唯一能動搖香港樓價的，是港幣的地位
- 房屋係華人社會的主要金融工具，並無特例
- 香港係中國手入面最一流的金融中心，並無其它可比較既城市
- 最主要原因係人民幣不能自由國際兌換，中國高度依靠利用港幣呢種佢控制到，又可以同國際自由兌換既貨幣，同外國進行大部份貿易與金融活動，都需要利用港幣做緩衝
- 香港無可以養活700萬人既天然資源，或者高新科技，或者工業實力，香港唯一立身之道就係做中間人，做世界仔，全世界要同中國做生意既，就算佢唔經香港，外國用外幣同中國做生意，都要比香港抽一浸水
- 佔中之後，中國開始認為香港唔穩陣可靠再信唔過，上海搞自貿區，深圳搞前海，目的就係希望飛起香港去直接用人民幣同外國做生意，開始搞人民幣國際化，結果大家都睇到，一自由化有錢佬內保外貸咁搬資產離開中國，人民幣急瀉，外匯儲備大減，股市溶斷，結果人民幣國際化急剎車，救左香港
- 經過左以上事件之後，中國資金更加集中咁流經香港再流出國際，中國需要香港呢個水喉黎適度調節人民幣既流通，滬港通，深港通，債券通，而且有更多中國企業過黎香港插旗，但插旗原因唔係因為貪香港鼻屎大既生意，而係要借香港去將D資金彈出彈入，結果香港呢個池塘仔比突然之間大量北水沖入黎，資產瘋狂升值
- 去翻第一個Point，因為房屋係華人社會的主要金融工具，係大量資金湧入香港呢個池塘仔既時候，所有金融工具都會變得水漲船高，咁就解釋到點解佔中之後，香港樓市連果少少爆破既Signal都見唔到，越升越有，2016呢一年中原領先指數仲要升19%咁顛
去到呢個位，希望大家睇得明樓價同港幣地位之間既因果關係
1. 人民幣自由唔到
2. 需要港幣對外貿易
3. 大量中國資金湧入香港小池塘
4. 香港小池塘水漲船高
5. 樓價升
簡單咁講，即係一日港幣仲有利用價值，港樓都會係咁升
但係假若港幣無左利用價值，中國可以直接用人民幣同外國自由貿易，咁香港作為中間人世界仔既地位都會蕩然無存，港樓就必然會跌到趴趴聲，呢個變動將會來得非常非常之突然
睇到呢到，可能有部份連登仔會非常之期待呢一日既到來，但正如我第一點所講，房屋係華人社會的主要金融工具，樓價跌，其它金融工具無可能獨善其身，而你手上既港幣，都係金融工具既一種，當佢跌到咁上下既時候，共產黨更可能會將你手上既港幣按一個有佢So既匯率強制結算成人民幣，到時全香港揸住港幣既人，就會比共產黨咁住係地上面強姦
再者，當香港失去左港幣之後，香港將會缺乏謀生既能力，我所講既謀身，係可以養活700萬人口既能力，少部份人有專業技能，仲搵到食，唔會有影響，但當整個經濟，賴以為生既"中間人"角色突然間消失，香港仲可以憑乜野賺取大量既外匯去進口石油，大米，煤炭，食水，甚至乏你手裡既iPhone？到時就要動用到香港本身既外匯儲備，要舉外債，而政府更因收入所限，再加上要應付退休公務員既長糧，到果一刻政府可以提供到既服務水平唔會高得去邊，講貼身一D，條街污糟無人掃，條渠塞無人通，開水喉D水臭 (而家已經係)，D馬路爛到一達達，當社會退化到呢一刻，外國投資者更會走得就走，香港就會跌落一個死遁環永不超身。
當一個社會再無足夠能力養活其人口既時候，有能力既人就會選擇搬走，而留翻低香港既就只會係更無能力，更搵唔到食既人，慢慢支離破碎，情況就有D似東北三省咁，當國企重工業變成彊屍企業半死不活既時候，後生既就會離開東北三省，要留翻係東北既人就將東北三省變成人性地獄，幾仆街既事情都發生到
呢一日會幾時發生，我相信無人會可以好準確咁預計到，但呢一刻必然會發生，而且按而家香港染紅既速度，發生係2047之前我個人係認為非常大可能。踏入二十一世紀，世界變化既速度已經快到想像唔到，大家每日離唔開手既Smart Phone，只不過有10年歷史咁上下，所以對於呢D Timing，大家唔好以為係件太遠既事
仲衰過機界賤種
