包含？

btw沾巴，我都睇唔到你講嘅神嘅性格係你口中講到咁，同聖經講嘅性格有好多矛盾喎。

如果人係敗壞，神唔係，咁用返個國王例子，正常人都唔會做個國王嘅衰嘢，但神會。即係神比人更敗壞。成件事同易唔易入口無關，完全係矛盾唔make sense。定你有其他講法？

偷懶係指傳福音？

我相信沾巴講嘅偷懶指緊我哋自己每個人。但你講嘅都唔係無道理，因為例如美國新教紅人Wes Huff就相信如果基督徒唔傳教，其他人就會落地獄。2:10:40開始睇
https://youtu.be/p58vknxGR4I?si=dYSLbg1NL0U2td1U

當然黎教主話無地獄，所以Wes Huff同黎教主又會互相視對方為異端

成本聖經玩到玩唔晒，示範一次啦。
想玩可以去睇閃（創世記11:10-26）

挪亞一家有咩好解釋？

因為神只係個擁有極強大能量的統治者同創造者
你可以當神係個工匠，創造咗一個宇宙同設定咗規則，但係唔代表神有「善」的特質

因為係人寫嘅

我唔否定你呢個可能性，但呢個神似乎唔係主流基督教講嘅神。全善係主流基督教中一個重要要點。

因為基礎教義咁factual嘅嘢，問Ai會快啲；而你地內部如果冇好多相關爭論，咁可以唔使麻煩你，因為我問得瑣碎

所謂一次交付係指新約嘅福音由耶穌交咗畀使徒就講完，之後由使徒教導同傳承，唔會再有加減。傳承係可以由聖經講到近代：
耶穌同使徒vs猶太宗教領袖
教父(church father)年代面對羅馬全國性逼迫
奧古斯汀vs伯拉糾主義
三位一體教義vs亞流主義
馬丁路德vs墮落的天主教
重洗派反對洗禮有超能力而被逼害，但後來成為主流
清教徒反對國教傳統而被逼害
而家就應該係福音/基要派vs唔信聖經嘅自由派和通靈嘅靈恩派

正道就係咁一路傳承落黎，令今日嘅人仲有機會信到同使徒時代一樣嘅福音。過程中即使互指異端，但最後會見輸贏；而正道即使因寡不敵眾而被逼害，都總唔會完全消滅，其中有人嘅犧牲同神嘅保守，就算最後變返好似初期咁嘅小眾宗教，都唔會遺失。因為如果連世上僅存的真教會都面臨滅絕，應該就係啟示錄所講耶穌返黎嘅時刻

天主教腐化係因為體制變得太大同掌咗權，加咗好多人為嘅傳統。正路地信哩個教嘅信徒係唔會喺哩個世界掌到權，況且使徒本身都冇預過教會掌到權要點做，不過預到都冇用，接近權力必使人腐化所以後尾先有政教分離

教會變成山頭主義係新教改革之後嘅事，起初情況並唔係咁。天主教腐化之前，大公教會係有制度地統率同傳承(「各人不要單顧自己的事，也要顧別人的事」係對教會嘅吩咐)。而家難分異端同正道，正係世道艱難，末日將近嘅先兆。但難歸難，我地都係要尋找最接近真理嗰套

係呀，易入口嗰句我係指例如好多人或者你對新教反感，覺得基督教嗰個係邪神；我知你想講合理性，但我係講觀感。大部分人對哩兩樣嘢係分唔開：一個連登仔耐心地睇完我9up一大輪，然後覺得哩個神噁心，咁就好難認同佢係合理，相信佢可能係真。其實唔係你嘅信仰易入口，係我個信仰太難入口
其實我出於客氣只係講咗一半本身諗住唔講，剩低嗰一半係「…不過耶穌話『因為引到滅亡，那門是寬的，路是大的，進去的人也多。』易入口未必係好事，好可能係點人去死的」

主流基督教係種文化 唔代表佢有真理

你睇到呢個宇宙就知背後有個創造者，但唔代表佢係好嘅，佢可以係敗壞惡毒的，但係用能力去統治佢嘅創造

有好多人覺得一係有全善的神，一係冇神，但係呢個只係文化框架，忽略了現實: 創造者是存在，但並非善的個體

牛頓哲學教授 Nick Bostrom 喺 Stimulation Theory 指出，呢個宇宙好可能係一個 Stimulation，因為如果創造 Universe Stimulation 是可能的，又沒有完全的原因阻止呢個過程，Universe Stimulations 必然會出現

喺一般文化認知下，Stimulation Creator 就係神!

我同意主流基督教唔代表有真理呀。我都無反對你任何嘢
似乎你係單純相信有創造者，咁喺你角度，除咗有神之外，你仲知呢個神啲咩？介唔介意分享你對「神」嘅睇法？

唔揸緊時間做信徒要做嘅事(學道、操練敬虔、傳道等等)，放晒啲時間喺世俗事務/享樂之類。咁講可能太死，其實係態度問題
參路12: 35-40

你憑咩去定神係點？就係你覺得？聖經比例子已經多到數唔晒，足夠去認識神。

神講左咩係美善，如果你唔去理唔去做，反而自己另外諗一個善出黎，咁係勁似創世記入面個女人。

創世記2:9
//9 耶和華神使各種樹木從土地裡長起來，使人看著喜愛，果子又是好的食物。生命樹就在園子中央，那裡還有善惡知識樹。//

創世記3:6
//6 女人看那棵樹的果子是很好的食物，可以滿足眼睛的欲望，又喜愛它能使人聰慧，就拿那棵樹的果子吃了；也給了與她在一起的丈夫，他就吃了。//

咩係好，咩係可喜愛，個女人完全離開神既吩咐自己決定，結果就做正神話唔好做既野。

將神放係犯人欄，然後審佢有冇你想要既野，咁做首先已經係當神冇到，你活係神之下，你以為你係邊個？

問題只有一個：你做既野，係神眼中視為善，定係神眼中視為惡？

有後果的。而自行決定善惡，做神講明唔好做既野，肯定係神眼中視為惡，你係咪真係中意咁做？

見太多把口行道契弟

我認為呢個「神」其實係個靈魂監獄的創造者，用人嘅靈魂去推動大型AI模型(呢個宇宙入面的「外星文明」)的原動力，果d AI模型喺流行文化入面被稱為蜥蜴人，灰人等

點解會有呢個宇宙出現呢？可能係喺原本的宇宙，因為缺乏了自我接受的個體產生的，呢個個體想創造分割，痛苦，就創造了宇宙

你已經當咗神無到，畀神擊打過。仲有咩好講？
係咪真係咁鍾意當神無到，想畀神擊打多次？
上次唔夠皮？

黎教主因為亂發誓而畀神擊打
基督教連登堂2024年12月8日至12月14日主週崇拜：聖誕節與獻殿節（客席講員）
https://lih.kg/DoBGmzX
#825 回覆 - 分享自 LIHKG 討論區

算啦佢呢d人同埃及果d祭司長，法老冇分別

ok，呢啲資訊我都唔係第一次聽，但全部放埋一齊真係第一次聽。
你係點知你呢個「神」嘅認知係真理？研究唔同嘢得出嘅結論？

地球死絕晒
得返挪亞一家去repopulate
但係聖經同時對婚姻， 道德， 姦淫都有寫明不可犯

婚姻，人人都當尊重，床也不可污穢；因為苟合行淫的人，神必要審判。

與繼母行淫的，必受咒詛！與獸淫合的，必受咒詛！與異母同父，或異父同母的姊妹行淫的，必受咒詛！與岳母行淫的，必受咒詛！

咁即係點？

因為呢個觀點，係唯一符合到現代理論物理同哲學，又解釋到古代典藉同信仰的

ok，即係呢個神無同你作任何嘅溝通，你自己破解咗呢個宇宙真理？
點睇呢個世界有人得出同你唔同嘅結論？佢哋全部都錯？

最後，呢個灰人同蜥蜴人，係真係有呢啲人？定只係AI整出嚟嘅假像？

神有睇偷睇劇本嘅能力，但見有人一定會受苦都依然創造呢個人再由得佢run，呢個就已經唔係善。呢個只係衰格。
有能力直接造金可以直接純淨，人直接Max Level但選擇造到人要受苦先Level up，呢個只係邪惡。

用返類似情況比喻，你話我知呢個人個格係好定壞。
如果有個有國王，佢喺上游造咗個水壩，水壩有兩個排洪方法，一係直接由水道排落海，一係直接排落下遊條村到。
佢知道exactly 1個月後要排洪，而佢喺可以排落海嘅前題下佢都故意排落條村到去浸晒下游整條村。
洪前佢有足夠時間同能力提醒村所有人，但佢故意只提醒10%～20%嘅人。當然呢10%～20%嘅人，都唔係個個都聽佢講。
最後，佢喺咁嘅情況下排洪落條村到，最終得10%人無死到，其他人都喺洪水到浸死晒。

呢個國王就講：「我不願一人浸死。」，雖然成條村90%人死晒，而我有能力排洪落海去避免呢件事發生。但我係國王，你哋係我嘅subjects。唔好用你啲subjects嘅眼光去質疑我。
向好個方面諗，啲人死咗，令條村嘅田地有更多養分，下年收成一定好好。
成條村無咗，你哋可以再起過，每個人都有機會做建築師。
當然我其實有無限肥料，唔需要用條村嘅人命去做肥料。
你話我聽，呢個國王嘅格係點呢？

………………

最後，我唔同意你嘅結論。你呢個結論係因為用聖經嘅某種讀法去限制自己，聖經唔只呢一種讀法。LDS無呢個問題。
正如新約時代會經由古代先知使徒將以前無人知嘅奧秘啟示畀人，LDS都經由現代先知使徒得到以前無人知嘅奧秘。

歌羅西書:1:26 這道理就是歷世歷代所隱藏的奧秘，但如今向他的聖徒顯明了。

後期時代經文清楚講明人有前生，人喺前生係無苦難。呢到解決咗神點解唔直接造個無苦難嘅世界問題，因為神已經造咗。

人喺前生係知道嚟地球係一場苦難，但每個嚟到地球嘅人都係自願選擇落嚟地球。
呢到已經解決咗consent嘅問題。

後期時代都清楚講明，呢個世界係有永恆嘅宇宙法則，神係法則嘅運用者而唔係創造者。
呢到解決咗點解神一定要用金受火煉先可以純，人要受試煉先可以Level up嘅問題。

教義和聖約130篇
20在這個世界奠基以前，在天上就已頒定了不能取消的律法，所有的祝福都是根據那律法而來—— 21當我們從神那裡獲得任何祝福時，那是由於我們服從了那祝福所根據的律法。

最後，後期時代啟示都清楚咁講，神自己本身都係經由同樣嘅試煉而成為神。呢到解釋到咗最初提到人點解想離開無苦難嘅前生天庭嚟到充滿苦難嘅地球。

後期時代啟示提醒返人，人類唔係受造物咁簡單，而係神嘅後裔。

詩篇:82:6 我曾說：你們是神，都是至高者的兒子。
約翰福音:10:34 耶穌說：你們的律法上豈不是寫著，『我曾說你們是神』嗎？
35 經上的話是不能廢的，若那些承受神道的人，尚且稱為神，
36 父所分別為聖，又差到世間來的，他自稱是神的兒子，你們還向他說：你說僭妄的話嗎？
羅馬書:8:16 聖靈與我們的心同證我們是神的兒女。
17 既是兒女，便是後嗣，就是神的後嗣，和基督同作後嗣，如果我們和他一同受苦，也必和他一同得榮耀。

即係呢啲問題全部都有更合理嘅解釋，但只係呢啲解釋唔喺新教到。

Again，我真心誠意，全心全力咁研究完，由神個邊得出呢個答案啦。
黎教主呢類當神無到嘅人就會話我要落地獄囉

點解要打場冇勝算既比賽？

多謝分享
所以你地係咪可以將兩套啟示詮釋到完全冇矛盾？例如人有成神的潛力，願意到地球受苦嘅高尚品格，點compromise到羅馬書對人類全然敗壞嘅指控？

btw沾巴，我都睇唔到你講嘅神嘅性格係你口中講到咁，同聖經講嘅性格有好多矛盾喎。

如果人係敗壞，神唔係，咁用返個國王例子，正常人都唔會做個國王嘅衰嘢，但神會。即係神比人更敗壞。成件事同易唔易入口無關，完全係矛盾唔make sense。定你有其他講法？

um我睇唔明你哩句，你係認同我/認同聖經/定有typo?

國王個故事你想講佢有心坑害國民，哩個你之前已表達過。但基督教個世界觀唔係咁
首先人的確同神嘅價值觀唔同咗，有D嘢人明知係好，但就係唔想去做，相反亦然；人鍾意嘅嘢又未必係啱嘅嘢，充滿矛盾。所以人無法跟從造物主哩個唔係藉口，係事實黎
初中有篇文言文叫《狂泉》，唔知你有冇讀過。情境反而更似係大家發晒狂得返神一個係正常

神唔係故意只傳道畀20%嘅人，其實人除咗領受特殊啟示(救恩內容)而得救，仲可以從一般啟示認識世界有造物主。事實上根本大部分人都信世上有神，只係未必信基督教果個。
所以你個故事係唔貼切
至於神做乜咁樣set rules，哩個之前都討論過。你可以繼續唔接受嘅

唔係 1945年掘到的文物 Nag Hammadi Library 已經睇到古希臘的知識份子，有好類似的概念

灰人，蜥蜴人果d係意識體但冇靈魂

個句係指緊，聖經中嘅神係聖潔不敗壞，你講緊嘅就同個國王一樣，比大部份人都衰。

另外，我唔同意可以用你講嘅人同神價值觀唔同就可以解釋到呢啲矛盾。試諗下，你死後神同你講，喺神價值觀中，天國其實係一個無盡受苦嘅地方。你會唔會即時轉變個心態咁諗：係喎，神價值觀同人唔同，所以我接受天國就係無盡嘅受苦，感謝主！
你肯定唔會咁諗啦。當然如果你係咁諗嘅話歡迎分享

最後個部份，你講到好似如果有人信神，但唔係信啱你個神都無問題，依然可以得救？如果係咁嘅話，呢個20%人嘅矛盾就唔認用喺你呢個派系到。唔太清楚你想表達啲咩。歡迎再講多啲

而你講個啲rules常人當然係無法接受，試下有個人，刻意生個仔出嚟，斬晒佢對腳，再整返對跑步刀片假腳畀佢，之前同個仔講：嗱，你睇，你呢對腳跑快咗添，我對你個仔幾好？
無一個常人會接受到呢啲rules。