我反而覺得唔需要諗太多
人民幣國際化既短期目的係自由對外貿易（唔洗再靠香港），最終目的係動搖甚至取代美金地位，從而令中國取代美國地位。
所以驚人民幣國際化既唔單止香港，仲有美國。
美國既底線係人民幣變成日元，英鎊咁上下既貨幣。
中國再想有進一步既行動例如說服產油國轉用人民幣結算（就好似伊拉克咁），美國唔洗講一定會出手一方面打鳩個產油國，一方面打擊人民幣（就好似歐元咁）
當然有個極端例子係俄羅斯轉用人民幣結算石油，到時真係唔知點算
另外中國內部黎講都好多問題，人民幣匯率波動最受影響既有房地產同糧食。房地產黎講大陸北上廣等一線城市因爲剛性需求所以唔會點跌係真，但好多2線城市既樓價真係經唔起匯率波動，而中國我覺得因為人口問題所以10年內轉型唔再依賴房地產我覺得有難度，但一日仲依賴房地產，中國一日都承受唔起匯率波動。
另外就係糧食，中國就13億人，耕地面積就係印度三分一。糧食唔夠自給自足要大量依賴進口，所以開放匯率後人民幣升都還好，最多死d出口業大家窮少少。跌個十零廿%真係全國唔知幾多人冇飯開，中國同其他國家最大唔同係西方國家有經濟危機最多換下政府，獨裁國家就一定係內亂（例如蘇聯）
所以你話人民幣10年到會慢慢國際化，我就覺得中國係要十年內轉型到唔怕匯率波動就夠膽國際化，如果唔係以後打經濟戰一有咩冬瓜豆腐（好似英鎊咁眨個百份序十幾二十）真係會內亂
就算人民幣一旦完全國際化，受影響既唔單止香港，而係全世界既金融格局都會好大影響，政治環境動盪就梗，分分鐘打仗。
我估未來世界，太難打大仗
Trump係中國有生意，中共班官又係美國有生意
大家個利益太交集，唔似以前一戰二戰咁，大家D地盤分得咁清楚
北韓核試，都無人敢提出要軍事攻擊北韓
頂多停留係外交手段
中國南海填左幾個島，菲律賓咪揸哂手
呢個年代，你物理上佔領左它人土地，仲要維持大量軍隊係當地控制局勢，太唔符合成本效益
美國果種控制Proxy，打代理人戰爭，先係未來世界既新格局
或者當AI盛行果種，大家上戰場既都係機械人，打仗犧牲既都係機械，打仗成本低左，到果時可能久唔久真係打翻場，無野輸嘛
